বাইহাটা,১৯ ছেপ্টেম্বৰ: ৰাজ্যৰ বিভিন্ন প্ৰান্তত বিভিন্ন সময়ত প্লাষ্টিকৰ চাউল ওলোৱা বুলি যি অভিযোগ উত্থাপন হৈ আহিছে সেই সন্দৰ্ভত ৰাইজৰ ভুল ধাৰণা ভঙাৰ প্ৰয়াস কৰে ভাৰতীয় খাদ্য নিগমে(Plastic Rice Controversy) । এই সন্দৰ্ভত ভাৰতীয় খাদ্য নিগমৰ চাংসাৰিত থকা গুডাম ঘৰৰ বাকৰিত অনুষ্ঠিত হয় এখনি সজাগতা সভা(Food Corporation of India) ।
এই সজাগতা সভাতে প্লাষ্টিক চাউল প্ৰসংগত কেতবোৰ গুৰুত্বপূৰ্ণ কথা উল্লেখ কৰে খাদ্য নিগমৰ প্ৰৱন্ধক ৰাজেশ চৌধুৰীয়ে(Awareness meeting at Changsari) । চৌধুৰীয়ে জনাই যে প্লাষ্টিক চাউল বুলি সাধাৰণ মানুহে যি ধাৰণা কৰিছিল সেয়া আচলতে ফৰটিফইড চাউলহে । এই চাউলবিধ কৃত্ৰিমভাৱে নিৰ্মাণ কৰা হয় ।
আমি খাবলৈ ব্যৱহাৰ সাধাৰণ চাউল গুড়ি কৰি তাৰ লগত আইৰন, ফলিক এচিড আৰু ভিটামিন B12 মিলাই পুনৰাই কৃত্ৰিমভাৱে এই ফৰটিফাইড চাউলবিধ প্ৰস্তুত কৰে বুলি জনাই চৌধুৰীয়ে । সাধাৰণতে খাবলৈ ব্যৱহাৰ কৰা চাউলৰ লগত ১.১০০ অনুপাতত মিহলাব লাগে এই ফৰটিফাইড চাউলবিধ । বৰ্তমানে মধ্যাহ্ন ভোজনৰ চাউল আৰু সংহত শিশু উন্নয়ণ প্ৰকল্পৰ জড়িয়তে এই চাউল বিতৰণৰ ব্যৱস্থা কৰা বুলি উল্লেখ কৰে ভাৰতীয় খাদ্য নিগমৰ প্ৰৱন্ধকগৰাকীয়ে ।
লগতে পঢ়ক: টীয়কত ২২১ জন ৰোগীৰ মাজত চেক বিতৰণ
