গুৱাহাটী,১৮ ছেপ্টেম্বৰ: বলিউডৰ প্ৰসিদ্ধ অভিনেতা অনুপম খেৰ বৰ্ত্তমান গুৱাহাটী মহানগৰীত(Anupam Kher at Guwahati)। ব্যক্তিগত দুদিনীয়া কাৰ্যসূচীৰে অসমলৈ অহা স্বনামধন্য অভিনেতাগৰাকীয়ে আজি মা কামাখ্যা মন্দিৰত উপস্থিত হৈ মাৰ পূজা-অৰ্চনা কৰে । মন্দিৰত উপস্থিত হোৱা অভিনেতাগৰাকীক মন্দিৰ কৰ্তৃপক্ষৰ তৰফৰ পৰা উষ্ম আদৰণী জনোৱা হয় ।
তেওঁ শক্তিপীঠ কামাখ্যা ধামৰ পৰিদৰ্শন কৰি পৰিৱেশ দেখি আপ্লুত হৈ পৰে(Anupam Kher at Maa Kamakhya Temple) । সামাজিক মাধ্যম যোগেও তেওঁ মা কামাখ্যা মন্দিৰত কৰা পূজা-অৰ্চনাৰ লগতে পৰিৱেশ বৰ্ণনা কৰি ভিডিঅ' আপলোড কৰে । ইয়াৰ পূৰ্বে তেওঁ বিমানত থকা অৱস্থাতো গুৱাহাটীৰ নান্দনিক পৰিৱেশ সামাজিক মাধ্যমত আপলোড কৰি অসমৰ প্ৰাকৃতিক সৌন্দৰ্যক প্ৰশংসা কৰে ।
তেওঁ আজি কামাখ্যা মন্দিৰ পৰিদৰ্শন কৰি দেৱীৰ চৰণত পূজা আগবঢ়ায় সকলোৰে মংগল কামনা কৰে । ব্যক্তিগত কামৰ উদ্দেশ্যে অসমলৈ অহা অভিনেতাগৰাকীয়ে অসমত দুদিন কটাব বুলি জানিব পৰা গৈছে ।
লগতে পঢ়ক: অসংখ্যজনে স্ব-ভূমিলৈ আদৰিলে কেন্দ্ৰীয় মন্ত্ৰী সৰ্বানন্দ সোনোৱালক
