সাত বজাৰ শীৰ্ষ দহটা বাতৰি...
পুনৰ অনুষ্ঠিত হ’ব APDCL ৰ পৰীক্ষা: ড৹ হিমন্ত বিশ্ব শৰ্মা
অসম লোকসেৱা আয়োগৰ নিযুক্তি কেলেংকাৰীৰ সমানে ভয়ংকৰ APDCL ৰ নিযুক্তি কেলেংকাৰী । APDCL ৰ নিযুক্তি কেলংকাৰীৰ লগত উচ্চ পদস্থ বিষয়াৰ পৰা আৰম্ভ কৰি ১১ জনকৈ লোক কেলেংকাৰীৰ লগত জড়িত থকা বুলি CM ভিজিলেন্সে প্ৰকাশ কৰিছে । কেলেংকাৰী সন্দৰ্ভত CM ভিজিলেন্সে অভিযান চলায় মহানগৰীৰ বিভিন্ন স্থানৰ পৰা ১০ জন লোকক গ্ৰেপ্তাৰ কৰিছে ।
1 অক্টোবৰৰ পৰা দেশী-বিদেশী পৰ্যটকে ভিৰ কৰিব কাজিৰঙা ৰাষ্ট্ৰীয় উদ্যান
1 অক্টোবৰৰ পৰা পুনৰ প্ৰাণ পাব কাজিৰঙাই ৷ দেশী-বিদেশী পৰ্যটক আদৰিবলৈ সাজু হৈছে উদ্যান কৰ্তৃপক্ষ ৷ উৎফুল্লিত হৈ পৰিছে পৰ্যটন উদ্যোগৰ লগত জড়িত লোক সকল ৷
কংগ্ৰেছৰ লগত খিলঞ্জীয়া নাই: সাংসদ দিলীপ শইকীয়া
বৰপেটাত পণ্ডিত দীনদয়াল উপাধ্যায়ৰ জন্ম দিৱসৰ অনুষ্ঠানত উপস্থিত সাংসদ দিলীপ শইকীয়া ৷ বৰপেটাৰ তৰুণৰাম ফুকন প্ৰেক্ষাগৃহত অনুষ্ঠিত এই অনুষ্ঠানত জয়ন্ত দাসৰ লগতে বহু বিজেপিৰ নেতা কৰ্মীয়ে অংশগ্ৰহণ কৰে ৷ কংগ্ৰেছক প্ৰত্যাহ্বান জনাই সাংসদ দিলীপ শইকীয়াই কয় যে, উপ নিৰ্বাচনত কংগ্ৰেছে অকলে বা সামূহিকভাৱে নিৰ্বাচন খেলি এখন আসন পাৰে যদি দখল কৰক ৷
শৰ্মা উপাধিৰ বিৰুদ্ধে কাপোৰ ফালিছো : ভূপেন বৰা
মন্ত্ৰী পীযুষ হাজৰিকাৰ মন্তব্যৰ উত্তৰ দিলে প্ৰদেশ কংগ্ৰেছৰ সভাপতি ভূপেন বৰাই ৷ সংবাদ মাধ্যমৰ আগত বৰাই কয়, পীযুষ হাজৰিকাই ঠিকেই কৈছে ৷ হয়, মই উপাধি চায়ে কাপোৰ ফলা মানুহ ৷ কাৰণ গৰুখুটিত কোনে গুলিয়াইছে আৰু কোনে নিৰ্দেশ দিছে, সেই মানুহ কেইজনৰ উপাধি একেই । গতিকে শৰ্মা উপাধিৰ বিৰুদ্ধেই কাপোৰ ফালিছো বুলি ক'লে APCC ৰ সভাপতি ভূপেন বৰাই ৷
নাৰায়ণপুৰত বে-দখলকাৰীৰ কৱলত শ শ বিঘা চৰকাৰী ভূমি
নাৰায়ণপুৰ ৰাজহ চক্ৰ বিষয়াৰ কাৰ্যালয়ৰ নাতিদূৰত থকা বৃহৎ পৰিমানৰ চৰকাৰী গ্ৰেজিং ভূমিত একাংশ ভূ-মাফিয়াই বে-দখল কাৰ্যত লিপ্ত কৰাইছে ভাৰাতীয়া লোকক ৷ পৌৰসভা এলেকাৰ মাজেৰে বৈ যোৱা মৰিডিক্ৰং নদীৰ পাৰত থকা শ শ বিঘা মাটি দখল কৰি পকী ঘৰ পৰ্যন্ত নিৰ্মাণ কৰিছে বে-দখলকাৰীয়ে ।
প্ৰধানমন্ত্ৰী মোদীৰ আমেৰিকা ভ্ৰমণ কিয় প্ৰাসংগিক ?
তিনি দিনীয়া কাৰ্যসূচীৰে আমেৰিকা যুক্তৰাষ্ট্ৰ ভ্ৰমণলৈ গৈছে প্ৰধান মন্ত্ৰী নৰেন্দ্ৰ মোদী ৷ এই ভ্ৰমণতেই ৰাষ্ট্ৰপতি হোৱাৰ পিছত জ’ বাইডেনৰ সৈতে প্ৰধানমন্ত্ৰী মোদীৰ প্ৰথমটো পোন-পটীয়া সাক্ষাৎ সম্ভৱপৰ হৈছে ৷ জানো আহক, প্ৰধানমন্ত্ৰী মোদীৰ আমেৰিকা ভ্ৰমণ কিয় প্ৰাসংগিক ৷
পণ্ডিত দীনদয়াল উপাধ্যায়ৰ জন্মবাৰ্ষিকী উপলক্ষে স্মৃতিচাৰণ সভা
পণ্ডিত দীনদয়াল উপাধ্যায় দেৱৰ জন্মবাৰ্ষিকী উপলক্ষে শনিবাৰে ৰাজ্যিক বিজেপিৰ হেঙেৰাবাৰীস্থিত মুখ্য কাৰ্যালয়ত আয়োজিত কৰা হয় স্মৃতিচাৰণ সভা ৷ সভাত উপস্থিত থাকি পণ্ডিত দীনদয়াল উপাধ্যায়ৰ কৰ্মজীৱন বিষয়ে ভাষণ প্ৰদান কৰে মুখ্যমন্ত্ৰী ড৹ হিমন্ত বিশ্ব শৰ্মাই ৷
ৰাহুল গান্ধী 'part-time' ৰাজনীতিবিদ : প্ৰহ্লাদ যোশী
ৰাহুল গান্ধীক 'non-serious' আৰু 'part-time' ৰাজনীতিবিদ আখ্যা ৷ মিষ্টাৰ ৫৬ ইঞ্চিয়ে চীনক ভয় কৰে বুলি কংগ্ৰেছ নেতাগৰাকীয়ে প্ৰধানমন্ত্ৰী নৰেন্দ্ৰ মোডীক কটাক্ষ কৰাৰ পাচতে গান্ধীক 'non-serious' আৰু 'part-time' ৰাজনীতিবিদ আখ্যা কেন্দ্ৰীয় সংসদীয় পৰিক্ৰমা মন্ত্ৰী প্ৰহ্লাদ যোশীৰ ৷
অসমৰ উচ্ছেদ অভিযানক লৈ ভাৰতীয় কূটনীতিবিদক পাকিস্তানৰ চমন
অসমৰ উচ্ছেদ অভিযানক লৈ উদ্বেগ প্ৰকাশ পাকিস্তানৰ ৷ উচ্ছেদৰ সময়ত উদ্ভৱ হোৱা হিংসাত্মক পৰিস্থিতিৰ উচিত তদন্তৰ আহ্বান জনাই ভাৰতীয় কূটনীতিবিদক পাকিস্তানৰ চমন ৷ অসমত মুছলমানসকলক লক্ষ্য কৰি লোৱা হৈছে বুলি অভিযোগ পাকিস্তানৰ ৷
দেশৰ বিশিষ্ট সমাজ কৰ্মী, লেখিকা কমলা ভাছিনৰ বিয়োগ
৭৫ বছৰ বয়সত মৃত্যু হয় ভাৰতৰ বিশিষ্ট মহিলা অধিকাৰ কৰ্মী কমলা ভাছিনৰ । বিশিষ্ট মহিলাগৰাকীৰ মৃত্যুত সমগ্ৰ দেশতে শোকৰ ছাঁ পৰা দেখা গৈছে ।
