নিউজ ডেস্ক, 26 ছেপ্টেম্বৰ: 24 ছেপ্টেম্বৰৰ নিশা কাজিৰঙা ৰাষ্ট্ৰীয় উদ্যানত জীপ চাফাৰী কৰিলে মুখ্যমন্ত্ৰী ড৹ হিমন্ত বিশ্ব শৰ্মাই (Assam CM Kaziranga visit)৷ মুখ্যমন্ত্ৰীগৰাকীৰ লগত আছিল সদগুৰু জগদীশ বাসুদেৱ আৰু মন্ত্ৰী জয়ন্ত মল্ল বৰুৱা ৷ সদগুৰুৱে নিজেই জীপ চলাই পৰিদৰ্শন কৰিলে কাজিৰঙা ৷ কাষতে বহুৱাই ল’লে মুখ্যমন্ত্ৰী ড৹ শৰ্মাক ৷ ইয়াৰ পাছতেই সামাজিক মাধ্যমত ব্যাপক চৰ্চা ৷ ক্ষোভ, প্ৰশ্ন, যুক্তি সকলো উজাৰিলে সচেতন মহলে ৷
পৰ্যটকৰ বাবে কাজিৰঙা ৰাষ্ট্ৰীয় উদ্যান মুকলি কৰিবলৈ গৈ নিশা জীপ চাফাৰী কৰিলে মুখ্যমন্ত্ৰীসহ সদগুৰুৰ বহু বিয়াগোম নেতা, বিষয়াই (Night Jeep safari in Kaziranga)৷ বিষয়টো গৌৰৱৰ ৷ সমগ্ৰ কাৰ্যসূচীটোৰ কেইবাখনো ফটো সামাজিক মাধ্যমত আপলোড কৰিলে মুখ্যমন্ত্ৰীয়ে (Himanta Biswa Sarma tweet)৷
কিন্তু সেই সময়তে উত্থাপিত হ’ল সাধাৰণ লোকক নিশা কাজিৰঙাত প্ৰৱেশ কৰিবলৈ নিদিয়া বিষয়টো ৷ কিছু সময়ৰ পাছতে মুখ্যমন্ত্ৰীৰ কাজিৰঙা ভ্ৰমণৰ পোষ্ট আঁতৰাই দিয়া হ’ল ৷
ইয়াৰ পাছতে মুখ্যমন্ত্ৰীৰ লগতে সদগুৰু আৰু মন্ত্ৰী জয়ন্ত মল্ল বৰুৱাৰ বিৰুদ্ধে দাখিল হ’ল দুখনকৈ এজাহাৰ (FIR against Assam CM and minister)৷ অভিযোগকাৰীৰ মতে মুখ্যমন্ত্ৰী বন্যপ্ৰণী সুৰক্ষা আইন উলংঘন কৰিছে ৷ যি আইনৰ অধীনত বহুসময়ত শাস্তিৰ সন্মুখীন হৈছে বহুজন ৷ বিতৰ্ক অব্যাহত থকাত ৰাজ্যৰ প্ৰধান মুখ্য বন সংৰক্ষক এম কে যাদৱক প্ৰশ্ন কৰা হ’ল ৷
তেওঁ কয় যে, মুখ্যমন্ত্ৰী ড৹ হিমন্ত বিশ্ব শৰ্মাই আইন উলংঘা কৰা নাই ৷ অতিথি মাতি অনা হৈছিল ৷ গতিকে যিকোনো সময়ত হ’লেও, যিকোনো বাধা নেওচি হ’লেও শুশ্ৰূষা কৰিবই লাগিব ৷
লগতে পঢ়ক: নিশা কাজিৰঙাত জীপ ছাফাৰীৰ বাবে আগতীয়াকৈ অনুমতি লোৱা হৈছিল: মন্ত্ৰী অতুল বৰা
