গুৱাহাটী,২২ জুলাই: অসমৰ ক্ৰিকেট অনুৰাগীসকললৈ সুখবৰ । গুৱাহাটীত পুনৰ অনুষ্ঠিত হ’ব আন্তঃৰাষ্ট্ৰীয় ক্ৰিকেট মেচ(India-South Africa T20 match) । গুৱাহাটীৰ বৰ্ষাপাৰা ক্ৰিকেট ষ্টেডিয়ামত অনুষ্ঠিত হ’ব আন্তঃৰাষ্ট্ৰীয় টি-২০ ক্ৰিকেট মেচ । ভাৰত আৰু দক্ষিণ আফ্ৰিকাৰ মাজত হ'ব টি-২০ মেচখন ।
উক্ত শৃংখলাৰ দ্বিতীয়খন মেচ অনুষ্ঠিত হ’ব গুৱাহাটীত । ১ অক্টোবৰত বৰ্ষাপাৰাত অনুষ্ঠিত হ’ব মেচখন(T20 series) । উল্লেখ্য যে বিশ্বকাপ ক্ৰিকেটৰ পূৰ্বে ভাৰত ভ্ৰমণলৈ আহিব দক্ষিণ আফ্ৰিকাৰ ক্ৰিকেট দলটো । ভাৰতত তিনিখন এদিনীয়া মেচৰ লগতে টি-২০ খেলটো অংশ ল'ব দক্ষিণ আফ্ৰিকাৰ দলটোৱে ।
লক্ষণীয় যে ২০২০ চনৰ ৫ জানুৱাৰীত শেষবাৰৰ বাবে গুৱাহাটীৰ বৰ্ষাপাৰা ক্ৰিকেট ষ্টেডিয়ামত অনুষ্ঠিত হৈছিল আন্তঃৰাষ্ট্ৰীয় ক্ৰিকেট খেল । ভাৰত আৰু শ্ৰীলংকাৰ মাজত অনুষ্ঠিত হৈছিল টি-২০ খেলখন । সুদীৰ্ঘ দুবছৰ ৯ মাহৰ বিৰতিৰ পাছত ১ অক্টোবৰত গুৱাহাটীৰ বৰ্ষাপাৰা ষ্টেডিয়ামত অনুষ্ঠিত হ'ব ভাৰত আৰু দক্ষিণ আফ্ৰিকাৰ মাজত টি-২০ খেল । এই খবৰে ক্ৰিকেট অনুৰাগীসকলৰ মাজত লাভ কৰিছে বিশেষ চৰ্চা ৷
লগতে পঢ়ক:Neeraj Chopra qualifies: বিশ্ব চেম্পিয়নশ্বিপলৈ যোগ্যতা আৰ্জিলে নীৰজ চোপ্ৰাই
