যোৰহাট, ১ অক্টোবৰ: আজি মহা ষষ্ঠী (Durga Puja 2022) । শংখ, ঘন্টা, বৈদিক মন্ত্ৰোচ্চাৰণেৰে মুখৰ হৈছে ৰাজ্যৰ আকাশ-বতাহ ৷ পূজাৰ বেদীত প্ৰতিষ্ঠা কৰা হৈছে দুৰ্গতিনাশীনিক ৷ শাৰদীয় দুৰ্গা পূজাকলৈ এতিয়া ৰাজ্যৰ চৌদিশে বিৰাজ কৰিছে এক উখল-মাখল পৰিৱেশ (Durga Puja 2022 in Assam) । আনহাতে, আটক ধুনীয়াকৈ সজাই পৰাই তোলা হৈছে ৰাজ্যৰ পূজা মণ্ডপসমূহ ৷ ন ন আৰ্হিত সজাই তোলা হৈছে পূজা মণ্ডপসমূহ ৷
আজাদি কা অমৃত মহোৎসৱৰ (Azadi Ka Amrit Mahotsav) সৈতে সংগতি ৰাখি যোৰহাট টাউন ষ্টেচনত (Durga Puja at Jorhat Town Station) লালকিল্লা আৰ্হিত পূজা মণ্ডপ নিৰ্মাণ কৰা হৈছে । দেশৰ স্বাধীনতা আন্দোলনত কাৰাবাস খাটি আৰু প্ৰাণ আহুতি দিয়া স্বাধীনতা সংগ্ৰামী সকলৰ ফটো সম্বলিত প্ৰতিচ্ছবি অংকন কৰা হৈছে । তদুপৰি অমৰ জোৱানৰ (Amar Jawan Memorial at Jorhat) স্মাৰকো নিৰ্মাণ কৰা হৈছে । ৰাষ্ট্ৰীয় পতাকা (National Flag) লালকিল্লাত উৰি থকা দৃশ্যই সকলোৰে মন প্ৰাণ চুই গৈছে । লগতে টাউন ষ্টেচনত লালকিল্লাৰ লগতে অমৰ জোৱানসকলক শ্ৰদ্ধা জনাই অমৰ জোৱান স্মাৰক নিৰ্মাণ কৰা হৈছে ।
দুবছৰ বিৰতি অন্তত যোৰহাট জিলাৰ পূজা সমিতিসমুহে বিভিন্ন আৰ্হিত মণ্ডপ নিৰ্মাণৰ লগতে আলোক সজ্জাৰে সজাই তুলিছে । সকলো ভক্ত প্ৰাণ ৰাইজক আকৰ্ষিত কৰিবলৈ কোনো ধৰণৰ ত্ৰুটি কৰা নাই । যোৰহাট নগৰত এইবাৰ ৪৫খন পুজা স্থলী সাজু হৈছে ৰাইজক আদৰিবলৈ । জিলাখনত ৮৫খন পূজা মণ্ডপত পূজাৰ আয়োজন কৰা হৈছে ।
উল্লেখ্য যে, হিন্দু দেৱী দুৰ্গাৰ আৰাধনাক কেন্দ্ৰ কৰি অনুষ্ঠিত হয় হিন্দু সম্প্ৰদায়ৰ বৃহত্তম ধৰ্মীয় আৰু সামাজিক উৎসৱ দুৰ্গা পূজা । শাস্ত্ৰ মতে,আহিন মাহৰ শুক্ল পক্ষত বা চ’ত মাহৰ শুক্ল পক্ষত দুৰ্গাপূজা পালন কৰা হয় । চ’ত অৰ্থাৎ বসন্তকালৰ দুৰ্গাপূজাক বাসন্তী দুৰ্গা পূজা আৰু আহিন অৰ্থাৎ শৰৎ কালৰ দুৰ্গা পূজাক শাৰদীয় দুৰ্গা পূজা নামে জনাজাত । সাধাৰণতে আহিনৰ শুক্ল পক্ষৰ ষষ্ঠ তম দিন তথা ষষ্ঠীৰ পৰা আৰম্ভ হৈ দশমী পৰ্যন্ত থাকে এই দুৰ্গোৎসৱ । এই পাঁচ দিন যথাক্ৰমে দুৰ্গা ষষ্ঠী, মহাসপ্তমী, মহাষ্টমী, মহানৱমী আৰু বিজয়া দশমী নামে জনাজাত । এই পক্ষটোক দেৱীপক্ষ নামেৰেও জনা যায় । পূৰ্বৱৰ্তী অমাবস্যাৰ দিনা এই দেৱীপক্ষৰ সূচনা হয় আৰু ইয়াক মহালয়া বুলিও জনা হয় । আনহাতে, পূৰ্ণিমাৰ দিনাক লক্ষ্মী পূজাৰ দিন হিচাপে গণ্য কৰা হয় ।
লগতে পঢ়ক:শাৰদীয় দূৰ্গাপূজা উদযাপন সম্পৰ্কে গুৰুত্বপূৰ্ণ সভা
