টীয়ক, 26 ছেপ্টেম্বৰ : টীয়কত প্ৰধানমন্ত্ৰী আৱাস যোজনাৰ ঘৰ নিৰ্মাণত ব্যাপক দুৰ্নীতি সংঘটিত হোৱাৰ অভিযোগ (Allegations of Scam in PMAY scheme at Teok) ৷ অভিযোগ অনুসৰি, একাংশ পঞ্চায়ত প্ৰতিনিধি তথা চৰকাৰী বিষয়া কৰ্মচাৰীক আগধন নিদিলে টীয়কৰ জাঁজীমুখ গাঁও পঞ্চায়তত দৰিদ্ৰ লোকে নাপাই প্ৰধানমন্ত্ৰীৰ আৱাস যোজনাৰ গৃহ । এই অভিযোগ উত্থাপন কৰিছে দৰিদ্ৰতাই কোঙা কৰা জাঁজীমুখৰ ৰবিন বৰুৱাৰ নামৰ ব্যক্তিগৰাকীৰ পত্নীয়ে ।
বানেধোৱা জাঁজীমুখৰ চোমনিচাপৰিৰ ৰবিন বৰুৱাৰ পত্নীয়ে এটা চৰকাৰী আৱাস গৃহৰ বাবে পঞ্চায়ত কাৰ্যালয়, পঞ্চায়ত প্ৰতিনিধিৰ কাষলৈ তাঁত বাতি কৰিও আজিকোপতি লাভ নকৰিলে এটা চৰকাৰী গৃহ । ফলত ৰুগীয়া স্বামীসহ বিশেষভাৱে সক্ষম সন্তানক লৈ এটা জুপুৰি সদৃশ ঘৰত বাস কৰিব লগা হৈছে পৰিয়ালটোৱে ।
কিন্তু একেখন পঞ্চায়ততে ধনৱন্ত লোকে পকীঘৰ থকা স্বত্বেও লাভ কৰিছে চৰকাৰী গৃহ । তেনেদৰে চৰকাৰী বিভাগৰ প্ৰথম শ্ৰেণীৰ ঠিকাদাৰ, সমবায় সমিতিৰ দোকানীয়েও লাভ কৰিছে চৰকাৰী গৃহ । সংবাদ মাধ্যমৰ আগত এই অভিযোগ তৰিছে ভুক্তভোগী মহিলাগৰাকীয়ে ৷
আনকি মদে মাংসয়ে খুৱাব পৰা সকলক ধনৰ টোপোলা আগবঢ়াব পৰা সকলকেহে এনেদৰে পঞ্চায়তৰ সভাপতি, সচিবকে ধৰি একাংশ কৰ্মচাৰীয়ে চৰকাৰী গৃহ আৱন্টন দিয়াৰ গুৰুতৰ অভিযোগ উত্থাপন কৰিছে দুৰ্ভগীয়া ৰবিন বৰুৱাৰ পত্নীয়ে । সেয়ে এই ক্ষেত্ৰত এক উচিত তদন্ত দাবী কৰিছে ভুক্তভোগী মহিলা ।
লগতে পঢ়ক : Scheduling of six tribes : দুৰ্গা পূজাৰ পিছতে আন্দোলনৰ হুংকাৰ টাইপাকে ধৰি কেবাটাও সংগঠনৰ
