শিলচৰ, 30 অক্টোবৰ : হাইলাকান্দি জিলাৰ অসম-মিজোৰাম সীমান্তত শনিবাৰে পুৱতি নিশা সৃষ্টি হৈছে তীব্ৰ উত্তেজনাৰ ৷ সীমান্ত পহৰা চকীৰ সমীপত সংঘটিত হয় গ্ৰেনেড বিস্ফোৰণৰ ঘটনা ৷ বিস্ফোৰণৰ সৈতে জড়িত থকাৰ অভিযোগত মিজো আই আৰ বেটেলিয়নৰ এজন জোৱানক আটক কৰা হৈছে ৷
আটকাধীন জোৱানজনৰ নাম বাৰডেন টাংমা বুলি জানিব পৰা গৈছে ৷ জানিব পৰা মতে, অসম-মিজোৰাম সীমান্তৱৰ্তী কচুৰথলত দলং নিৰ্মাণৰো চেষ্টা চলাইছে মিজো দুৰ্বৃত্তই ৷ এই ঘটনাৰ পাচতে সীমান্তত বৃহৎ আৰক্ষী বাহিনী মোতায়েন কৰা গৈছে ৷
লগতে পঢ়ক : খানাপাৰাত উদ্ধাৰ ক্ষত-বিক্ষত মহিলাৰ মৃতদেহৰ অৱশিষ্ট
