কেৰালাত ৰহস্যজনকভাৱে মৃত্যু চৰাইদেউৰ যুৱকৰ

ডিব্ৰুগড়, 21 ছেপ্টেম্বৰ : বহিঃৰাজ্যত অসমৰ যুৱকৰ আকস্মিক মৃত্যুৰ ঘটনা নতুন নহয় ৷ পুনৰ বহিঃৰাজ্যত মৃত্যু হৈছে চৰাইদেউ জিলাৰ বৰহাটৰ নাহৰপুখুৰী গাঁৱৰ এজন যুৱকৰ (One Youth from Borhat died in Kerala) ৷ বহিঃৰাজ্যত মৃত্যু হোৱা যুৱকজন নাহৰপুখুৰী গাঁৱৰ নিবাসী দুলাল গগৈ আৰু ডালিমী গগৈৰ কণিষ্ঠ সন্তান দেৱ গগৈ (37) বুলি জানিব পৰা গৈছে ৷

পৰিয়ালৰ লোকে উল্লেখ কৰা অনুসৰি, প্ৰায় এবছৰ ধৰি বহিঃ ৰাজ্যৰ কেৰালাৰ এনাকুলাম জিলাত অৱস্থিত Nittagiatin India, Gelatine Division ৰ শ্ৰমিক হিচাপে কৰ্মৰত আছিল । অতি ৰহস্যজনকভাৱে বিগত 17 ছেপ্টেম্বৰত নিশা কৰ্মৰত অৱস্থাতে মৃত্যু হয় দেৱ গগৈৰ (Mysterious death in Kerala) ৷

দেৱ গগৈৰ মৃত্যুক ৰহস্যজনক বুলি সন্দেহ প্ৰকাশ কৰিছে পৰিয়ালৰ লগতে স্থানীয় ৰাইজেও ৷

পৰিতাপৰ বিষয় যে, অতি দৰিদ্ৰ পৰিয়ালৰ যুৱক আছিল দেৱ গগৈ ৷ প্ৰাপ্ত তথ্য অনুসৰি, মৰোণোত্তৰ পৰীক্ষা সম্পন্ন কৰি 19 ছেপ্টেম্বৰৰ সন্ধিয়া কেৰালাৰ পৰা ডিব্ৰুগড়লৈ আকাশ মাৰ্গেৰে অনা হয় দেৱ গগৈৰ মৃতদেহ ৷ মঙলবাৰে ডিব্ৰুগড়স্থিত মোহনবাৰী বিমানবন্দৰৰ পৰা দেৱ গগৈৰ মৃতদেহ চমজি লয় তেওঁৰ জ্যেষ্ঠ ভাতৃয়ে ৷

উল্লেখ্য যে, এই ঘটনাক কেন্দ্ৰ কৰি সমগ্ৰ বৰহাট নাহৰপুখুৰী অঞ্চলতে পৰিছে শোকৰ ছাঁ ৷

লগতে পঢ়ক : বেংগালুৰুত মৃত্যু লখিমপুৰৰ যুৱকৰ