11 বজাৰ শীৰ্ষ 10 টা বাতৰি

Food poisoning in Majuli: মাজুলীত প্ৰসাদ খাই আক্ৰান্ত ১৩ গৰাকী লোক

মাজুলীত অঘটন । এক অনুষ্ঠানত প্ৰসাদ খাই আক্ৰান্ত হৈছে বহুকেইগৰাকী লোক (Food poisoning in Majuli) । প্ৰসাদ খোৱাৰ পাছতে পেটৰ বিষত ভোগী চটফটাবলৈ আৰম্ভ কৰে ১৩ গৰাকীকৈ লোকে ।

অব্যাহত আছে অবৈধভাৱে গৰুৰ সৰবৰাহ(Cattle smuggling continues in Assam) ৷ ইয়াৰ মাজতে বঙাইগাঁও জিলাৰ মাণিকপুৰ আৰক্ষী থানাৰ অন্তৰ্গত জামদহাত নিশা ১৬ টাকৈ গোধন উদ্ধাৰ কৰে আৰক্ষীয়ে(Cattle recovered in Bongaigaon) ।

শিৱসাগৰ নগৰৰ এক ব্যৱসায়িক প্ৰতিষ্ঠানত শুকুৰবাৰে কৰ বিভাগে অভিযান চলাই বহু নথি-পত্ৰ জব্দ কৰে (Income Tax Department raid in Sivasagar)। ব্যৱসায়িক প্ৰতিষ্ঠানখনৰ বিৰুদ্ধে GST ৰ কৰ ফাঁকিৰ সন্দেহ কৰি বিভাগে এই অভিযান চলোৱা বুলি জানিব দিলে অভিযানকাৰী দলে ।

বৃহস্পতিবাৰৰে পৰা দুদিনীয়াকৈ উদযাপিত ইউনাইটেড পিপুলছ পাৰ্টী লিবাৰেল চমুকৈ ইউপিপিএলৰ সপ্তম প্ৰতিষ্ঠা দিৱসৰ শুকুৰবাৰে সামৰণি পৰে । বিটিআৰ অঞ্চলৰ প্ৰতিটো জাতি-জনগোষ্ঠীৰ বিকাশ আৰু উন্নয়ন সাধনেই ইউপিপিএল দলৰ প্ৰধান লক্ষ্য ৷ বিটিআৰ চুক্তি ৰূপায়ণ কৰিব নোৱাৰিলে পিছত ৰাইজে পুনৰাই তেওঁলোকক দ্বিতীয় সুযোগ নিদিয়ে বুলিও তাৎপৰ্যপূৰ্ণ মন্তব্য আগবঢ়ায় অসম চৰকাৰৰ কেবিনেট মন্ত্ৰী উৰ্খাও গৌৰা ব্ৰহ্মই(UPPL committed to development of BTR people) ৷

Covid ১৯ মহামাৰীৰ মাজতো মাত্ৰ আঢ়ৈ বছৰৰ ভিতৰতে হোষ্টেলটোৰ পুনৰ নিৰ্মাণৰ কাম সম্পূৰ্ণ হৈ উঠিল কটন বিশ্ববিদ্যালয়ৰ শ্বহীদ ৰঞ্জিত বৰপূজাৰী আবাস (Inauguration of Swahid Ranjit Barpujari residence of Cotton University)৷ শুকুৰবাৰে এই আবাসটোৰ শুভ উদ্বোধন কৰে কটন বিশ্ববিদ্যালয়ৰ উপাচাৰ্য অধ্যাপক ভৱেশ চন্দ্ৰ গোস্বামীয়ে ৷

তুৰ্কীৰ আন্টালিয়াত হ'বলগীয়া ৪৩ সংখ্যক বিশ্ব পাঞ্জা চেম্পিয়নশ্বিপত (43th World Arm wrestling Championship in Turkey) ভাৰতক প্ৰতিনিধিত্ব কৰিব লখিমপুৰৰ খেলুৱৈ আবেদ আলী হাজৰিকাই । কিন্তু খেলৰ পূৰ্বে আৰ্থিক সংকটত খেলুৱৈগৰাকী । প্ৰায় ২ লাখ টকা জমা দিব নোৱাৰিলে খেলৰ সুযোগৰ পৰা বঞ্চিত হ'ব খেলুৱৈগৰাকী ।

প্ৰদেশ কংগ্ৰেছৰ মুখ্য কাৰ্যালয় ৰাজীৱ ভৱন কমাৰ্চিয়েল কমপ্লেক্স হ’লে AIUDFৰ বিধায়কে দলৰ বাবে অফিচ বিচাৰিব পাৰে । ত‍াত কি অসুবিধা আছে ? শুকুৰবাৰে গুৱাহাটীত সাংবাদিকে সোধা প্ৰশ্নৰ উত্তৰত এই মন্তব্য কৰে AIUDF ৰ সভাপতি তথা সাংসদ বদৰুদ্দিন আজমলে ।

অসম সচিবালয়ৰ পৰা বিলুপ্ত হ’ব কাগজৰ ফাইল ৷ সকলো কাম-কাজ ডিজিটেল মাধ্যমত কৰা হ’ব । সচিবালয়ৰ কৰ্মচাৰীয়ে কম্পিউটাৰৰ জ্ঞান থকাটোও কৰা হৈছে বাধ্যতামূলক ৷

পুৰণি এম এল এ হোষ্টেলৰ কেইটামান পুৰণি আছাম টাইপৰ কটেজে প্ৰাক্তন মুখ্যমন্ত্ৰী প্ৰয়াত শৰৎ চন্দ্ৰ সিংহৰ দিনত স্থানান্তৰিত ৰাজধানীৰ অৱশেষ অস্তিত্ব ৰক্ষা কৰি আছিল । কিন্তু ঐতিহ্য বহন কৰা পুৰণি এম এল এ হোষ্টেলত থকা অৱশিষ্ট এই কটেজকেইটাৰ ওপৰতো এতিয়া চলিছে হাতুৰীৰ কোব (Demolished Old MLA hostel in Dispur)। পুৰণি এম এল এ হোষ্টেলৰ কটেজসমূহক ইতিহাসত পৰিণত কৰি নিৰ্মাণ কৰা হ’ব ওখ ওখ অট্টালিকা ৷

লাহৰীঘাটত আৰক্ষীৰ এক বৃহৎ সফলতা ৷ চলিত মাহৰ 3 তাৰিখে এক গোপন খবৰৰ তথ্যৰ ভিত্তিত মৰিগাঁও আৰু লাহৰীঘাট আৰক্ষীৰ যৌথ অভিযানত আটক কৰে ৫ বাইক চোৰক ৷