নিউজ ডেস্ক, 30 নৱেম্বৰ: কাছাৰত মঙলবাৰে মুখ্যমন্ত্ৰী ড৹ হিমন্ত বিশ্ব শৰ্মাৰ সভাত দেখা গ’ল কাহানিও নেদেখা এক দৃশ্য । সাধাৰণতে মুখ্যমন্ত্ৰী য’তে যায় তাতেই মুখ্যমন্ত্ৰীৰ বলিষ্ঠ ভাষণ শুনিবলৈ সৃষ্টি হয় জনসমুদ্ৰৰ । পিছে মঙলবাৰে মুখ্যমন্ত্ৰীৰ সভাত লাগিল অথন্তৰ । কাছাৰত দলু চাহ বাগিচাৰ উচ্ছেদিতক চেক বিতৰণ কাৰ্যসূচীত মুখ্যমন্ত্ৰীয়ে মঞ্চত ভাষণ আৰম্ভ কৰাৰ লগে লগে তলত থকা উচ্ছেদিতই আৰম্ভ কৰিলে প্ৰতিবাদ ।
মুখ্যমন্ত্ৰীয়ে এফালৰ পৰা কৈ গৈছে বাগানত পানী লাগিব, হাস্পাতাল লাগিব, ঘৰ লাগিব । আনফালে দৰ্শক হিচাপে থকা উচ্ছেদিতই চিঞৰি উঠিছে আমাক আপোনাৰ একো নালাগে । নালাগে আপোনাৰ চেক নালাগে আপোনাৰ টকা । দিয়ে যদি আমাক আমাৰ ভূমি ওভতাই দিয়ক ।
উল্লেখযোগ্য যে গ্ৰীণ ফিল্ড বিমান বন্দৰ নিৰ্মাণৰ(Land acquisition for a greenfield airport) উদ্দেশ্য কাছাৰ দলু চাহ বাগিচাত কিছুদিন পূৰ্বে উচ্ছেদ চলাইছিল প্রশাসনে । এই উচ্ছেদত কৰ্মসংস্থাপনহীন হৈ পৰা শ্ৰমিকসকলে বৃহস্পতিবাৰে এনেদৰে মুখ্যমন্ত্ৰীক বুঢ়া আঙুলি দেখুৱাই প্ৰমাণ কৰিলে হিতাধিকাৰীৰ ৰাজনীতি যে সদায় বৰ্তি নাথাকে । যেতিয়াই পেটৰ ভোকৰ তাড়না আহে তেতিয়া হিমন্ত বিশ্ব শৰ্মাৰ দৰে ডাইনেমিক মুখ্যমন্ত্ৰীৰ ভাষনো হৈ উঠে অপ্ৰিয় ।
লগতে পঢ়ক: Auditorium in Diphu : ডিফুৰ তাৰালাংচ’ত ৩৬ কোটি টকীয়া প্ৰেক্ষাগৃহৰ আধাৰশিলা স্থাপন
