অভয়াপুৰী, 19 ছেপ্তেম্বৰ : যুৱ কংগ্ৰেছৰ(Youth Congress) 20 দিনীয়া ‘ৰাষ্ট্ৰীয় নিবনুৱা দিৱস’(National Unemployment Day) পালন ৷ বিজেপি(BJP) কৰ্মকৰ্তাসকলে প্ৰধানমন্ত্ৰী নৰেন্দ্ৰ মোডীৰ(PM Modi) জন্মদিন 20 দিনীয়াকৈ উদযাপন কৰাৰ সময়তে এই সিদ্ধান্ত গ্ৰহণ কৰিছে যুৱ কংগ্ৰেছে ৷
নিবনুৱা দিৱস পালনেৰে বিভিন্ন সমস্যা সমাধানৰ দাবীত শনিবাৰে বঙাইগাঁও জিলা যুৱ কংগ্ৰেছৰ উদ্যোগত আৰু উত্তৰ অভয়াপুৰী সমষ্টি যুৱ কংগ্ৰেছৰ সহযোগত বালাৰচৰ বাণিজ্য বজাৰত প্ৰতিবাদী কাৰ্যসূচী ৰূপায়ণ কৰে যুৱ কংগ্ৰেছৰ নেতাসকলে ৷ যুৱক-যুৱতীক কৰ্ম সংস্থাপন দিয়ক, নিবনুৱা সমস্যা সমাধান কৰক, বিজেপি গ’বেক, নৰেন্দ্ৰ মোডী মুৰ্দাবাদ, হিমন্ত বিশ্ব শৰ্মা মুৰ্দাবাদ, যুৱ কংগ্ৰছ জিন্দাবাদ আদি শ্ল’গানেৰে প্ৰতিবাদস্থলী উত্তাল কৰি তোলে প্ৰতিবাদকাৰীসকলে ৷
লগতে পঢ়ক: নৰেন্দ্ৰ মোডীৰ জন্মদিনত অসম প্ৰদেশ যুৱ কংগ্ৰেছৰ 'নিবনুৱা দিৱস' পালন
উল্লেখ্য যে, ক’ভিড(Covid) 19 মহামাৰীৰ সময়চোৱাত দেশত লাখ লাখ নিবনুৱাই কৰ্ম সংস্থাপনৰ অভাৱত হতাশাত ভূগিবলগীয়া হৈছে ৷ যুৱক-যুৱতীসকলে কৰ্ম সংস্থাপনৰ বাবে হাহাকাৰ কৰি ফুৰিছে ৷ যাৰ ফলস্বৰূপে কিছুসংখ্যক কৰ্ম সংস্থাপনহীন যুৱক-যুৱতীয়ে অনৈতিক কাৰ্য-কলাপত লিপ্ত হৈছে ৷
ইফালে নিবনুৱাসকলক কৰ্ম সংস্থাপন দিয়াৰ বিপৰীতে চৰকাৰে ৰাজ্যৰ ৰাজহুৱা খণ্ডৰ প্ৰতিষ্ঠানসমূহ পুঁজিপতিৰ হাতত বিক্ৰী কৰিবলৈ আৰম্ভ কৰিছে ৷ দেশৰ অৰ্থনৈতিক অৱস্থাও শোচনীয় হৈ পৰা বুলি বিভিন্ন সংবাদ মাধ্যমযোগে সম্প্ৰচাৰ হৈ আছে ৷ এনেবোৰ কাৰ্যৰ পাচতো বিজেপিৰ কৰ্মকৰ্তাসকলে প্ৰধানমন্ত্ৰীৰ জন্মদিন 20 দিনকৈ উদযাপন কৰা কাৰ্যই ক্ষোভিত কৰি তুলিছে বিৰোধী পক্ষ আৰু সচেতন মহলক ৷
সেয়েহে জন্মদিন উদযাপনৰ বিপৰীতে সচৰাচৰ নিজ চকুৰে দেখা পোৱা সমস্যাসমূহ অচিৰেই সমাধান কৰিবলৈ মোডী চৰকাৰক কাতৰ আহ্বান জনাইছে যুৱ কংগ্ৰেছে ৷ বিজেপিয়ে প্ৰধানমন্ত্ৰী মোডীৰ জন্মদিন 20 দিনীয়াকৈ উদযাপন কৰাৰ যি সিদ্ধান্ত লৈছে, তাৰ বিৰোধিতা কৰি যুৱ কংগ্ৰেছেও ঠায়ে ঠায়ে 20 দিনকৈ ৰাষ্ট্ৰীয় নিবনুৱা দিৱস পালন কৰা পৰিলক্ষিত হৈছে ৷
লগতে পঢ়ক: প্ৰধানমন্ত্ৰীৰ জন্মদিনত ৰাষ্ট্ৰীয় নিবনুৱা দিৱস পালন কংগ্ৰেছৰ
