বঙাইগাঁও,২৪ জুন: ৰাজ্যৰ বিভিন্ন কাৰ্যালয়সমূহত চলি অহা দালালৰাজ (Dalalraj in offices of Assam) উৎখাত কৰিবলৈ মুখ্যমন্ত্ৰী ড৹ হিমন্ত বিশ্ব শৰ্মাই কঠোৰভাৱে নিৰ্দেশ প্ৰদান কৰাৰ পিছতে গ্ৰেপ্তাৰ কৰা হৈছিল বিভিন্ন কাৰ্যালয়সমূহৰ পৰা শ শ দালালক ৷ কিন্তু প্ৰশাসনৰ কঠোৰতাক বৃদ্ধাঙ্গুষ্ঠ দেখুৱাই একাংশই চলাই গৈছে দুৰ্নীতি । উপায়ুক্তৰ কাৰ্যালয়তো একাংশ দুষ্টচক্ৰ জড়িত হৈ পৰিছে বিভিন্ন কেলেংকাৰীত ।
২০২১ চনত বঙাইগাওঁ উপায়ুক্ত কাৰ্যালয়ত সংঘটিত হৈছিল এক ভূমি কেলেংকাৰী । যি কেলেংকাৰীৰ অভিযোগত পূৰ্বতে আটক কৰা হৈছিল ৪জনকৈ লোকক । কিন্তু সেই চাৰিজন লোকে জামিন লাভ কৰাৰ পাছত ফৰেনছিকৰ তথ্য অনুসৰি বহাইগাঁও উপায়ুক্তৰ কাৰ্যালয়ৰ পৰা পুনৰ আটক কৰে তিনিজনকৈ লোকক(Three employees detained from Bongaigaon DC office) ।
পুনৰবাৰ বঙাইগাঁও আৰক্ষীয়ে বঙাইগাওঁ উপায়ুক্ত কাৰ্যালয়ত অভিযান চলাই উপায়ুক্ত কাৰ্যালয়ৰ দুই কৰ্মচাৰীক আটক কৰাৰ লগতে আটক কৰে এগৰাকী মহৰীক । ভূমি কেলেংকাৰীত জড়িতৰ অভিযোগত উপায়ুক্ত কাৰ্যালয়ৰ পৰা নৈশ চকীদাৰ অনন্ত ৰায় আৰু চাব ৰেজিষ্টাৰ কুলেন চন্দ্ৰ দাসৰ লগতে আটক কৰে মহৰী গিয়াচউদ্দিনক । সম্প্ৰতি তিনিওকে বঙাইগাঁও সদৰ থানাত জেৰা অব্যাহত ৰাখিছে বঙাইগাঁও আৰক্ষীয়ে ।
লগতে পঢ়ক: ৬ বছৰৰ পাছত ভুক্তভোগীয়ে পালে ন্যায়: নাবালিকাক যৌন নিৰ্যাতন চলোৱা RSS নেতা ৰঙাঘৰলৈ
