বাক্সা, 7 ছেপ্তেম্বৰ : ছ’চিয়েল মিডিয়াযোগে দেশ বিৰোধী আপত্তিজনক প’ষ্ট শ্বেয়াৰ কৰি পুনৰ আৰক্ষীৰ ৰোষত পৰিছে এজন ৷ বাক্সাৰ শালবাৰীত ফেচবুকযোগে আপত্তিজনক মন্তব্য কৰি সোমবাৰে আটক হৈছে এজন যুৱক ৷ আটকাধীন যুৱকজনৰ নাম ৰফিকুল ইছলাম ওৰফে পাখী ৷
প্ৰাপ্ত তথ্য অনুসৰি, ৰফিকুল ইছলাম ‘পপুলাৰ ফ্ৰন্ট অৱ ইণ্ডিয়া’(Popular Front of India) নামৰ সংগঠনটোৰ এজন সদস্য ৷ যুৱকজনৰ ঘৰ শালবাৰীৰ ভকুৱামাৰীত ৷ বিগত কিছু সময়ৰ পৰাই ফেচবুকযোগে দেশ বিৰোধী মন্তব্য কৰি আহিছিল ৰফিকুলে ৷
লগতে পঢ়ক: ইটাখোলাত কিশোৰী ধৰ্ষণত অভিযুক্ত যুৱকক গ্ৰেপ্তাৰ
অৱশেষত সোমবাৰে নিশাৰ ভাগত ৰফিকুল ইছলামক আটক কৰে শালবাৰী আৰক্ষীয়ে(Salbari Police)। শালবাৰী আৰক্ষী চকীত 69/2021 নম্বৰত গোচৰ ৰুজু কৰি us/124 (A) /153(A) /153(B) / 298/ 505 IPC r/w sec 66-F IT Actৰ অধীনত আটক কৰা হয় ৰফিকুলক ।
সম্প্ৰতি শালবাৰী আৰক্ষী চকীত ৰফিকুল ইছলামক সোধ-পোচ কৰি সদৰ মুছলপুৰলৈ প্ৰেৰণ কৰা হৈছে । অৱশ্যে ৰফিকুল ইছলামক আটক কৰা সন্দৰ্ভত সংবাদ মাধ্যমৰ আগত মন্তব্য দিয়াৰ পৰা বিৰত থাকে শালবাৰী আৰক্ষী ৷
লগতে পঢ়ক: তিনিমাহৰ অন্তত অভয়াকুটি হত্যাকাণ্ডৰ চাৰ্জশ্বীট দাখিল
