বাক্সা, 4 ছেপ্টেম্বৰ: সফল সামৰণি পৰিল প্ৰকৃতিৰ ৰম্যভূমি বিশ্ব ঐতিহ্য ক্ষেত্ৰ মানাহ ৰাষ্ট্ৰীয় উদ্যানত যোৱা 2 ছেপ্টেম্বৰৰ পৰা তিনিদিনীয়াকৈ অনুষ্ঠিত হোৱা সৰ্বভাৰতীয় বাঘ গণনা 2021-22 বৰ্ষৰ প্ৰশিক্ষণ কৰ্মশালাখন 2 ছেপ্টেম্বৰৰ পৰা 4 ছেপ্তেম্বৰলৈ অনুষ্ঠিত হয় ৷ মানাহৰ বাঁহবাৰী ৰেঞ্জৰ কাষৰীয়া মুছা ল'জত অনুষ্ঠিত হৈছিল উক্ত কৰ্মশালা ৷ দেশৰ উত্তৰ-পূৰ্বাঞ্চলৰ বিভিন্ন ঠাইৰ পৰা প্ৰায় 80 গৰাকী লোকে এই কৰ্মশালাত প্ৰশিক্ষণ লবলৈ আহিছিল ৷
শনিবাৰে সামৰণি অনুষ্ঠানত মানাহ ব্যাঘ্ৰ প্ৰকল্পৰ ক্ষেত্ৰ সঞ্চালক অমল চন্দ্ৰ শৰ্মাই কয় যে, দেশখনৰ উত্তৰ-পূৰ্বাঞ্চলৰ বিভিন্ন ঠাইৰ পৰা প্ৰায় 80 গৰাকীয়ে এই কৰ্মশালাত প্ৰশিক্ষণ লবলৈ আহিছিল ৷ ইয়াৰ মুল উদেশ্যে আছিল, যিবোৰ ঠাইত বাঘ আছে সেইবোৰ ঠাইত কিমান আছে সেইটো প্ৰশিক্ষণৰ মাধ্যমৰ জৰিয়তে জানিব পৰা ৷
কৰ্মশালাত প্ৰশিক্ষণ লোৱা এই 80 গৰাকী লোকৰ প্ৰশিক্ষণ শেষ হোৱাৰ পিছতে তেওঁলোকে পুনৰ নিজৰ ঠাইত আন সকলক প্ৰশিক্ষণ দিব পাৰিব ৷ উল্লেখ্য যে, কেমেৰা টেপিঙৰ দ্বাৰা বাঘৰ গণনা কেনেদৰে কৰিব পাৰি তাৰ বাবে এই প্ৰশিক্ষণ অতি গুৰুত্বপূৰ্ণ আছিল ৷
লগতে পঢ়কঃ কাজিৰঙাত বান: উদ্ধাৰ হোৱা জীৱ-জন্তু সমূহৰ চিকিৎসা অব্যাহত
