স্পৰ্ট’ছ ডেস্ক, ২৮ জুলাই : Tokyo Olympics ৰ বক্সিং ৰিঙত চমক দেখুৱালে ভাৰতৰ বক্সাৰ পূজা ৰাণীয়ে । আলজেৰিয়াৰ প্ৰতিদ্বন্দ্বীক পৰাস্ত কৰি কোৱাৰ্টাৰ ফাইনেলত প্ৰৱেশ কৰিলে বক্সাৰ পূজা ৰাণীয়ে । মহিলা বক্সিঙৰ ৬৯-৭৫ কিল’গ্ৰাম শাখাত ৫-০ পইণ্টৰ ব্যৱধানত আলজেৰিয়াৰ বক্সাৰ ইছৰাক চাইবক পৰাভূত কৰে ভাৰতীয় বক্সাৰগৰাকীয়ে ।
হাৰিয়ানাৰ বক্সাৰগৰাকীয়ে প্ৰথম আৰু দ্বিতীয় ৰাউণ্ডত ৫-০ পইণ্টৰ ব্যৱধানত জয় লাভ কৰে । ইয়াৰ জৰিয়তে কোৱাৰ্টাৰ ফাইনেলৰ বাবে যোগ্যতা অৰ্জন কৰিবলৈ সক্ষম হয় বক্সাৰগৰাকী । পূজা ৰাণীয়ে টকিঅ' অলিম্পিকৰ কোৱাৰ্টাৰ ফাইনেলত স্থান লাভ কৰা তৃতীয়গৰাকী ভাৰতীয় মহিলা বক্সাৰ ।
আনহাতে, আৰ্চাৰ দীপিকা কুমাৰীয়ে প্ৰি-কোৱাৰ্টাৰ ফাইনেলত আমেৰিকা যুক্তৰাষ্ট্ৰৰ জেনিফাৰ মিউচিনো ফাৰ্ণাণ্ডেজক ৬-৪ পইণ্টৰ ব্যৱধানত পৰাস্ত কৰে ।
লগতে পঢ়ক: Tokyo Olympics: প্ৰি-কোৱাৰ্টাৰত প্ৰৱেশ পি ভি সিন্ধুৰ
