স্প’ৰ্টছ ডেস্ক, ২০ নৱেম্বৰ: অষ্ট্ৰেলিয়াৰ তাৰকা বেটছমেন গ্লেন মেক্সৱেলৰ পত্নী ভাৰতীয় মূলৰ নিনি ৰমন শেহতীয়াকৈ একাংশ নেটিজেনৰ সমালোচনাৰ সন্মুখীন হৈছে ৷ অষ্ট্ৰেলিয়াৰ হাতত বিশ্বকাপৰ ফাইনেলত ভাৰতৰ পৰাজয়ৰ পাচতে ভাৰতীয় বংশোদ্ভৱ ৱিনি একাংশ লোকৰ সমালোচনাৰ বলি হৈছে ৷ সামাজিক মাধ্যমত ট্ৰ’ল কৰা হৈছে ৱিনিক ৷ অষ্ট্ৰেলিয়াৰ বিজয়ত আনন্দ প্ৰকাশ কৰাৰ বাবেই ৱিনিক একাংশ ভাৰতীয়ই সমালোচনা কৰিছে ৷ কিয়নো ভাৰত হৈছে ৱিনিৰ পিতৃ-মাতৃৰ দেশ ৷

ৱিনিয়ে লিখিছে যে এজন লোক ভাৰতীয় হ’ব পাৰে কিন্তু তেওঁ নিজৰ জন্ম হোৱা দেশখনকো সমৰ্থন জনাব পাৰে ৷ নিজৰ জন্মভূমি অষ্ট্ৰেলিয়াৰ কথা উল্লেখ কৰি এইদৰে কয় অষ্ট্ৰেলিয়ান অল্ ৰাউণ্ডাৰগৰাকীৰ পত্নীয়ে ৷ আপুনি ভাৰতীয় হ'ব পাৰে আৰু লগতে আপোনাৰ জন্মৰ দেশখনকো সমৰ্থন কৰিব পাৰে য'ত আপুনি ডাঙৰ-দীঘল হৈছে ৷ তাতোকৈ গুৰুত্বপূৰ্ণ কথাটো হ'ল আপোনাৰ স্বামী আৰু পিতৃৰ দলটো ।" ৱিনিয়ে ইনষ্টাগ্ৰামত পোষ্ট কৰে ।

​আহমেদাবাদৰ নৰেন্দ্ৰ মোডী ষ্টেডিয়ামত অনুষ্ঠিত আই চি চি পুৰুষ ক্ৰিকেট বিশ্বকাপৰ ফাইনেলত অষ্ট্ৰেলিয়াই টীম ইণ্ডিয়াক পৰাস্ত কৰি দেওবাৰে লাখ লাখ ভাৰতীয়ৰ হৃদয় ভাঙি দিয়ে । পিতৃ-মাতৃ তামিলনাডুৰ যদিও ভিনিৰ জন্ম আৰু ডাঙৰ-দীঘল হয় মেলবৰ্ণত । অষ্ট্ৰেলিয়াক সমৰ্থন কৰাৰ বাবে ট্ৰলিং কৰাসকলক তেওঁ উত্তৰ দিয়ে আৰু বুজাই দিয়ে যে এইখনেই তেওঁৰ জন্ম আৰু ডাঙৰ-দীঘল হোৱা দেশ ।

২০২২ চনৰ ১৮ মাৰ্চত অষ্ট্ৰেলিয়াত খ্ৰীষ্টান ধৰ্মৰ নিয়মানুসৰি গ্লেন মেক্সৱেলৰ সৈতে বিবাহপাশত আবদ্ধ হোৱাৰ পিছত ২৭ মাৰ্চত চেন্নাইত পৰম্পৰাগত তামিল ৰীতি-নীতিৰে বিয়াত বিবাহপাশত আবদ্ধ হয় । চলিত বৰ্ষৰ ছেপ্টেম্বৰ মাহত তেওঁলোকৰ পুত্ৰ লগানৰ জন্ম হোৱাৰ লগে লগে অতি সোনকালেই এই দম্পতীটোৱে পিতৃ-মাতৃৰ গৌৰৱেৰে গৌৰাম্বিত হয় ।

আমোদজনক কথাটো হ’ল ৰোহিত শৰ্মাৰ নেতৃত্বত ভাৰতৰ বিৰুদ্ধে ফাইনেলত মেক্সৱেলে মেচ বিজয়ী ৰান সংগ্ৰহ কৰে । আফগানিস্তানৰ বিৰুদ্ধে দ্বি-শতক আৰু ধৰ্মশালাত নিউজীলেণ্ডৰ বিৰুদ্ধে বিশ্বকাপৰ আটাইতকৈ দ্ৰুততম শতক (৪০ বলত) অৰ্জন কৰাকে ধৰি প্ৰতিযোগিতাখনত তেওঁ কিছুমান অসাধাৰণ প্ৰদৰ্শন কৰে । মেক্সৱেলে ১৫০.৩৭ ষ্ট্ৰাইক ৰেট আৰু গড়ে ৬৬.৬৬ ৰাণেৰে দুটা শতকৰ সহায়ত ৯ টা ইনিংছত ৪০০ ৰান সংগ্ৰহ কৰে ।

লগতে পঢ়ক: অবিশ্বাস্য ! বিশ্বকাপৰ ফাইনেলত অষ্ট্ৰেলিয়াৰ প্ৰদৰ্শনক প্ৰশংসা ৰবিচন্দ্ৰন অশ্বিনৰ