স্প’ৰ্টছ ডেস্ক, 6 ডিচেম্বৰ : আজি 28 বছৰত ভৰি দিলে ভাৰতীয় ষ্টাৰ পেচাৰ যশপ্ৰীত বুমৰাহে ৷ গুজৰাটত জন্মগ্ৰহণ কৰা বুমৰাহক তেওঁৰ ভয়ংকৰ toe-crusher য়ৰ্কাৰে বেটছমেনক বিপদত পেলোৱাৰ বাবে জনা যায় ৷ বিগত বছৰবোৰত বুমৰাহ ভাৰতীয় দলটোৰ লগতে মুম্বাই ইণ্ডিয়ানছৰ বাবেও শ্ৰেষ্ঠ সিদ্ধান্ত হিচাপে বিবেচিত হৈ আহিছে ৷
বুমৰাহে 2016 চনত ভাৰতীয় দলটোৰ হৈ সীমিত অভাৰৰ ক্ৰিকেটত অভিষেক ঘটাইছিল ৷ 2018 চনত টেষ্ট ক্ৰিকেটত দক্ষিণ আফ্ৰিকাৰ বিৰুদ্ধে অভিষেক ঘটাইছিল বুমৰাহে ৷ আৰু প্ৰথম টেষ্টতে সৰহ সংখ্যক উইকেট দখল কৰি নিজৰ চাপ ৰাখিবলৈ সক্ষম হৈছিল বলাৰ গৰাকীয়ে ৷
বিৰাট কোহলী, ৰোহিত শৰ্মা, জশ বাটলাৰৰ দৰে শীৰ্ষ পৰ্যায়ৰ বেটছমেনে এই কথাত সন্মতি প্ৰদান কৰিছে যে, অন্তিম অভাৰসমূহত যশপ্ৰীত বুমৰাহৰ বলিঙৰ সন্মুখীন হোৱাটো যথেষ্ট প্ৰত্যাহ্বানজনক ৷ তেওঁৰ শেষ অভাৰৰ বলিঙৰ দ্বাৰাই তেওঁ ভাৰতীয় দলটোৰ লগতে মুম্বাই ইণ্ডিয়ানছকো বহু মেচ জিকাত সহায় কৰিছিল ৷
বেটছমেনসকলে শেষৰ অভাৰত বুমৰাহৰ বলিঙৰ সন্মুখীন হ’বলৈ ভয় কৰে ৷ কিন্তু বুমৰাহে পত্নী সঞ্জনা গণেশনৰ দ্বাৰা Bowled হ’বলগীয়া হৈছে ৷ সঞ্জনা নিজেই এগৰাকী মডেল, টিভি হ’ষ্ট, match প্ৰেজেণ্টাৰ ৷
এটি সাক্ষৎকাৰৰ সময়ত বুমৰাহে কৈছিল যে, তেওঁ সঞ্জনাক এখন IPL খেলৰ সময়ত লগ পাইছিল আৰু তেতিয়াৰ পৰাই তেওঁলোক একেলগে আছে ৷ প্ৰায় 2 বছৰ প্ৰেমৰ সম্পৰ্কত থকাৰ পিছত 2021 চনৰ মাৰ্চ মাহত দুয়ো বিবাহপাশত আৱদ্ধ হয় ৷
লগতে পঢ়ক : Unmukt Chand Marriage : ছিমৰণ খোছলাৰে বিবাহ পাশত আবদ্ধ উন্মুক্ত চান্দ
