স্পৰ্টছ ডেস্ক, 19 নৱেম্বৰ : আহমেদাবাদৰ নৰেন্দ্ৰ মোদী ক্ৰিকেট ষ্টেডিয়ামত দেওবাৰে অনুষ্ঠিত হৈছে বিশ্বকাপ 2023 ৰ ফাইনেল মেচ ৷ ভাৰতীয় দলৰ মনোবল বৃদ্ধিৰ লগতে চূড়ান্ত খেল উপভোগ কৰিবলৈ ষ্টেডিয়ামত 1.5 লাখৰো অধিক দৰ্শক উপস্থিত আছে ষ্টেডিয়ামত ৷ এই পৰিস্থিতিত বি চি চি আই আৰু ভাৰতীয় বায়ুসেনাও দৰ্শকক মনোৰঞ্জন দিয়াৰ ক্ষেত্ৰত পিছ পৰি থকা নাই ৷ ভাৰতীয় বায়ুসেনাই নৰেন্দ্ৰ মোদী ষ্টেডিয়ামত টছৰ পিছত এক এয়াৰ শ্ব’ প্ৰদৰ্শন কৰে ৷ 15 মিনিট ধৰি চলে এই এয়াৰ শ্ব’ ৷

সূৰ্য কিৰণ এৰোবেটিক দল হৈছে বায়ুসেনাৰ সেই দল, যিয়ে আকাশত দৰ্শনীয় ষ্টাণ্ট দেখুৱাইছে ৷ বায়ুসেনাই যেতিয়া আকাশত ষ্টাণ্ট কৰিছিল তেতিয়া ষ্টেডিয়ামত বহি থকা সকলোৱে এই দৃশ্য উপভোগ কৰিছিল ৷ এই অনুষ্ঠানটো দেখি সকলো দৰ্শক ৰোমাঞ্চিত হৈ পৰিছিল ৷ এই শ্ব'টোত 9 খন জাহাজে সূৰ্যৰ ৰশ্মি বনোৱাৰ এক্ৰ'বেটিকছ প্ৰদৰ্শন কৰে ৷ ভাৰতীয় বায়ুসেনাই ষ্টাণ্ট কৰাৰ সময়ত খেলপথাৰৰ ওপৰত ত্ৰিৰংগ পতাকাও সৃষ্টি কৰিছিল ৷

বায়ু সেনাৰ অনুষ্ঠানটোৰ শব্দ ইমান বেছি আছিল যে খেলপথাৰত তেওঁলোকৰ কামত ব্যস্ত ভাৰতীয় খেলুৱৈসকলও স্তম্ভিত হৈ গৈছিল, আৰু তেওঁলোকৰ মনোযোগ আকাশৰ ফালে আকৰ্ষিত হৈছিল ৷ যিটো তেওঁলোকে দীৰ্ঘ সময় ধৰি প্ৰশংসা কৰি আছিল ৷ ফাইনেলত প্ৰথমবাৰৰ বাবে এনে ধৰণৰ অনুষ্ঠানৰ আয়োজন কৰা হৈছে যে এখন দেশৰ সেনাই এনে ধৰণৰ এয়াৰ শ্ব' কৰিছে ৷

ড্ৰিংকছ ব্ৰেকৰ সময়ত আদিত্য গাধৱীয়ে নিজৰ কণ্ঠেৰে দৰ্শকক মুগ্ধ কৰে ৷ বিশ্বকাপৰ ফাইনেল অনুষ্ঠানত ইনিংছ বিৰতিৰ সময়ত 500 গায়কৰ দলৰ সৈতে থিম পাৰ্টিত কণ্ঠদান কৰে জনপ্ৰিয় সংগীত পৰিচালক তথা কন্ঠশিল্পী প্ৰীতমে ৷ তেওঁলোকৰ উপৰিও ইনিংছ বিৰতিৰ সময়ত জ‘নিতা গান্ধী, অমিত মিশ্ৰ, আকাছা সিং আৰু তুষাৰ যোশীয়েও নিজৰ প্ৰতিভা প্ৰদৰ্শন কৰে ৷ ইয়াৰ পূৰ্বে কেতিয়াও ক’তো ফাইনেলত ইমান ডাঙৰ ইভেণ্ট অনুষ্ঠিত হোৱা নাছিল ৷

ভাৰতীয় দলৰ ক্ৰিকেটাৰ সকলক লৈ ভাৰতীয় অনুৰাগীৰ বহু আশা ৷ সমগ্ৰ দেশতে ক্ৰিকেটৰ উত্তেজনা তুংগত আছে কাৰণ আজি ভাৰতে আই চি চি বিশ্বকাপৰ ফাইনেলত অষ্ট্ৰেলিয়াৰ মুখামুখি হৈছে ৷ সমগ্ৰ দেশৰ আশা ভাৰতীয় জয়ৰ ওপৰত নিবদ্ধ হৈ আছে ৷

লগতে পঢ়ক : টিম ইণ্ডিয়াক সমৰ্থন কৰিবলৈ নৰেন্দ্ৰ মোদী ষ্টেডিয়ামত পৰিয়ালসহ শ্বাহৰুখ খান