চিটাৰা ডেস্ক, 20 অক্টোবৰ : অভিনেতা শ্বাহৰুখ খান(Shah Rukh Khan)ৰ পুত্ৰ আৰিয়ান খানক মুম্বাইৰ ক্ৰুজ ড্ৰাগছ(Drugs) গোচৰত আটক কৰাৰ পাচতে এতিয়া বলীউডৰ কলা-কুশলীসকলৰ সংস্কাৰ আৰু সংস্কৃতিকলৈও প্ৰশ্ন উত্থাপন হৈছে ৷ এই সন্দৰ্ভত প্ৰসিদ্ধ গীতিকাৰ তথা লেখক জাভেদ আখতাৰে(Javed Akhtar) কয় যে, হিন্দী চলচ্চিত্ৰ উদ্যোগটো ‘হাই প্ৰফাইল’(High Profile) ৷ যাৰ বাবে ইয়াত জড়িত কলা-কুশলীসকলে অধিক তদন্তৰ আওতাত থাকিবলগীয়া হয় ৷ সেইবাবে হিন্দী ছবি উদ্যোগৰ সৈতে জড়িত লোকসকলে উচ্চহাৰত মূল্য পৰিশোধ কৰিবলগীয়া হয় ৷
বিগত 13 ছেপ্তেম্বৰত গুজৰাটৰ মান্দ্ৰা বন্দৰত NIA ৰ দ্বাৰা 2988.21 কিল’গ্ৰাম নাৰ্ক’টিক্স পদাৰ্থ জব্দ কৰাৰ সন্দৰ্ভত জাভেদ আখতাৰে কয়, ‘‘এটা বন্দৰত 1 বিলিয়ন ডলাৰ মূল্যৰ কোকেইন উদ্ধাৰ হৈছিল ৷ কিন্তু এই সন্দৰ্ভত মই কোনো বাতৰি লাভ কৰা নাই ৷ কিন্তু মাত্ৰ 1.30 লাখ মূল্যৰ গাঞ্জা উদ্ধাৰ হৈছে, য'ত 1200 জন লোকো উপস্থিত নাছিল ; এয়া এক বৃহৎ ৰাষ্ট্ৰীয় পৰ্যায়ৰ বাতৰি হৈ পৰিছে’’ ৷
ইয়াৰোপৰি আখতাৰে 2 অক্টোবৰত মুম্বাইৰ কৰ্ডেলিয়া ক্ৰুজ জাহাজত ড্ৰাগছৰ বিৰুদ্ধে চলা অভিযান সন্দৰ্ভত কয়, ‘‘হাই প্ৰফাইল হোৱাৰ বাবে হিন্দী চলচ্চিত্ৰ উদ্যোগটোৱে এই মূল্য পৰিশোধ কৰিব লাগিব ৷ কিয়নো যেতিয়া এনেধৰণৰ গোচৰত আপোনাৰ নাম সাঙোৰ খায়, সেইসময়ত একাংশই আপোনাক আৰু তললৈ নমাব বিচাৰে’’ ৷
লগতে পঢ়ক : আৰিয়ান খানৰ গ্ৰেপ্তাৰ সন্দৰ্ভত বিশাল দদলানিৰ প্ৰতিক্ৰিয়া
