নিউজ ডেস্ক, 24 নৱেম্বৰ: হেকাৰৰ পৰা সাৱধান ৷ হেকাৰৰ কবলত পৰিছিল টাটা পাৱাৰত বন্ধ হোৱা ৱেব চাৰ্ভাৰ (Hackers exploited discontinued web server)৷ শেহতীয়াকৈ মাইক্ৰছফ্টে সতৰ্কবাণী প্ৰদান কৰে যে কোনো ৰাজ্যৰ পৃষ্ঠপোষকতাত অক্টোবৰত হেকাৰে টাটা পাৱাৰত ৱেব ছাৰ্ভাৰ বন্ধ কৰি ভাৰতৰ আন্তঃগাঁথনিত আক্ৰমণ কৰিছে ৷
মাইক্ৰছফ্ট সুৰক্ষা গৱেষকসকলে 2005 চনত অৱসৰ লোৱাৰ পিছতো ৰাউটাৰ, সুৰক্ষা কেমেৰা আৰু জনপ্ৰিয় ছফ্টৱেৰ ডেভেলপমেণ্ট কিট (এছডিকে)ত এতিয়াও ব্যৱহৃত "বোয়া ৱেব ছাৰ্ভাৰ (Boa web server)"ত এটা দুৰ্বল মুক্ত-উৎস উপাদান আৱিষ্কাৰ কৰিছিল ৷ বিগত মাহত টাটা পাৱাৰে স্বীকাৰ কৰিছিল যে ই ইয়াৰ তথ্য প্ৰযুক্তি আন্তঃগাঁথনিৰ ওপৰত চাইবাৰ আক্ৰমণে আক্ৰমণ কৰিছিল (Hacking in Tata Power)৷
ইয়াৰ সকলো গুৰুত্বপূৰ্ণ কাৰ্যকৰী প্ৰণালীয়ে স্বাভাৱিকভাৱে কাম কৰি আছে ৷ যোৱা সপ্তাহত এফবিআই, আমেৰিকা যুক্তৰাষ্ট্ৰৰ চাইবাৰ সুৰক্ষা আৰু আন্তঃগাঁথনি সুৰক্ষা সংস্থা আৰু স্বাস্থ্য আৰু মানৱ সেৱা বিভাগৰ এক যুটীয়া তথ্য অনুসৰি হাইভ ৰেনছমৱেৰ নামৰ এটা দলে টাটা পাৱাৰৰ ৱেব ছাৰ্ভাৰত আক্ৰমণ কৰিছিল ৷ ইতিমধ্যে এই হেকিং গ্ৰুপটোৱে বিশ্বব্যাপী 1,300 ৰো অধিক কোম্পানীক আক্ৰমণ কৰছিল ৷ এই গ্ৰুপটোৱে প্ৰায় 100 নিযুত ডলাৰ মুক্তিপণ পৰিশোধ লাভ কৰিছিল ।
মাইক্ৰছফ্টে লগতে উল্লেখ কৰে যে আক্ৰমণকাৰী হেকাৰ দলটোৱে বোয়া ৱেব ছাৰ্ভাৰ ব্যৱহাৰ কৰা কাৰ্যকে ইয়াৰে সূচাই যে ই এতিয়াও টাটা ৱেব ছাৰ্ভাৰক আক্ৰমণ ভেক্টৰ হিচাপে লক্ষ্য কৰাৰ সম্ভাৱনা অধিক ৷
এই বছৰৰ এপ্ৰিলত চাইবাৰ সুৰক্ষা কোম্পানী ৰেকৰ্ড ফীচাৰৰ দ্বাৰা প্ৰকাশিত এক প্ৰতিবেদনত প্ৰথমে সন্দেহজনক বৈদ্যুতিক গ্ৰিড অনুপ্ৰৱেশ কাৰ্যকলাপৰ বিতং বিৱৰণ দিয়া হৈছিল আৰু সাধাৰণ প্ৰযুক্তি সঁজুলিবোৰ জড়িত কৰা হৈছিল ৷ হেকিঙৰ কাৰ্যকলাপ অনুসন্ধান কৰোঁতে, মাইক্ৰছফ্ট গৱেষকসকলে বোয়া ৱেব চাৰ্ভাৰটো অতি দুৰ্বল বুলি মূল্যায়ন কৰিছিল, এই ৱেব ছাৰ্ভাৰটো প্ৰায়েই ডিভাইচবোৰত ছেটিংছ, মেনেজমেণ্ট কনচৌল আৰু ছাইন-ইন স্ক্ৰীণত ব্যৱহাৰ কৰা হয় ৷
প্ৰযুক্তি বিদ্যাৰ বিশেষজ্ঞসকলে কয় যে বোৱা ৱেব ছাৰ্ভাৰে যিকোনো নেটৱৰ্ক হেক কৰি স্বত্বাধিকাৰীৰ অজ্ঞাতে ছাৰ্ভাৰৰ পৰা ফাইলৰ লগতে তথ্য সংগ্ৰহ কৰিব পাৰে ৷ ইয়াৰোপৰি ডিভাইচ বন্ধ থকাৰ স্বত্বেও কোনো লোকৰ অজ্ঞাতে বোয়া ৱেব ছাৰ্ভাৰ কাম কৰে৷ ফাৰ্মৱেৰ আপডেট আৰু ডাউনষ্ট্ৰীম পেজ এইধৰণ প্ৰযুক্তিটো বোয়া ৱেব ছাৰ্ভিছে হেক কৰি নিজৰ উদ্দেশ্য ফলপ্ৰসু কৰিব পাৰে ৷ টাটা বৈদ্যুতিক প্ৰতিষ্ঠানটোৱে কোৱা অনুসৰি এই হেকিঙৰ ফলত আই টি বিভাগত বাৰুকৈয়ে প্ৰভাৱ পৰিছে ৷
মাইক্ৰছফ্টৰ অনুসৰি বোয়া ৱেব চাৰ্ভাৰৰ জনপ্ৰিয়তাই এক অসুৰক্ষিত যোগান শৃংখলাৰ সম্ভাৱ্য বিপদাশংকা কঢ়িয়াই আনিব পাৰে ৷ আনকি নেটৱৰ্কৰ ডিভাইচবোৰত সুৰক্ষা পদ্ধতি যিমানেই কটকটীয়া নকৰক কিয় এই ৱেব ছাৰ্ভাৰে সকলো হেক কৰিব পাৰে ৷ এই ৱেব ছাৰ্ভাৰে অজ্ঞাত তথ্য সংগ্ৰহ কৰিবলৈ সক্ষম হোৱাৰ ফলত হেকাৰকো বিপদত পেলাব পাৰে ৷ উদাহৰণস্বৰূপে এই ৱেব ছাৰ্ভাৰ ব্যৱহাৰৰ ফলত লাখ লাখ ডলাৰ ব্যয় হ'ব পাৰে আৰু লক্ষাধিক লোক প্ৰভাৱিত হ'ব পাৰে ৷
লগতে পঢ়ক: Corona created havoc again in China : চীনত আকৌ কৰ'ণাৰ আতংক
