দুটা দশক ধৰি দূৰদৰ্শনত আইকনিক টেলিভিছন ধাৰাবাহিক Phool Khile Hain Gulshan Gulshanৰ আতঃধৰোঁতা তথা বলীউডৰ প্ৰবীণ অভিনেতা তাবাচ্ছুম গোভিলে ২০২২ চনৰ ১৯ নৱেম্বৰত শুকুৰবাৰে সন্ধিয়া হৃদৰোগত আক্ৰান্ত হৈ শেষনিশ্বাস ত্যাগ কৰে(Veteran Actor Tabassum Govil passes away) ৷

জনপ্ৰিয়তাৰ শিখৰত আছিল তাবাচ্ছুমৰ টক শ্ব', দূৰদৰ্শনৰ বাহিৰত লাগিছিল চেলিব্ৰিটিৰ লাইন

tabassum-the-first-to-bring-stars-right-into-living-rooms

কেইবাখনো ছবিত অভিনয়েৰে খ্যাতি লাভ কৰা তাবাচ্ছুম গোভিলে শনিবাৰে ইহলীলা সম্বৰণ কৰে, দূৰদৰ্শনত প্ৰচাৰিত ‘ফুল খিলে হায় গুলছান-গুলছান’(Phool Khile Hain Gulshan Gulshan) অনুষ্ঠানৰ বাবেই সকলোৰে পৰিচিত আছিল তাবাচ্ছুম।

মৃত্যুৰ সময়ত তেখেতৰ বয়স আছিল ৭৮ বছৰ

তাবাচ্ছুম ১৯৪৭ চনত শিশু শিল্পী হিচাপে কেৰিয়াৰ আৰম্ভ কৰিছিল ।

তেওঁ নাৰ্গিছৰ বিপৰীতে শিশু অভিনেত্ৰী হিচাপে অভিনয় জীৱন আৰম্ভ কৰিছিল ।

‘ৱহ মেৰা সুহাগ’, ‘মঞ্জধৰ’, ‘বড়ী বেহেন’, ‘বাইজু বাৱৰা’, ‘তেৰে মেৰে সপনে’, ‘চামেলি কি ছাদী’, ‘স্বৰ্গ’ আদি বহু ছবিত তেওঁ কাম কৰিছিল যদিও দূৰদৰ্শনত প্ৰচাৰিত এটা অনুষ্ঠানৰ পৰাই তেওঁ খ্যাতি লাভ কৰিছিল ।

১৯৬০ চনত পৃথ্বীৰাজ কাপুৰ, দিলীপ কুমাৰ আৰু মধুবালা অভিনীত ঐতিহাসিক মহাকাব্য মোগল এ আজমত তেওঁ নাৰ্গিছৰ বিপৰীতে শিশু অভিনেত্ৰী হিচাপে নিজৰ অভিনয় জীৱন আৰম্ভ কৰিছিল ।

তাবাচ্ছুমে কেতিয়াও ছবিত মুখ্য চৰিত্ৰত অভিনয় কৰা নাছিল যদিও সেই যুগৰ আন শিশু অভিনেত্ৰী যেনে বেবী নাজ আৰু ডেইজী ইৰানীকো তেওঁ চেৰ পেলাবলৈ সক্ষম হৈছিল ৷

তেওঁৰ সজীৱ ব্যক্তিত্বৰ বাবেই সদায় তেওঁ লাইমলাইটত আছিল ।

কেইবাখনো ছবিত অভিনয় কৰাৰ পিছত তাবাচ্ছুমে ভাৰতীয় টেলিভিছনৰ প্ৰথম টক শ্ব’ Phool Khile Hain Gulshan Gulshanৰ আতঃধৰোঁতা হিচাপে কাম কৰে ৷

এই অনুষ্ঠানটিয়ে শীৰ্ষ চলচ্চিত্ৰ তাৰকা তথা চেলিব্ৰিটিসকলক মানুহৰ ড্ৰয়িং ৰূমত আনিবলৈ বাধ্য কৰাইছিল লগতে সেই সময়ত ডিডি নেশ্যনেলৰ আটাইতকৈ জনপ্ৰিয় অনুষ্ঠানসমূহৰ ভিতৰত অন্যতম আছিল, ১৯৭২ চনৰ পৰা দুটা দশক ধৰি চলিছিল ।

১৯৭২ চনৰ পৰা ১৯৯৩ চনলৈকে তেওঁ এই অনুষ্ঠানটোত আতঃধৰোঁতা হিচাপে কৰ্মৰত আছিল আৰু এই সময়ছোৱাত তেওঁ ভাৰতীয় চলচ্চিত্ৰ জগতৰ কেইবাজনো জনপ্ৰিয় তাৰকাৰ সাক্ষাৎকাৰ লৈছিল ।

ছুৰাইয়া, মীনা কুমাৰ, মধুবালা, নাৰ্গিছ আদি আগশাৰীৰ মহিলাৰ সৈতে তাবাচ্ছুমে ভাল সম্পৰ্ক লাভ কৰিছিল ।

১৯৮৫ চনত পুত্ৰ হোছাং গোভিলৰ চৰিত্ৰত অভিনয় কৰি um Par Hum Qurbanৰ ছবিৰে পৰিচালক হিচাপে আত্মপ্ৰকাশ কৰে ।

তেওঁৰ অন্তিমখন ছবি আছিল ১৯৯০ চনত ৰাজেশ খান্না আৰু গোবিন্দৰ সৈতে অভিনীত Swarg ৷ য’ত তেওঁ নিজৰ চৰিত্ৰত অতিথি হিচাপে অভিনয় কৰিছিল ।

ভাৰতত ৰূপালী পৰ্দাত অভিনয়ৰ দিনৰে পৰা খুবেই জনপ্ৰিয় আছিল তাবাচ্ছুম

পৰিৱৰ্তিত পৃথিৱীৰ সৈতে খাপ খুৱাই ইউটিউবত পুত্ৰ হোছাঙৰ সৈতে তাবাচ্ছুম টকীজ (Tabassum Talkies)নামেৰে নিজাকৈ চেনেল মুকলি কৰে য’ত প্ৰবীণ অভিনেত্ৰী গৰাকীয়ে পুৰণি যুগৰ বহু চিনেমাৰ সৈতে জড়িত অভিনেতা তথা ছবিজগতৰ বিষয়ে আলোচনা কৰিছিল ।

ইহসংসাৰত তাবাচ্ছুমে  স্বামী বিজয় গোভিল, প্ৰবীণ টিভি তাৰকা অৰুণ গোভিলৰ জ্যেষ্ঠ ভাতৃ আৰু পুত্ৰ হোছাঙক এৰি থৈ যায় ।