Suhana Khan birthday special: এসময়ত পিতৃৰ লাইমলাইট ভাল নোপোৱা সুহানাই শীঘ্ৰেই কৰিব বলীউডত আত্মপ্ৰকাশ

আজি (২২ মে’) বলীউডৰ ছুপাৰষ্টাৰ শ্বাহৰুখ খান আৰু গৌৰি খানৰ প্ৰিয় কন্যা সুহানা খানৰ ২৩ সংখ্যক জন্মদিন ৷ সুহানাৰ জন্মদিনৰ এই বিশেষ ক্ষণ উপলক্ষে আজি আমি কম সুহানাৰ বিষয়ে বহু নজনা কথা ৷ এছ আৰ কেৰ কন্যা হোৱাৰ পিচতো সুহানাৰ ওপৰত কোনো হেঁচা নাই । ২০১৮ চনত এখন আগশাৰীৰ আলোচনীৰ সৈতে হোৱা এক সাক্ষাৎকাৰত সুহানাই কয় যে তেওঁ আৰু তেওঁৰ ভাতৃ আৰিয়ান যথেষ্ট সৰু আছিল যেতিয়া তেওঁলোকে উপলব্ধি কৰিছিল যে তেওঁলোকৰ শৈশৱ আনতকৈ পৃথক হ’ব । সুহানাই কয় যে প্ৰথম অৱস্থাত তেওঁৰ পিতৃ ছুপাৰষ্টাৰ হোৱাৰ বাবে মানুহৰ পৰা পোৱা মনোযোগক সুহানাই বৰ বিশেষ এটা ভাল পোৱা নাছিল ৷ কিয়নো সেই সময়ত সুহানা স্বাভাৱিকত জীৱন-যাপনৰ বাবে হাহাকাৰ কৰিছিল । সুহানাই লগতে কয় যে প্ৰায় পাঁচ বছৰ বয়সত শ্বাহৰুখে তাইক স্কুললৈ লৈ গৈছিল আৰু ওচৰ-চুবুৰীয়া সকলোৱে কেৱল দুয়োকে চাই আছিল । স্কুলৰ বাহিৰত সুহানাক সাৱটি ধৰিব বিচাৰিছিল শ্বাহৰুখে কিন্তু যিহেতু কিছুমান মানুহে দুয়োৰে চাই আছিল সেয়াহে সুহানাই পিতৃ নিজৰ পৰা আঁতৰাই ঠেলি দিছিল ৷ কাৰণ সুহানাৰ মতে সেই সময়ত পোৱা মনোযোগ আকৰ্ষণ শ্বাহৰুখৰ কন্যাই ভাল পোৱা নাছিল । অৱশেষত সুহানাই বুজি পালে যে যিহেতু সুহানাৰ পিতৃ এগৰাকী ছুপাষ্টাৰ গতিকে এনেকুৱা হ’ব স্বাভাৱিক ৷