২০২৩ চনৰ মিছ ইউনিভাৰ্ছত ভাৰতক প্ৰতিনিধিত্ব কৰা শ্বেতা শাৰদাৰ বিষয়ে জানো আহক

এইবাৰ ৭২ সংখ্যক মিছ ইউনিভাৰ্ছ প্ৰতিযোগিতা ১৮ নৱেম্বৰ ২০২৩ত এল ছালভাডৰ, ছান ছালভাডৰৰ জোচে এডলফো পিনেডা এৰিনাত অনুষ্ঠিত হ’ব । এইবাৰ ৮৪খন দেশ আৰু ক্ষেত্ৰৰ প্ৰতিযোগীয়ে এই সৌন্দৰ্যৰ প্ৰতিযোগিতাত অংশগ্ৰহণ কৰিবলৈ সাজু হৈছে ৷ জনাই দিও যে, ২০২৩ চনৰ ২৭ আগষ্টত অনুষ্ঠিত হৈছিল মিছ ডিভাৰ সৌন্দৰ্য প্ৰতিযোগিতা । অনুষ্ঠানৰ শেষত দিবিতা ৰায়ে তেওঁৰ উত্তৰাধিকাৰী শ্বেতা শাৰদাক মিছ ইউনিভাৰ্ছ ইণ্ডিয়া ২০২৩ৰ খিতাপ অৰ্পণ কৰে । ১৬ নৱেম্বৰৰ নিশা ৯:০০ বজাত ৰাষ্ট্ৰীয় সাজ-পোছাক প্ৰতিযোগিতা চাব পাৰিব । এই অনুষ্ঠানটো লাইভ বেছত লাইভষ্ট্ৰীম কৰা হ’ব, আনহাতে টেলিমুণ্ডোৱে আমেৰিকাত স্পেনিছ ভাষাত সম্প্ৰচাৰ কৰিব আৰু ৰ’কু চেনেলে ষ্ট্ৰীমিংৰ সুবিধা প্ৰদান কৰিব । ভাৰতীয় দৰ্শকৰ বাবে চূড়ান্ত প্ৰতিযোগিতাখন ১৯ নৱেম্বৰৰ পুৱা ৬:৩০ বজাত ISTত মিছ ইউনিভাৰ্ছৰ ইউটিউব চেনেল আৰু এক্স একাউণ্টত উপলব্ধ হ’ব । এই প্ৰতিযোগিতাত ভাৰতক প্ৰতিনিধিত্ব কৰিব এগৰাকী প্ৰতিভাৱান মডেল, নৃত্যশিল্পী তথা নৃত্য পৰিচালক শ্বেতা শাৰদাই ৷ এই বিশ্বব্যাপী মঞ্চত ভাৰতক প্ৰতিনিধিত্ব কৰিবলৈ তেওঁ সম্পূৰ্ণ প্ৰস্তুত ৷ সেয়ে আজি আমি আপোনালোকক ক’বলৈ ওলাইছো ২০২৩ চনৰ মিছ ইউনিভাৰ্ছত ভাৰতক প্ৰতিনিধিত্ব কৰা শ্বেতা শাৰদাৰ বিষয়ে আৰু তেওঁ কেনেকৈ এই পদ অৰ্জন কৰিবলৈ সক্ষম হ’ল-