জন্মদিন বিশেষ দিনটোত কাজলৰ শ্ৰেষ্ঠ অভিনয়ৰ ওপৰত এক দৃষ্টিভংগী ।

Kajol Birthday : ৪৮ বছৰ সম্পূৰ্ণ কৰিলে কাজলে, কৰো আহক অভিনেত্ৰীগৰাকীৰ শ্ৰেষ্ঠ চৰিত্ৰৰ ওপৰত এক আলোকপাত

বলীউডৰ জনপ্ৰিয় অভিনেত্ৰী কাজলৰ আজি 48 সংখ্যক জন্মদিন ৷ বিশেষ দিনটোত চাওঁ আহক অভিনেত্ৰী গৰাকীৰ শ্ৰেষ্ঠ কেইটিমান চৰিত্ৰ-

৯০ দশকৰ অন্যতম সুদক্ষ অভিনেত্ৰী কাজলে আজি উদযাপন কৰিছে 48 সংখ্যক জন্মদিন ।

শুকুৰবাৰে ৪৮ বছৰ সম্পূৰ্ণ কৰা কাজলে বছৰ বছৰ ধৰি দক্ষ অভিনয়ৰে হিন্দী চলচ্চিত্ৰ জগতত নিজৰ নাম উজলাইছিল ।

১৯৯২ চনত Bekhudi নামৰ চিনেমাখনৰ জৰিয়তে আত্মপ্ৰকাশ কৰিছিল আৰু শেহতীয়াকৈ ছবি জগতত ৩০ বছৰ সম্পূৰ্ণ কৰিছে তেওঁ ।

সকলো ধৰণৰ চৰিত্ৰতে অভিনয় কৰি দৰ্শকক মোহাচ্ছন্ন কৰিছিল কাজলে । অভিনয় জীৱনৰ প্ৰায় ৩ দশকৰ পিছতো কাজলে মানসম্পন্ন অভিনয়ৰে দৰ্শকৰ মনত এক সুকীয়া স্থান দখল কৰি ৰাখিছে ৷

আজি চিনেমাত তেওঁৰ ৫ টা শ্ৰেষ্ঠ অভিনয়ৰ ওপৰত চকু ফুৰাওঁ আহক ।

Dilwale Dulhania Le Jayenge: এই ছবিখনক বলীউডত নিৰ্মিত অন্যতম শ্ৰেষ্ঠ ৰোমান্টিক ছবি হিচাপে গণ্য কৰা হয় । ‘DDLJ’ বুলি ক’লে আজিও শ্বাহৰুখ কাজলৰ ছবি সকলোৰে মনত ভাঁহি উঠে । Simran Singh ৰ চৰিত্ৰত কাজলে এগৰাকী নিৰীহ ছোৱালীৰ চৰিত্ৰত অভিনয় কৰিছিল যি শ্বাহৰুখ খানৰ প্ৰতি সীমাহীনভাৱে প্ৰেমত পৰে ।

Gupt: The Hidden Truth: এই ছবিখনৰ বাবে কাজলে নেগেটিভ ৰ’লত শ্ৰেষ্ঠ অভিনেত্ৰী শাখাত ফিল্মফেয়াৰ বঁটা লাভ কৰে । ছবিখনত Isha Diwan ৰ চৰিত্ৰত কাজলে এগৰাকী এনেকুৱা প্ৰেমিকাৰ চৰিত্ৰত অভিনয় কৰিছিল যিয়ে নিজৰ মানুহজনৰ বাবে হত্যা কৰিবলৈয়ো ভয় কৰা নাছিল ।

Kuch Kuch Hota Hai: কৰণ জোহৰৰ প্ৰথম পৰিচালনাত কাজল আৰু শ্বাহৰুখ খানৰ যুটিৰ যাদু আকৌ এবাৰ অনুভৱ কৰিলে দৰ্শকে ।

Kabhi Khushi Kabhie Gham: ছবিখনত কাজলে এগৰাকী উৎপতীয়া পাঞ্জাৱী ছোৱালীৰ চৰিত্ৰত অভিনয় কৰিছিল ৷ কাজলে এই চৰিত্ৰটোৰে দৰ্শকক যথেষ্ট হহুৱাইছিল ।

My Name Is Khan: এই ছবিখনত কাজলে সন্তান হেৰুৱাই পেলোৱা এগৰাকী মাতৃৰ এক ভয়ংকৰ আৰু হৃদয়বিদাৰক চৰিত্ৰৰ অভিনয় আগবঢ়াইছিল, যিয়ে কোটি কোটি হৃদয়ক স্পৰ্শ কৰিছিল।  সেই বছৰত তেওঁ শ্ৰেষ্ঠ অভিনেত্ৰী শাখাত ফিল্মফেয়াৰ বঁটা লাভ কৰিছিল ।