সংগ্ৰামৰ দিনত হাৰ নামানি কঠোৰ পৰিশ্ৰম কৰি থকা সুনীল গ্ৰোভাৰে আজি কোটি টকাৰ মালিক ।

এসময়ত ৫০০ টকা উপাৰ্জন কৰা সুনীল গ্ৰোভাৰে এটা খণ্ডৰ বাবে কিমান পাৰিশ্ৰমিক লয় জানেনে ?

সুনীল গ্ৰোভাৰ এতিয়া কোটি টকাৰ মালিক ৷ তেওঁৰ এটা খণ্ডৰ মাচুল শুনিলে আচৰিত হৈ পৰিব আপুনিও! জন্মদিনৰ দিনটোত জানো আহক সুনীলৰ বিষয়ে কিছু কথা-

‘গুঠ্ঠী’ আৰু ‘ডক্টৰ মাছুৰ গুলাতী’ চৰিত্ৰ দুটাৰে ঘৰে ঘৰে সকলোকে হাঁহিবলৈ বাধ্য কৰোৱা অভিনেতা তথা কমেডিয়ান সুনীল গ্ৰোভাৰে আজি ৩ আগষ্ট তাৰিখে ৪৫ সংখ্যক জন্মদিন উদযাপন কৰিছে ।

দ্য কপিল শৰ্মা শ্ব’ৰ মূখ্য চৰিত্ৰ সুনীল কমিক ষ্টাইলৰ বাবে বিখ্যাত ।

সুনীলৰ প্ৰতিভা কেৱল কমেডী শ্ব’তে নহয়, ছবি, ৰিয়েলিটী শ্ব’ ইত্যাদিতো দেখিবলৈ পোৱা যায় ।

সুনীল গ্ৰোভাৰে তেওঁৰ এই দৰ্শকক মনোৰঞ্জন যোগাব পৰা দক্ষতাৰ বাবে যথেষ্ট পৰিমাণৰ ধন লয় ।

হাৰিয়ানাত জন্মগ্ৰহণ কৰা সুনীল গ্ৰোভাৰৰ পিতৃ আছিল এজন বেংক মেনেজাৰ । তেওঁৰ এগৰাকী বায়েক আৰু এজন ভাইটি আছে ।

ছৈফ আলী খানৰ সৈতে ‘তাণ্ডৱ’ ধাৰাবাহিক আৰু ছবিত ছলমান খান, অজয় ​​দেৱগণৰ দৰে তাৰকাৰ সৈতে অভিনয় কৰি নিজৰ প্ৰতিভা দেখুৱাইছে সুনীলে ।

কেৰিয়াৰৰ প্ৰাৰম্ভিক পৰ্যায়ত সুনিলে মাত্ৰ ৫০০ টকা উপাৰ্জন কৰিছিল আৰু পিছলৈ কমেডী শ্ব’ত তেওঁ ১০ৰ পৰা ১২ লাখ টকা আদায় কৰিছিল ।

সংবাদ মাধ্যমৰ মতে, সুনীলৰ বাৰ্ষিক আয় ১৮ কোটি টকা  । ২০১৩ চনত মুম্বাইত এটা ঘৰ কিনিছিল তেওঁ ।

ছবিত অভিনয় কৰাৰ বাবে সুনীলে ৫০ লাখ টকা পৰ্যন্ত পাৰিশ্ৰমিক লয় । কপিল শৰ্মাৰ সৈতে বিমানত হোৱা কিছু মতানৈক্যৰ বাবে সুনীলে দ্য কপিল শৰ্মা শ্ব’ৰ পৰা আঁতৰি আহে । ছলমান খানে সুনীল আৰু কপিল শৰ্মাৰ মাজত মিলন ঘটাবলৈ চেষ্টা কৰিছিল যদিও সুনীলে কেতিয়াও মানি নল’লে ।