চিটাৰা ডেস্ক, 21 নৱেম্বৰ: টিভি ধাৰাবাহিক ‘সাথ নিভানা সাথিয়া’ত ‘এহেম মোদী’ৰ চৰিত্ৰত অভিনয় কৰি প্ৰতি ঘৰে ঘৰে জনপ্ৰিয় হোৱা অভিনেতা মহম্মদ নাজিম খিলজীৰ মূৰত ভাঙি পৰিছে সৰগ ৷ নাজিম খিলজীৰ পিতৃৰ দেহাৱসান ৷ সোমবাৰে বিয়লি ইহলীলা ত্যাগ কৰে অভিনেতাগৰাকীৰ পিতৃয়ে ৷ অভিনেতাগৰাকীয়ে আজি ছ’চিয়েল মিডিয়াত তেওঁৰ পিতৃৰ মৃত্যুৰ খবৰ সন্দৰ্ভত এটা পোষ্ট শ্বেয়াৰ কৰিছে ।

‘সাথ নিভানা সাথিয়া’ৰ এহেম ওৰফে নাজিম খিলজীৰ পিতৃৰ দেহাৱসান

পিতৃৰ মৃত্যুৰ খবৰটো নিজৰ ছ’চিয়েল মিডিয়া একাউণ্টত শ্বেয়াৰ কৰিছে অভিনেতাগৰাকীয়ে । নাজিমে কয় যে তেওঁ এই বিষয়ে গভীৰভাৱে অনুশোচনা কৰিছে কাৰণ তেওঁ অনাগত দিনত পিতৃৰ সৈতে হজযাত্ৰাত যোৱাৰ পৰিকল্পনা কৰিছিল ।

পিতৃৰ মৃত্যুক লৈ মহম্মদ নাজিমে আৱেগিক পোষ্ট শ্বেয়াৰ কৰিছে

মহম্মদ নাজিমে নিজৰ পিতৃ-মাতৃক লৈ ইনষ্টাগ্ৰামত এটা আৱেগিক পোষ্ট শ্বেয়াৰ কৰিছে । অভিনেতাগৰাকীয়ে লিখিছে- ‘‘সোমবাৰে দুপৰীয়া মোৰ দেউতাৰ মৃত্যু হয় । তেওঁৰ যোৱাটো দেখা মোৰ জীৱনৰ দ্বিতীয়টো আটাইতকৈ কষ্টদায়ক দিন আছিল, তাতোকৈ বেছি কষ্টদায়ক কাৰণ মই তেওঁৰ লগত কিছুদিন পিচত চৌদি আৰৱৰ মক্কাত উমৰা কৰাৰ পৰিকল্পনা কৰিছিলোঁ ।’’

অভিনেতাজনে লগতে লিখিছে- ‘‘আজি মই মোৰ পিতৃ-মাতৃ দুয়োৰে অবিহনে হেৰাই গৈছো আৰু মই ভাঙি পৰিছো ৷ মই যদি এই সময়ক পিছলৈ ঘূৰাই দিব পাৰিলোহেঁতেন... মই জানো মোৰ পিতৃ-মাতৃ দুয়োগৰাকীয়েই মোৰ ওপৰত চকু ৰাখিছে আৰু মই পৃথিৱীৰ আটাইতকৈ ভাগ্যৱান পুত্ৰ তোমালোক দুয়োকে পাইছো । আল্লাহে মোৰ পিতৃক ক্ষমা প্ৰদান কৰক আৰু তেওঁক জন্নত-উল-ফিৰদৌছত সৰ্বোচ্চ স্থান দিয়ক । আমিন, আপোনালোকৰ প্ৰাৰ্থনাত ৰাখিব ।’’

টিভি উদ্যোগত মহম্মদ নাজিমৰ যাত্ৰা

জনপ্ৰিয় ধাৰাবাহিক সাথ নিভানা সাথিয়াত মহম্মদ নাজিমৰ গুৰুত্বপূৰ্ণ ভূমিকাৰ বাবে পৰিচিত । জিয়া মানেক আৰু দেৱলীনা ভট্টাচাৰ্জীৰ সৈতে বিশেষ কেমিষ্ট্ৰী দেখা গৈছিল অভিনেতাগৰাকীৰ । সাথ নিভানা সাথিয়াৰ উপৰিও নাজিমে উড়ান, তেৰা মেৰা সাথ ৰাহে, ৰূপ: মৰ্দ কা নয়া স্বৰূপ আৰু বহু বেগমৰ দৰে ধাৰাবাহিকতো অভিনয় কৰিছে । বৰ্তমান অভিনেতাগৰাকীয়ে ছ’চিয়েল মিডিয়াত নিজৰ ৰিলৰ জৰিয়তে দৰ্শকক মনোৰঞ্জন দিয়া পৰিলক্ষিত হয় ।

লগতে পঢ়ক: প্ৰখ্যাত অসমীয়া চলচ্চিত্ৰ নিৰ্মাতা-পৰিচালক হেমেন দাস আৰু নাই