Arijit Singh: লাইভ কনচাৰ্টৰ মাজতে অনুৰাগীৰ ওপৰত খং উঠিল অৰিজিৎ সিঙৰ, কিন্তু কিয় ?

author img

By

Published : May 24, 2023, 4:59 PM IST

Why are you doing this to her? asks Arijit Singh as fan pushes kid on stage during live concert

শেহতীয়াকৈ বলীউডৰ আটাইতকৈ প্ৰিয় কণ্ঠশিল্পী অৰিজিৎ সিঙৰ লাইভ কনচাৰ্টৰ এটা ভিডিঅ’ ছ’চিয়েল মিডিয়াত ভাইৰেল হৈ পৰিছে ৷ ভিডিঅ’টো এগৰাকী অনুৰাগীয়ে উত্তেজনাত নিজৰ শিশুটিক মঞ্চলৈ ঠেলি দিয়ে ।ইয়াৰ পিচতে অৰিজিতে এই সন্দৰ্ভত প্ৰতিক্ৰিয়া প্ৰকাশ কৰা দেখা যায় (Arijit Singh live concert) ৷

চিটাৰা ডেস্ক, 24 মে’: অৰিজিৎ সিঙৰ কণ্ঠৰ লাখ লাখ অনুৰাগী আছে ৷ কেৱল ভাৰততেই নহয় দেশ বিদেশতো আছে কিংবদন্তি কণ্ঠশিল্পীগৰাকীৰ অনুৰাগী ৷ সেয়েহে, যিকোনো লাইভ কনচাৰ্টত কণ্ঠশিল্পীগৰাকীৰ গীত উপভোগ কৰিবলৈ উপস্থিত হয় লাখ লাখ অনুৰাগী ৷ কিন্তু শেহতীয়াকৈ, সংগীতানুষ্ঠানৰ পৰা অৰিজিতৰ এটা ভিডিঅ’ পোহৰলৈ আহিছে ৷ যিটো ভিডিঅ’ সম্প্ৰতি ভাইৰেল হৈ পৰিছে ছ’চিয়েল মিডিয়াত (Arijit Singh live concert) ৷

আচলতে নিজৰ শিশুটিকত মঞ্চত ঠেলি দিবলৈ চেষ্টা কৰা এগৰাকী অনুৰাগীৰ ওপৰত খং কৰা দেখা যায় সংগীতজ্ঞজনক। সামাজিক মাধ্যমত ভাইৰেল হোৱা ঘটনাটোৰ ভিডিঅ’টোত দেখা পোৱা গৈছে যে শিল্পীগৰাকীয়ে তেওঁৰ সংগীতানুষ্ঠান স্থগিত ৰাখি অনুৰাগীগৰাকীক বুজাবলৈ লয় ৷ ভিডিঅ’টোত অৰিজিতে কেমেৰাৰ আঁৰত অস্পষ্ট হৈ থকা মহিলা অনুৰাগীগৰাকীক বুজাই থকা দেখা পোৱা গৈছে (Arijit Singh schools fan) ৷

কণ্ঠশিল্পীগৰাকীয়ে অনুৰাগীগৰাকীক কয়, "কিয় তাইৰ জীৱনটো বিপদত পেলাইছে ? অনুগ্ৰহ কৰি উত্তৰ দিয়ক । তাই ইয়ালৈ আহিব নিবিচাৰে । তাই শিশু । তাই আনন্দিত হৈ আছিল, কিন্তু তাই এই কামটো কৰিবলৈ বিচৰা নাছিল; কিন্তু আপুনি কৰিছে এই কামটো । আপুনি তাইৰ সৈতে কিয় এনেকুৱা কৰিছে ?" ইয়াৰ পিচত তেওঁ পুনৰ সংগীতানুষ্ঠান সম্প্ৰচাৰলৈ উভতি যায় (Arijit stops performance to save kid) ৷

একেধৰণৰ আন এটা কাণ্ডত যেতিয়া লাইভ কনচাৰ্টৰ সময়ত এজন অনুৰাগীয়ে তেওঁৰ হাতখন টানি আঘাত কৰিছিল, তেতিয়া কণ্ঠশিল্পীগৰাকীয়ে যথেষ্ট শান্তভাৱে প্ৰতিক্ৰিয়া প্ৰকাশ কৰিছিল । অৰিজিতে কৈছিল, "আপুনি এইটো ধৰিব লাগিব । কথা নক’ব, মাত্ৰ শুনক । আপুনি ভাল সময় পাৰ কৰি আছিল, যিটো কল্পনাতীত, কিন্তু মই পৰিবেশন কৰিব নোৱাৰিলে কেনেকৈ মজা কৰিব ? আপুনি ডাঙৰ মানুহ নহয়নে ? কিহৰ বাবে আপুনি মোৰ হাতখন ধৰিলে ? মোৰ হাতখন এতিয়াই কঁপি আছে । মই সংগীত পৰিৱেশন নকৰি গুচি যাব লাগেনে ?।"

দুয়োটা ক্ষেত্ৰতে এনে পৰিস্থিতিৰ সৈতে শান্ত হৈ থকাৰ বাবে অনুৰাগীয়ে শলাগ লয় অৰিজিতৰ (Bollywood singer Arijit singh) । অৰিজিত বলীউডৰ এজন সুপৰিচিত নেপথ্য কণ্ঠশিল্পী । কবিৰা, ঘুংৰু, তুম হি হো আদি হিট গীতত নিজৰ কণ্ঠ নিগৰাইছে গায়কগৰাকীয়ে ।

লগতে পঢ়ক: Arijit Singh: শিলিগুড়িত বৰষুণত তিতি সংগীত পৰিৱেশন অৰিজিৎ সিঙৰ

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.