চিটাৰা ডেস্ক, 15 মাৰ্চ: পাঠান ছবিখনৰ জৰিয়তে সমগ্ৰ বিশ্বতে খলকনিৰ সৃষ্টি কৰা বলীউডৰ কিং শ্বাহৰুখ খানৰ পৰৱৰ্তী ছবি হৈছে জৱান (Pathan On OTT) ৷ সম্প্ৰতি জৱান ছবিখনক লৈ সামাজিক মাধ্যমত ব্যাপক চৰ্চা চলিছে ৷ যোৱা বছৰ অৰ্থাৎ ২০২২ চনৰ ২ জুনত ছবিখনৰ টিজাৰ মুকলি হৈছিল ৷ ইয়াৰ পিচতে ভাৰতীয় চলচ্চিত্ৰ জগতত জৱানক লৈ আৰম্ভ হৈছিল ব্যাপক চৰ্চা (Shah rukh khan jawan postponed) ৷

ছবিখনৰ টিজাৰ মুকলি হোৱাৰ পিচতে ছবিখনৰ মুক্তিৰ তাৰিখো ঘোষণা কৰা হৈছিল সেইসময়ত । ছবি নিৰ্মাতাসকলে তাৰিখ ঘোষণা কৰা অনুসৰি অহা ২ জুনত ছবিখন মুক্তি লাভ কৰাৰ কথা আছিল (Jawan Postpone) । কিন্তু জানিব পৰা মতে এতিয়া জৱান ছবিখনৰ মুক্তিৰ তাৰিখ পিছুৱাই দিয়া হৈছে । কেতিয়া মুক্তি লাভ কৰিব ছবিখন ?

কোনে পৰিচালনা কৰিছে জৱান ছবিখন ?

দক্ষিণ চলচ্চিত্ৰ উদ্যোগৰ বিখ্যাত পৰিচালক অৰুণ কুমাৰ ওৰফে এটলীৰ কাম দেখি শ্বাহৰুখ খানে নিজেই পৰিচালকগৰাকীৰ সৈতে এখন ছবি নিৰ্মাণৰ ইচ্ছা প্ৰকাশ কৰিছিল । ইয়াৰ পিচত এটলীয়ে শ্বাহৰুখ খানৰ বাবে জৱান ছবিখন ৰচনা কৰিছিল । এই ছবিখনত প্ৰথমবাৰৰ বাবে বলীউডৰ বাদশ্বাহ শ্বাহৰুখ খানৰ সৈতে একেলগে দেখা পোৱা যাব লেডী শ্বাহৰুখ নামেৰে পৰিচিত দক্ষিণৰ বিখ্যাত অভিনেত্ৰী নয়নতাৰাক ।

একে সময়তে শ্বাহৰুখ খানে দক্ষিণৰ আন এজন জনপ্ৰিয় অভিনেতা বিজয় সেতুপতিৰো কাম ভাল পাইছিল আৰু তেওঁৰ সৈতে জৱান ছবিত একেলগে দেখা পোৱা যাব শ্বাহৰুখ খানক (Shah Rukh khan upcoming movie) ৷ আনহাতে ছবিখনত ভিলেইনৰ চৰিত্ৰত দেখা পোৱা যাব বিজয়ক ।

ছবিখন কেতিয়া মুক্তি লাভ কৰিব ?

জৱান ছবিখনৰ শ্বুটিং পূৰ্ণগতিত চলি আছে (Jawan movie release date) । কিন্তু প্ৰাৰম্ভিক খবৰ অনুসৰি জানিব পৰা মতে নিৰ্মাতাসকলে এই ছবিখনক অধিক সময় লৈ পাঠানতকৈও ভাল ছবি নিৰ্মাণৰ বাবে কাম কৰি আছে । যাৰবাবে ছবিখন অক্টোবৰ মাহত ছবিগৃহত মুক্তি লাভ কৰাৰ সম্ভাৱনা আছে ৷ ছবিখনৰ সম্পাদনাৰ কাম সম্পূৰ্ণ হ’লেই ছবিখন কেতিয়া মুক্তি লাভ কৰিব সেয়া জানিব পৰা যাব ৷

লগতে পঢ়ক: Hunter trailer out now: সুনীল শ্বেট্টীৰ একচন থ্ৰিলাৰ ছিৰিজ হাণ্টাৰৰ ট্ৰেইলাৰ মুকলি