চিটাৰা ডেস্ক, 24 মে’: আহি আছে বলীউডৰ অভিনেতা শ্বাহিদ কাপুৰৰ আগন্তুক একচন-থ্ৰিলাৰ ছবি ‘ব্লাডি ডেডী’ (Bloody Daddy)। এদিন পূৰ্বে মুক্তি লাভ কৰিছিল এই ছবিখনৰ টিজাৰ, য’ত শ্বাহিদ কাপুৰৰ ‘ব্লাডি লুক’ দেখি তেওঁৰ অনুৰাগীসকলে স্তম্ভিত হৈ পৰিছিল । টিজাৰত দেখা গৈছিল যে শ্বাহিদ কাপুৰে সন্মুখলৈ অহা যিকোনো ব্যক্তিক লাইনত গুলীয়াই হত্যা কৰে ।

এই টিজাৰৰ পিচত শ্বাহিদৰ অনুৰাগীসকলে ছবিখন মুক্তিৰ বাবে অপেক্ষা কৰি আছিল । অৱশ্যে আজি (২৪ মে’) শ্বাহিদ কাপুৰে অনুৰাগীৰ বাবে লৈ আহিছে এটা ভাল খবৰ ৷ কিয়নো শ্বাহিদ কাপুৰৰ এই ছবিখনৰ ট্ৰেইলাৰ আজি মুক্তি লাভ কৰিছে (Bloody Daddy Trailer OUT) ৷

ছবিখনৰ ট্ৰেইলাৰ কেনেকুৱা ?

২ মিনিটতকৈও কম সময়ৰ ট্ৰেইলাৰটো যুদ্ধ, ৰক্তপাত আৰু বন্দুকৰ গুলীৰ ভয়ানক শব্দৰে আৰম্ভ হয় ৷ ট্ৰেইলাৰত দেখুওৱা হৈছে যে শ্বাহিদ কাপুৰক খলনায়ক হিচাপে (ৰ‘নিত ৰয়) কোকেইন ভৰ্তি বেগটো ঘূৰাই দিবলৈ কোৱা হৈছে । ৰ’নিতে এই বেগটো নিজৰ বছ (সঞ্জয় কাপুৰ)ৰ হাতত তুলি দিব লাগে । একে সময়তে ক্লাবত থকা আৰক্ষী বিষয়া (ৰাজীৱ খাণ্ডেলৱাল)ৰ হাতত ধৰা পৰে শ্বাহিদ কাপুৰ । এতিয়া শ্বাহিদ কাপুৰে এই বেগটো কেনেকৈ শেষলৈ লৈ যাব, সেয়া দেখা পোৱা ছবিখনত। জনপ্ৰিয় পাঞ্জাবী গায়ক তথা ৰেপাৰ বাদশ্বাহকো ট্ৰেইলাৰত দেখা গৈছে (Shahid Kapoor Bloody Daddy trailer) ।

ছবিখনৰ মুখ্য চৰিত্ৰত অভিনয় কৰিছে শ্বাহিদ কাপুৰে । একে সময়তে, নিষিদ্ধ ড্ৰাগছৰ ব্যৱসায় কৰা লোকসকলৰ চৰিত্ৰত ৰ’নিত ৰয় আৰু সঞ্জয় কাপুৰক খলনায়ক বনোৱা হৈছে । ছবিখনত, ৰাজীৱ খাণ্ডেলৱালক এজন আৰক্ষী বিষয়াৰ চৰিত্ৰত দেখা গৈছে । ইয়াৰ উপৰিও, ডায়েনা পেণ্টিক ছবিখনৰ মুখ্য অভিনেত্ৰীৰ চৰিত্ৰত দেখা পোৱা গৈছে । ছলমান খানৰ ছবি 'ভাৰত' নিৰ্মাণ কৰা পৰিচালক আলী আব্বাছ জাফৰে এই ছবিখন পৰিচালনা কৰিছে । ৯ জুনত অটিটিত মুক্তি পাব ছবিখন ।

লগতে পঢ়ক: Akshay Kumar: বাবা কেদাৰনাথ ধাম দৰ্শন কৰিলে অক্ষয় কুমাৰে, ভিডিঅ' শ্বেয়াৰ কৰি ক’লে- জয় বাবা ভোলানাথ