চিটাৰা ডেস্ক, 21 নৱেম্বৰ: আজি আল্লু অৰ্জুন আৰু আল্লু স্নেহা ৰেড্ডীৰ কনিষ্ঠ কন্যা আল্লু আৰহাৰ 8 বছৰীয়া জন্মদিন । এই উপলক্ষে ‘পুষ্পা’ অভিনেতাগৰাকীয়ে ছ’চিয়েল মিডিয়াত আৰহা আৰু তেওঁৰ কিছুমান মৰমলগা ছবি শ্বেয়াৰ কৰিছে । ইটালীত বৰুণ তেজ আৰু লাৱণ্য ত্ৰিপাঠীৰ বিয়াৰ সময়ত কন্যাৰ সৈতে তোলা কিছুমান ছবি শ্বেয়াৰ কৰিছে অভিনেতাগৰাকীয়ে ।

আল্লু অৰ্জুনে টুইটাৰত ফটো শ্বেয়াৰ কৰি কন্যা আল্লু আৰহাক জন্মদিনৰ শুভেচ্ছা জনাইছে । অভিনেতাগৰাকীয়ে পোষ্টটো শ্বেয়াৰ কৰি কেপচনত লিখিছে, ‘‘মোৰ আনন্দৰ বাণ্ডিল’, ‘মোৰ আনন্দ’ আৰু জন্মদিনৰ শুভেচ্ছা ।’’ এটা টুইট পোষ্টত আল্লু অৰ্জুনে কন্যা আল্লু আৰহা আৰু নিজৰ কিছুমান অদ্ভুত ভংগীমাৰ দৃশ্য শ্বেয়াৰ কৰিছে । ফটোকেইখনত তেওঁ আৰহাক কঢ়িয়াই লৈ ফুৰা আৰু পৰম্পৰাগত সাজ-পোছাক পৰিধান কৰি আৰহাৰ সৈতে নাচি থকা দেখা গৈছে ।

আঠ বছৰীয়া হ’ল আল্লু অৰ্জুনৰ কন্যা

ফটোখনত বগা চুট আৰু ক’লা শ্বেড পৰিধান কৰি থকা দেখা গৈছে আল্লু অৰ্জুনক । ইফালে আৰহাক পেষ্টেল লেভেণ্ডাৰ ড্ৰেছত দেখা যায় । আৰহাৰ সাজযোৰ জিলিকি থকা জোতাৰ সৈতে যোৰ কৰিছে । বৰুণ তেজৰ বিবাহ শোভাযাত্ৰাত পিতৃ-কন্যাৰ যুটিয়ে নাচি থকা দেখা গৈছে। আল্লুৱে এখন ব্লেক এণ্ড ৱাইট ছবি এখনো শ্বেয়াৰ কৰিছিল, য’ত তেওঁক আৰহাৰ সৈতে হাঁহি থকা দেখা গৈছে । আন এক টুইটত অভিনেতাগৰাকীয়ে শ্বেয়াৰ কৰে আল্লু আৰহাৰ আন এখন মৰমলগা ছবি, য’ত আৰহাক খোলা চুলি, হীৰাৰ নেকলেচ আৰু মেকআপত দেখা গৈছে ।

ৰাষ্ট্ৰীয় বঁটা লাভ কৰিছে ‘পুষ্পা’ই

আল্লু অৰ্জুনৰ শেহতীয়া ছবিখন আছিল সুকুমাৰৰ একচন ছবি ‘পুষ্পা’ । ছবিখনত ৰশ্মিকা মন্দন্না, ফহাধ ফাচিল, সুনীল, জগদীশ প্ৰতাপ বন্দাৰীকে ধৰি বহু অভিনেতাই অভিনয় কৰিছিল । ছবিখন অতি সফল হৈছিল, আনকি দুটা ৰাষ্ট্ৰীয় বঁটাও লাভ কৰিছিল ।

আল্লু অৰ্জুনৰ আগন্তুক ছবি 'পুষ্পা দ্য ৰুল'

ইয়াৰ পিচত অভিনেতাগৰাকীক পুষ্পাৰ দ্বিতীয় পাৰ্ট ‘পুষ্পা 2: দ্য ৰুল’ত দেখা যাব । এই ছবিখনত ৰশ্মিকা মন্দন্না আৰু ফাহাধ ফাচিল, জগপতি বাবু, প্ৰকাশ ৰাজকো দেখা যাব । 2024 বৰ্ষত স্বাধীনতা দিৱসৰ দিনা ডাঙৰ পৰ্দাত মুক্তি পাব এই ছবিখন ।

লগতে পঢ়ক: আন্তঃৰাষ্ট্ৰীয় বঁটা লাভ কৰি আবেগিক হৈ পৰিল একতা কাপুৰ