কলিয়াবৰ, 28 আগষ্ট: কলিয়াবৰৰ হাটবৰত অনুষ্ঠিত ক্যাৰাটে কৰ্মশালাত শনিবাৰে উপস্থিত থাকে স্বাস্থ্যমন্ত্ৰী কেশৱ মহন্ত(Association of Traditional Shotokan Karate) ৷ কৰ্মশালাত অংশগ্ৰহণ কৰি মন্ত্ৰী মহন্তই অংশগ্ৰহণকাৰীসকলৰ লগতে ক্যাৰাটে প্ৰশিক্ষকসকলক উদ্দেশ্য কৰি বৰ্তমান খেলুৱৈসকলে পূৰ্বৰ তুলনাত যথেষ্ট সা-সুবিধা লাভ কৰাৰ কথা সদৰী কৰে ৷ মন্ত্ৰীগৰাকীয়ে অসমত ক্ৰীড়াৰ দিশত এতিয়াও কৰিবলগীয়া বহুখিনি আছে বুলি মন্তব্য কৰি ইয়াৰ মাজতে অসমৰ প্ৰতিভাৱান খেলুৱৈ হিমা, লাভলীনা, নয়নমণি, অম্লানে আমাক গৌৰৱ কৰাৰ থল দিছে বুলি উল্লেখ কৰে ।
মন্ত্ৰী মহন্তই(Minister Keshab Mahanta) লগতে কয় যে, এনেদৰে গৌৰৱ কৰাৰ সুবিধা যাতে আমি আৰু পাওঁ, সেই দিশত আমাৰ উঠি অহা চামে পঢ়া-শুনাৰ লগতে খেলা-ধূলাও আগবঢ়ায় নিব লাগিব । মন্ত্ৰীগৰাকীয়ে এই ক্ষেত্ৰত সকলোকে সহায়-সহযোগিতা-উৎসাহ যোগাই যোৱাৰ কথা জানিবলৈ দিয়ে । প্ৰায় দুই শতাধিক প্ৰশিক্ষাৰ্থীয়ে অংশগ্ৰহণ কৰা এই কৰ্মশালাত প্ৰশিক্ষণ দিয়ে ত্ৰিপুৰাৰ তোতন দেৱবৰ্মা আৰু গুৱাহাটীৰ ভাগ্যেশ্বৰ কুলিয়ে ।
উল্লেখ্য যে নৱেম্বৰত জাপানৰ টকিঅ'ত অনুষ্ঠিত হ'বলগা আন্তঃৰাষ্ট্ৰীয় ক্যাৰাটে প্ৰতিযোগিতালৈ(International Karate Competition) কলিয়াবৰৰ দুই ক্যাৰাটে খেলুৱৈ বিপ্লৱ শইকীয়া আৰু অংশী প্ৰিয়ম আহমেদে যোগ্যতা অৰ্জন কৰিছে ৷ মন্ত্ৰী কেশৱ মহন্তই এই কৰ্মশালাত অংশগ্ৰহণ কৰি দুই ক্যাৰাটে খেলুৱৈক এক লাখ টকাৰ অনুদান আগবঢ়োৱাৰ কথা ঘোষণা কৰে ।
লগতে পঢ়ক : লখিমপুৰত জলশক্তি মিছনৰ কেন্দ্রীয় দল
