গুৱাহাটী, ২১ ছেপ্টেম্বৰ: মুখ্যমন্ত্ৰী ড৹ হিমন্ত বিশ্ব শৰ্মাই বুধবাৰে নতুন দিল্লীত প্ৰধানমন্ত্ৰী নৰেন্দ্ৰ মোডীক তেওঁৰ চৰকাৰী আৱাসগৃহত সাক্ষাৎ কৰে (Himanta Biswa Sarma meets PM) । সাক্ষাৎকালত মুখ্যমন্ত্ৰীয়ে অসমৰ সৰ্বাংগীন উন্নয়নৰ বাবে ৰাজ্য চৰকাৰে গ্ৰহণ কৰা বিভিন্ন পদক্ষেপৰ বিষয়ে প্ৰধানমন্ত্ৰীক অৱগত কৰে ।
সাক্ষাৎকালত মুখ্যমন্ত্ৰীয়ে ৰাজ্যখনৰ উন্নয়নৰ গতি ত্বৰান্বিত কৰাৰ বাবে অসম চৰকাৰে গ্ৰহণ কৰা বিভিন্ন উন্নয়নমূলক প্ৰকল্প আৰু আঁচনি সম্পৰ্কে প্ৰধানমন্ত্ৰীক অৱগত কৰে । আনহাতে সাক্ষাৎকালত মুখ্যমন্ত্ৰীয়ে ২৪ নৱেম্বৰত নতুন দিল্লীত অনুষ্ঠিত হ’বলগীয়া লাচিত বৰফুকনৰ ৪০০ সংখ্যক জয়ন্তীৰ (400th birth anniversary of Lachit Barphukan) সামৰণি অনুষ্ঠানলৈ প্ৰধানমন্ত্ৰী মোডীক আমন্ত্ৰণ জনায় ৷
উল্লেখ যে, ইয়াৰ পূৰ্বে মুখ্যমন্ত্ৰী ড৹ হিমন্ত বিশ্ব শৰ্মা আৰু কেন্দ্ৰীয় মন্ত্ৰী সৰ্বানন্দ সোণোৱালৰ উপস্থিতিত সাদিন-প্ৰতিদিন প্ৰকাশন গোষ্ঠীৰ (Sadin Pratdin Group) অধ্যক্ষ জয়ন্ত বৰুৱাই অসমীয়া অভিধান ‘হেমকোষ’ৰ প্ৰথমটো ব্ৰেইল সংস্কৰণ (Braille edition of Assamese dictionary Hemkosh) প্ৰধানমন্ত্ৰীক উপহাৰ হিচাপে প্ৰদান কৰে ৷
লগতে পঢ়ক: উপ ৰাষ্ট্ৰপতিৰ ভ্ৰমণৰ পৰিপ্ৰেক্ষিতত মহানগৰীত যান-বাহন চলাচলত নিষেধাজ্ঞা
