নেশ্যনেল ডেস্ক, 19 ছেপ্টেম্বৰ: ৬.৫ বিলিয়ন মাৰ্কিন ডলাৰত অম্বুজা চিমেণ্ট আৰু এচিচিৰ অধিগ্ৰহণ সম্পূৰ্ণ কৰাৰ কিছুদিন পিছতে কোটিপতি ব্যৱসায়ী গৌতম আদানীয়ে(Adani) কয় যে তেওঁৰ গোটে চিমেণ্ট উৎপাদন ক্ষমতা দুগুণ কৰাৰ পৰিকল্পনা কৰিছে আৰু দেশৰ ভিতৰতে আটাইতকৈ লাভজনক নিৰ্মাতা হিচাপে গঢ়ি তুলিছে(profitable cement manufacturer) ।
তেওঁ কয় যে, ভাৰতত চিমেণ্টৰ চাহিদা বহুগুণে বৃদ্ধি হ’ব কাৰণ শক্তিশালী অৰ্থনৈতিক বিকাশ আৰু চৰকাৰে আন্তঃগাঁথনিলৈ উত্থাপন কৰিছে । ইয়াৰ বাবে মাৰ্জিনও যথেষ্ট বৃদ্ধি পাব ।
১৭ ছেপ্টেম্বৰত অধিগ্ৰহণ সম্পূৰ্ণ হোৱাৰ সন্দৰ্ভত এক অনুষ্ঠানত আদানি গ্ৰুপৰ প্ৰতিষ্ঠাপক তথা অধ্যক্ষগৰাকীয়ে কয় যে, তেওঁৰ গ্ৰুপটো এবাৰতে দেশৰ দ্বিতীয় বৃহত্তম চিমেণ্ট নিৰ্মাতা প্ৰতিষ্ঠান হিচাপে পৰিগণিত হৈছে । আদানি গ্ৰুপে বিগত সপ্তাহত দুয়োটা কোম্পানীত হোলচিমৰ অংশীদাৰিত্ব অধিগ্ৰহণ সম্পূৰ্ণ কৰিছিল । চাৰি মাহত তেওঁলোকে এই চুক্তি সম্পূৰ্ণ কৰে ।
তেওঁৰ ভাষণত তেওঁ কয় যে, এই ব্যৱসায়ত আমাৰ প্ৰৱেশ এনে সময়তে হৈছে যেতিয়া ভাৰত আধুনিক বিশ্বৰ সৰ্বাধিক অৰ্থনৈতিক বিকাশৰ বাবে সাজু হৈছে । চিমেণ্ট খণ্ডত প্ৰৱেশ কৰাৰ কাৰণ দি আদানীয়ে কয় যে, ভাৰত বিশ্বৰ ভিতৰতে দ্বিতীয় বৃহত্তম চিমেণ্ট উৎপাদনকাৰী দেশ, কিন্তু চীনৰ ১৬০০ কেজিৰ তুলনাত ইয়াৰ জনমূৰি ব্যৱহাৰ মাত্ৰ ২৫০ কেজি । তেওঁ কয় যে, ভাৰতত চিমেণ্টৰ ব্যৱহাৰ ব্যাপকভাৱে বৃদ্ধি হোৱাৰ সম্ভাৱনা আছে ।
লগতে পঢ়ক: ফেচবুক আৰু মেচেঞ্জাৰত সংযুক্ত হ'ল নতুন বৈশিষ্ট: Real-time community Chats
