নিউজ ডেস্ক, ২১ মে' : প্ৰধানমন্ত্ৰী নৰেন্দ্ৰ মোডীয়ে দেওবাৰে তেওঁৰ সফল জাপান ভ্ৰমণ সামৰি পাপুৱা নিউগিনিলৈ ৰাওনা হয় (PM Modi wraps up Japan visit) । "জাপানৰ এইটো এক ফলপ্ৰসূ ভ্ৰমণ । জি-৭ সন্মিলনৰ সময়ত বিশ্বৰ কেইবাজনো নেতাক সাক্ষাৎ কৰোঁ আৰু তেওঁলোকৰ সৈতে বিভিন্ন বিষয়ৰ ওপৰত আলোচনা কৰোঁ (PM Modi attend G7 summit in Hiroshima) । প্ৰধানমন্ত্ৰী কিছিডা, জাপান চৰকাৰ আৰু জনসাধাৰণক তেওঁলোকৰ অভ্যৰ্থনাৰ বাবে কৃতজ্ঞতা জ্ঞাপন কৰিছোঁ । কিছু সময়ৰ ভিতৰতে পাপুৱা নিউগিনিলৈ ৰাওনা হ'ম ।" প্ৰধানমন্ত্ৰী মোডীয়ে টুইটক কয় (PM Modi Papua New Guinea Visit) ।
আনহাতে, পোৰ্ট মৰেছবিত উপস্থিত হোৱাৰ পিছত পাপুৱা নিউগিনিৰ প্ৰধানমন্ত্ৰী জেমছ মাৰাপেয়ে মোডীক আদৰণি জনাব (Papua New Guinea PM received Modi) । তাত তেওঁৰ বাবে এক আদৰণি অনুষ্ঠানৰ আয়োজন কৰা হৈছে । উল্লেখ্য, প্ৰধানমন্ত্ৰীয়ে ১৯-২৪ মে'লৈকে জাপান, পাপুৱা নিউগিনি আৰু অষ্ট্ৰেলিয়া এই তিনিখন দেশৰ ছয়দিনীয়া ভ্ৰমণসূচীলৈ গৈছে ।
এই ভ্ৰমণত হিৰোছিমাত জি-৭ আৰু কোৱাড সন্মিলন, অষ্ট্ৰেলিয়াৰ প্ৰধানমন্ত্ৰী এণ্টনী এলবানিজৰ সৈতে দ্বিপাক্ষিক বৈঠকত মিলিত হয় (PM Modi attend Quad summits in Japan) । আনহাতে, পাপুৱা নিউগিনিত অনুষ্ঠিত 'ফ'ৰাম ফৰ ইণ্ডিয়া-পেচিফিক আইলেণ্ডছ কো-অপাৰেচন'ৰ (এফআইপিআইচি) তৃতীয় সন্মিলনত তেওঁ অংশগ্ৰহণ কৰিব । "এক ফলপ্ৰসূ ভ্ৰমণৰ সামৰণি মাৰিলে । প্ৰধানমন্ত্ৰী নৰেন্দ্ৰ মোডীয়ে মুখ্য অংশীদাৰসকলৰ সৈতে দুদিনীয়া দ্বিপাক্ষিক আৰু বহুপাক্ষিক বৈঠকৰ পিছত তেওঁৰ জাপান ভ্ৰমণৰ সামৰণি মাৰে । প্ৰধানমন্ত্ৰীয়ে এতিয়া তেওঁৰ ভ্ৰমণৰ পৰৱৰ্তী পৰ্যায়ৰ বাবে পোৰ্ট মৰেছবিলৈ ৰাওনা হৈছে ।" বৈদেশিক পৰিক্ৰমা মন্ত্ৰালয়ৰ মুখপাত্ৰ অৰিন্দম বাগচিয়ে এক টুইটত কয় ।
উল্লেখ্য, প্ৰধানমন্ত্ৰী মোডীয়ে শনিবাৰে ইউক্ৰেইনৰ ৰাষ্ট্ৰপতি ভলোডিমিৰ জেলেনস্কিকো সাক্ষাৎ কৰে (PM Modi met Volodymyr Zelenskyy) আৰু আন সদস্য ৰাষ্ট্ৰসমূহৰ সৈতে দ্বিপাক্ষিক আলোচনাত মিলিত হয় । ইয়াৰ পূৰ্বে শনিবাৰে জেলেনস্কিয়ে প্ৰধানমন্ত্ৰী নৰেন্দ্ৰ মোডীক ইউক্ৰেইনৰ শান্তি ফৰ্মূলাত যোগদান কৰিবলৈ আমন্ত্ৰণ জনায় আৰু লগতে দেশৰ আঞ্চলিক অখণ্ডতা আৰু সাৰ্বভৌমত্বক সমৰ্থন কৰাৰ বাবে তেওঁক ধন্যবাদ জ্ঞাপন কৰে ।
আনহাতে, টুইটাৰৰ জৰিয়তে জেলেনস্কিয়ে কয়, "জাপানত ভাৰতৰ প্ৰধানমন্ত্ৰীৰ সৈতে বৈঠকত মিলিত হওঁ । মই ইউক্ৰেইনৰ শান্তি সূত্ৰ উদ্যোগৰ বিষয়ে মধ্যস্থতাকাৰীসকলক বিতংভাৱে জনাওঁ । লগতে ভাৰতক এই প্ৰক্ৰিয়া কাৰ্যকৰীকৰণত যোগদান কৰিবলৈ আমন্ত্ৰণ জনাওঁ । মই ইউক্ৰেইনত মানৱীয় সহায়তা আৰু ভ্ৰাম্যমাণ চিকিৎসালয়ৰ প্ৰয়োজনীয়তাৰ বিষয়ে কওঁ । বিশেষকৈ আন্তঃৰাষ্ট্ৰীয় সংগঠনসমূহৰ মঞ্চত আমাৰ দেশৰ আঞ্চলিক অখণ্ডতা আৰু সাৰ্বভৌমত্বক সমৰ্থন কৰাৰ বাবে আৰু ইউক্ৰেইনক মানৱীয় সাহায্য প্ৰদান কৰাৰ বাবে মই ভাৰতক ধন্যবাদ জনাওঁ ।"
লগতে পঢ়ক :Congress Election Strategy Review : নিৰ্বাচনমুখী ৰাজ্যসমূহত কংগ্ৰেছৰ ৰণনীতি পৰ্যালোচনা বৈঠক
