নেশ্যনেল ডেস্ক,২২ ছেপ্টেম্বৰ : নেশ্যনেল টেষ্টিং এজেঞ্চিয়ে (NTA) প্ৰকাশ কৰিছে দিল্লী বিশ্ববিদ্যালয় প্ৰৱেশ পৰীক্ষা ২০২২ৰ সময়সূচী (DU PG PHD entrance exam)। ২০২২-২৩ শিক্ষাবৰ্ষৰ নামভৰ্তিৰ বাবে এই প্ৰৱেশ পৰীক্ষা অহা ১৭ অক্টোবৰৰ পৰা ২১ অক্টোবৰলৈ অনুষ্ঠিত হ'ব । এজেঞ্চিয়ে ইয়াৰ অফিচিয়েল ৱেবছাইটত প্ৰকাশ কৰিছে প্ৰৱেশ পৰীক্ষা সম্পৰ্কীয় তথ্য । প্ৰকাশ কৰা অধিসূচনা অনুসৰি পৰীক্ষা অনুষ্ঠিত কৰাৰ বাবে সম্পূৰ্ণ প্ৰস্তুতি চলোৱা হৈছে ।
জানিব পৰা মতে দিল্লী বিশ্ববিদ্যালয়ত স্নাতকোত্তৰ (PG)ৰ বাবে বিভিন্ন পাঠ্যক্ৰমত প্ৰায় ১২,০০০ আসন আছে । শিক্ষাৰ্থীসকলে https://nta.ac.in/DuctExam ৱেবছাইটত পৰীক্ষা সম্পৰ্কীয় সকলো তথ্য জানিব পাৰিব । ইয়াৰ উপৰিও, শিক্ষাৰ্থীসকলে 01140759000 নম্বৰত ফোন কৰিও তথ্য লাভ কৰিব পাৰিব । ইয়াৰ লগতে, duet@nta.ac.inত ই-মেইল প্ৰেৰণ কৰি পৰীক্ষা সম্পৰ্কীয় তথ্য জানিব পৰা যাব ।
নেশ্যনেল টেষ্টিং এজেঞ্চিয়ে (National Testing Agency) পৰীক্ষাত অৱতীৰ্ণ হ'বলগীয়া শিক্ষাৰ্থীসকলক আৰু তেওঁলোকৰ অভিভাৱকসকলক পৰীক্ষা সম্পৰ্কীয় তথ্যৰ বাবে NTA আৰু দিল্লী বিশ্ববিদ্যালয়ৰ ৱেবছাইটত লগ ইন কৰিবলৈ পৰামৰ্শ দিছে । পৰীক্ষাৰ প্ৰৱেশ পত্ৰ সোনকালেই মুকলি কৰা হ'ব বুলিও কোৱা হৈছে ।
জানিব পৰা মতে এই প্ৰৱেশ পৰীক্ষা তিনিটা পৃথক সময়সূচীত অনুষ্ঠিত হ'ব । প্ৰথমটো পুৱা ৮ বজাৰ পৰা ১০ বজালৈ চলিব, দ্বিতীয়টো ১২.৩০ বজাৰ পৰা আবেলি ২.৩০ বজালৈ চলিব আৰু তৃতীয় সময়সূচী হ'ব সন্ধিয়া ৫ বজাৰ পৰা সন্ধিয়া ৭ বজালৈ । পৰীক্ষাটো CBT মোডত (কম্পিউটাৰ আধাৰিত পৰীক্ষা) অনুষ্ঠিত হ'ব ।
বিগত বছৰৰ দৰে, দিল্লী বিশ্ববিদ্যালয় স্নাতকোত্তৰ পাঠ্যক্ৰমত মুঠ আসনৰ ৫০ শতাংশ দিল্লী বিশ্ববিদ্যালয়ৰ শিক্ষাৰ্থীৰ বাবে সংৰক্ষিত থাকিব । আনহাতে বাকী ৫০ শতাংশ আসন দিল্লী বিশ্ববিদ্যালয় প্ৰৱেশ পৰীক্ষাৰ জৰিয়তে পূৰণ কৰা হ'ব । দিল্লী বিশ্ববিদ্যালয়ত স্নাতকোত্তৰৰ নামভৰ্তিৰ বাবে এইবাৰ প্ৰায় ১ লাখ ৭০ হাজাৰ প্ৰাৰ্থীয়ে ৭৬ টা পাঠ্যক্ৰমৰ বাবে আবেদন কৰিছে । দিল্লী বিশ্ববিদ্যালয়ৰ নামভৰ্তি অধ্যাপক হানিত গান্ধীয়ে কোৱা মতে পূৰ্বৰ বছৰবোৰৰ দৰে এই বছৰো স্নাতকোত্তৰ পৰীক্ষাত কোনো বিশেষ পৰিৱৰ্তন হোৱা নাই ।
লগতে পঢ়ক :NIA operation against PFI : দেশত ১০০ৰো অধিক PFI কৰ্মীক গ্ৰেপ্তাৰ
