নিউজ ডেস্ক, 25 জানুৱাৰী: দেশৰ 74 সংখ্যক গণৰাজ্য দিৱস উদযাপনৰ বাবে সাজু হৈছে ভাৰতবাসী ৷ মাজত মাত্ৰ কেইটামান ঘন্টা বাকী ৷ বৃহস্পতিবাৰে সমগ্ৰ দেশে উদযাপন কৰিব 74 সংখ্যক গণৰাজ্য দিৱস ৷ দেশৰ বিভিন্ন প্ৰান্তত গণৰাজ্য দিৱসক লৈ মানুহৰ মনত উচাহ পৰিলক্ষিত হৈছে ৷ কাৰ্যালয় বা আন প্ৰতিষ্ঠানত উত্তোলন কৰিবলৈ, গাড়ী বা মটৰ চাইকেলত আঁৰিবলৈকে কোনো কোনোৱে কিনিছে একোখন ত্ৰিৰংগ পতাকা ৷ বিদ্যালয়, কাৰ্যালয় আদিত চিকুণাই ৰং সনা হৈছে পতাকা উত্তোলনৰ বেদীত ৷ চৰকাৰীভাৱে অনুষ্ঠিত হ’বলগীয়া গণৰাজ্য দিৱসৰ পতাকা উত্তোলনৰ থলী সমূহো আটক ধুনীয়াকৈ সজাই তোলা হৈছে ৷ সাজু হৈছে পেৰেডৰ দল, সাজু হৈছে বিভিন্ন সাংস্কৃতিক আৰু কলা প্ৰদৰ্শনকাৰী দল (Republic Day 2023) ৷
ইয়াৰ মাজতে প্ৰথমবাৰৰ বাবে প্ৰায় 40 টি শিশু-কিশোৰৰ মনত ৰং সিঁচিছে গণৰাজ্য দিৱসৰ প্ৰস্তুতিয়ে ৷ এটা বস্তিত বাস কৰা এই শিশু আৰু কিশোৰসকলে হয়তো নাজানে ৰাষ্ট্ৰৰ সংজ্ঞা, হয়তো এতিয়াও বুজি উঠা নাই গণতন্ত্ৰ কি ? কিন্তু তেওঁলোক সাজু হৈছে জীৱনৰ এক নতুন অভিজ্ঞতা ল’বলৈ ৷ বস্তিৰ পৰা গণৰাজ্য দিৱসৰ পেৰেডলৈ যাত্ৰা এইসকল শিশু-কিশোৰৰ (Children from slums in republic day parade) ৷
এইবাৰ উত্তৰ প্ৰদেশৰ লক্ষ্ণৌত অনুষ্ঠিত হ’বলগীায়া গণৰাজ্য দিৱসৰ পেৰেড কাৰ্যসূচীত অংশ ল’বলৈ সুবিধা লাভ কৰিছে এই 40 টি শিশু আৰু কিশোৰে ৷ য’ত নিজা নিজা প্ৰতিভা প্ৰদৰ্শন কৰিব তেওঁলোকে ৷ 11 ৰ পৰা 18 বছৰ বয়সৰ শিশু আৰু কিশোৰৰ এই দলটোৱে বাস কৰে উত্তৰ প্ৰদেশৰ লক্ষ্ণৌৰ এটা বস্তি অঞ্চলত ৷ ট্ৰেফিক পইন্ট সমূহত ভিক্ষা খুজি তেওঁলোকে নিজৰ জীৱন অতিবাহিত কৰি আহিছে ৷ কিন্তু এইবাৰ তেওঁলোক ওলাইছে এক নতুন যাত্ৰাৰ দিশে (Republic Day parade) ৷
লগতে পঢ়ক: Actor Diganta Hazarika : পুত্ৰৰ সাফল্যত আৱেগিক মাতৃ; দিগন্ত হাজৰিকাই লাভ কৰিলে মাতৃৰ শুভেচ্ছা
‘‘ভিক্ষাৰ পৰা শিক্ষাৰ দিশে’’ শীৰ্ষক শ্ল’গান লৈ গণৰাজ্য দিৱসৰ পেৰেডত অংশ ল’বলৈ সাজু হৈছে তেওঁলোক ৷ লক্ষ্ণৌৰ পৌৰ আয়ুক্ত ইন্দ্ৰজিৎ সিঙে কয়, ‘‘দেশত প্ৰথমবাৰৰ বাবে বস্তি অঞ্চলত বাস কৰা ভিক্ষা বৃত্তিৰে জড়িত কোনোবাই গণৰাজ্য দিৱসৰ পেৰেডত অংশ ল’ব ৷ পথত ভিক্ষা মাগি ফুৰা প্ৰায় 40 গৰাকী শিশু আৰু কিশোৰে এই অনুষ্ঠানৰ বাবে নিতৌ অনুশীলন কৰি আছে’’ (Bhiksha Se Shiksha Ki Ore) ৷
সিঙে লগতে কয়, ‘‘প্ৰজেক্ট স্মাইলে তেওঁলোকৰ জীৱন সলনি কৰিবলৈ সক্ষম হৈছে ৷ এই প্ৰকল্পৰ লক্ষ্য হৈছে ভিক্ষা বৃত্তিৰ পৰা তেওঁলোকক আঁতৰাই আনি মূলসূঁতিৰ সৈতে একত্ৰিত কৰা ৷ আমি যোৱা ডেৰ বছৰ ধৰি এই শিশুসকলৰ হিতৰ বাবে কাম কৰি আছোঁ’’ ৷ তেওঁ আৰু কয় যে, তেওঁলোকক বিদ্যালয়ত নাম ভৰ্তি কৰোৱা আৰু শিক্ষাৰ প্ৰতি আকৰ্ষিত কৰা কাম ইতিমধ্যে সম্পূৰ্ণ হৈছে’’ (Lucknow slum area news) ৷
‘‘এতিয়া আমি তেওঁলোকক পেৰেডৰ বাবে অনুশীলন কৰাই আছোঁ, যাতে তেওঁলোকে জীৱনত নতুন এক অভিজ্ঞতা লাভ কৰি আৰু তেওঁলোকৰ আত্মবিশ্বাস বৃদ্ধি পায়’’ বুলি সিভে সদৰী কৰে ৷ উমীদ নামৰ বেচৰকাৰী সংস্থাটোৰে জড়িত বলবীৰ সিং মানে প্ৰজেক্ট স্মাইলৰ ক্ষেত্ৰত গুৰুত্বপূৰ্ণ ভূমিকা পালন কৰিছে ৷ বলবীৰ সিঙে কয়, ‘‘ আগতে এই শিশুসকলে টকাৰ বাবে ভিক্ষা খুজি ফুৰিব লগীয়া হৈছিল ৷ কিন্তু আমি তেওঁলোকক যোৱা এক বছৰে শিক্ষাদান কৰি আহিছোঁ ৷ আজি গণৰাজ্য দিৱসৰ পেৰেডত নিজকে ঠিয় কৰাবলৈ তেওঁলোক সম্পূৰ্ণৰূপে আত্মবিশ্বাসী হৈ উঠিছে’’ (Children from slums to participate in R Day parade) ৷
প্ৰজেক্ট স্মাইলৰ সৈতে জড়িত প্ৰতাপ বিক্ৰম সিঙে কয়, ‘‘এই শিশুসকলে কনভেণ্ট আৰু চৰকাৰী বিদ্যালয়ৰ ছাত্ৰ-ছাত্ৰী সমান্তৰালভাৱে অনুষ্ঠান পৰিৱেশনৰ বাবে অনুশীলন কৰি আছে ৷ প্ৰায় ডেৰ বছৰ আগলৈকে এই শিশুসকলে আমাৰ সৈতে কথা পাতিবও খোজা নাছিল, কাৰণ তেওঁলোকে আমাক বিশ্বাস কৰিব পৰা নাছিল ৷ তেওঁলোকৰ মনত বিশ্বাস জগাবলৈ আমাক বহু সময় লাগিল ৷ আমি তেওঁলোকক কিছুমান পুতলা দিছিলোঁ আৰু স্মাৰ্ট ক্লাছ আৰম্ভ কৰিছিলোঁ ৷ আজি তেওঁলোকে এটা প্ৰচাৰ লাভ কৰিবলৈ সক্ষম হৈছে’’ (Lucknow beggar children in parade) ৷
লগতে পঢ়ক: Who is this Poonam: শতাধিক গৰাকীবিহীন মৃতদেহ সৎকাৰেৰে চৰ্চালৈ আহিছে পুনম
