নাজিৰা : নাজিৰাৰ বানাক্ৰান্ত চন্টক বৰ মিছিং গাঁৱৰ ৰাইজৰ কাষত প্ৰাক্তন সাংসদ, মন্ত্ৰী তথা অসম কংগ্ৰেছৰ প্ৰাক্তন সভাপতি ৰিপুণ বৰা উপস্থিত হয় ৷ শনিবাৰে চন্টক বৰ মিছিং গাঁৱত বানত ক্ষতিগ্ৰস্ত ১০০টা পৰিয়ালক বান সাহায্য আগবঢ়ায় ৷ উল্লেখ্য যে, এমাহৰ পেঞ্চনৰ ধনেৰে বন্যাৰ্তৰ কাষত নেতাগৰাকী উপস্থিত হয় ৷

প্ৰাক্তন বিধায়ক দেৱব্ৰত শইকীয়াক লগত লৈ সাহাৰ্য সামগ্ৰী বিতৰণ কৰি নেতাগৰাকীয়ে কয়,"মই পেঞ্চন ভোগী ৷ সেয়ে এমাহৰ পেঞ্চনেৰ ধনেৰে বন্যাৰ্তক কিঞ্চিত মান সহায় কৰাৰ চেষ্টা কৰিলো ৷ য'ত এতিয়াও উপযুক্ত সাহাৰ্য পোৱা নাই সেই স্থান চিনাক্ত কৰি ১০০টা পৰিয়ালক কিছু সামগ্ৰী দিয়াৰ চেষ্টা কৰিলো ৷ ১৫ দিন ধৰি অসমৰ বাহিৰত থকাৰ বাবে বানপানীৰ সময়ত বানাক্ৰান্ত ৰাইজৰ ওচৰলৈ আহিব পৰা নাছিলো ।"

লগতে পঢ়ক : অসমৰ বান ৰাষ্ট্ৰীয় সমস্যাৰ বিপৰীতে ৰাষ্ট্ৰীয় সমাধানহে হ’ব লাগে : মুখ্যমন্ত্ৰী