সোমবাৰৰ পৰা আৰম্ভ হোৱা ষোড়শ অসম বিধানসভাৰ বাজেট অধিৱেশনৰ আজি অৰ্থাৎ বুধবাৰে তৃতীয়টো দিন । 

পুৱা ৯:৩০ বজাৰ পৰা সদনৰ কাম-কাজ আৰম্ভ হৈছে। প্ৰশ্নোত্তৰ শিতানেৰে আৰম্ভ হোৱা সদনৰ কাম-কাজত প্ৰথমে অসম চুক্তি ৰূপায়ন সন্দৰ্ভত আলোচনা হৈছে । 

৬ জুলাইৰ পৰা আৰম্ভ হোৱা এই বাজেট অধিৱেশনৰ কামকাজ ৩১ জুলাইলৈকে চলিব ৷ 

এইবাৰৰ বাজেট অধিৱেশনত নতুন বিধেয়কৰ পৰিৱৰ্তে চৰকাৰে ১২ খনকৈ সংশোধনী বিধেয়ক উপস্থাপন কৰিছে । 

এইবাৰৰ বাজেট অধিৱেশনৰ ১০ জুলাইৰ দিনটোত বিত্তমন্ত্ৰী জয়ন্ত মল্লবৰুৱাই ২০২৬-২৭ বৰ্ষৰ পূৰ্ণাংগ বাজেট দাখিল কৰিব । 

উল্লেখ্য যে, মুখ্যমন্ত্রী হিচাপে দ্বিতীয়বাৰৰ বাবে দায়িত্বভাৰ গ্ৰহণ কৰাৰ পাছতে ড৹ হিমন্ত বিশ্ব শৰ্মাৰ চৰকাৰৰ এইখন প্ৰথমখন বাজেট অধিৱেশন । এই অধিৱেশনত চৰকাৰখনে আগন্তুক পাঁচ বছৰৰ পূৰ্ণাংগ বাজেট দাখিল কৰিব ।