মুছলমান-হিন্দু সম্প্ৰদায়ৰ মাজত গো-মাংসক লৈ বিশ্বাসভংগ? মঙলদৈত কোন হ'ল এঘৰীয়া?

মঙলদৈ: মিত্ৰতাৰে এটা সম্পৰ্ক গঢ়ি উঠিব পাৰে, আৰু এই মিত্ৰতাই এটা সম্পৰ্ক ভাঙি দিবও পাৰে ৷ এইবাৰ বন্ধুৰ বাবেই বিপদত পৰিল বন্ধু ৷ এগৰাকী মিত্ৰৰ ওপৰতে জাপি দিয়া হ'ল অপযশ ৷

মঙলদৈৰ ১নং গেৰিমাৰী কছাৰী বস্তিত বিগত বকৰী ঈদৰ দিনাখন এক চাঞ্চল্যকৰ ঘটনা সংঘটিত হৈছিল ! ঘটনাৰ সৱিশেষ অনুসৰি জাভেদ আলী নামৰ ইছলাম ধৰ্মীয় এজন ব্যক্তিয়ে তেওঁৰ মিত্ৰ বুলি জাহিৰ কৰা হিন্দু সম্প্ৰদায়ৰ ব্যক্তিক গো-মাংস খুওৱাৰ অপচেষ্টা কৰা বুলি এক অভিযোগ উত্থাপন হৈছে ৷

অভিযোগ অনুসৰি, পবিত্ৰ ঈদৰ দিনা বিশেষ মাংস ৰান্ধি জাভেদ আলীয়ে সখী তপন বড়োৰ ঘৰলৈ আনিছিল ৷ তাৰ পাছত সেই মাংস তাতেই এৰি তেওঁ মানে জাভেদ আলীয়ে চুবুৰীয়াক কথাটো অবগত কৰি এতিয়া তপন বড়ো আৰু তেওঁৰ পৰিয়ালক সমাজত এঘৰীয়া কৰিলে ৷

এই ঘটনাৰ স্পষ্টীকৰণ দি তপন বড়োৱে কয় যে,"দুপৰীয়া মই ঘৰত শুই আছিলো ৷ সেই সময়ত ঘৰৰ বাকী সদস্য নাছিল ৷ তেনেতে জাভেদ আলীয়ে এটা বাতিত ৰন্ধা মাংস অলপ আনিছিল আৰু মাংসখিনি আমাৰ ঘৰৰ টেবুলত ৰাখি থলে ৷ তাৰ পিছত ৰাস্তাৰ লগতে গাঁৱৰ মানুহক মাতি আনি জাভেদ আলীয়ে আমি গো-মাংস খোৱা বুলি দেখুওৱাই দিয়ে মাতি অনা মানুহখিনিক ৷ কিন্তু মই মাংস খোৱা নাছিলো তথাপি মই নিষিদ্ধ মাংস ভক্ষণ কৰাৰ সন্দেহত গাঁৱত ৰাইজে মেল পাতি আমাৰ এঘৰীয়া কৰাৰ সিদ্ধান্ত লৈছে ৷"

জাভেদ আলী সন্দৰ্ভত বড়োৱে কয়, "জাভেদ আলীয়ে আমাৰ ঘৰলৈ সুৰাপান কৰিবলৈ মাজে মাজে আহে ৷ সেইদিনা দ্বিতীয়বাৰৰ বাবে জাভেদে গো-মাংস আনিছিল যদিও ৰাইজে তাক মাৰ-ধৰ কৰি খেদি পঠিয়াইছো৷"

উক্ত দিনৰ ঘটনাৰ পাছতে মঙলবাৰে সন্ধিয়া মোৱামাৰী গাঁও পঞ্চায়তৰ ১ নং খণ্ডৰ সদস্যা অংকিতা শৰ্মা নেওগৰ উদ্যোগত কছাৰী বস্তিত এখন সজাগতা সভা অনুষ্ঠিত হয় ।

ৰাইজৰ মুখত তপন বড়োৰ সৈতে সংঘটিত ঘটনা সম্পৰ্কে শুনা বুলি উল্লেখ কৰি ৱাৰ্ড মেম্বাৰ অংকিতা শৰ্মা নেওগে কয়, "এইজন মানুহৰ ক্ষেত্ৰত বহুত বেয়া কাম হৈছে । আমিও কাকো অখাদ্য খুৱাবলৈ চেষ্টা কৰা নাই, কোনেও আমাক বেয়া খাদ্য খুৱাবলৈ চেষ্টা কৰিব নালাগে, যিটো ধৰ্ম বিৰোধী খাদ্য। তেওঁলোকে আমাক হিংসা কৰি এইবোৰ কাম কৰি আছে ।"

লগতে পঢ়ক : সুমিত কুমাৰ নাম লৈ ভয়ংকৰ কাণ্ড কৰিলে হাছমতে?