ব্ৰাজিল, উৰুগুৱে, পানামাৰ বিৰুদ্ধে খেলিবলগীয়া মেচৰ বাবে ভাৰতীয় ফুটবল দলৰ নাম ঘোষণা

হায়দৰাবাদ : ক্ৰিকেটৰ উন্মাদনাৰ সমান্তৰালকৈ ফুটবলৰো প্ৰতিও ভাৰতত নতুন ঢৌৰ সৃষ্টি হৈছে ৷ শীঘ্ৰে ভাৰত ভ্ৰমণলৈ আহিব আগশাৰী আন্তঃৰাষ্ট্ৰীয় তিনিটাকৈ ফুটবল দল, যি ভাৰতৰ বিৰুদ্ধে মেচত অংশগ্ৰহণ কৰিব ৷

২৬ ছেপ্টেম্বৰৰ পৰা ভাৰতত আৰম্ভ হ'বলগীয়া ত্ৰিদেশীয় আন্তঃৰাষ্ট্ৰীয় মেচত অংশগ্ৰহণৰ বাবে ভাৰত ভ্ৰমণলৈ আহিব ব্ৰাজিল, উৰুগুৱে আৰু পানামা দল ৷

সেয়ে বন্ধুত্বমূলক ত্ৰিদেশীয় আন্তঃৰাষ্ট্ৰীয় ফুটবল টুৰ্নামেন্টৰ বাবে ২৬ জনীয়া ভাৰতীয় ফুটবল দলৰ নাম ঘোষণা কৰিছে ৷ সোমবাৰে ২৬ জনীয়া ভাৰতীয় ফুটবল দলৰ নাম ঘোষণা কৰে ভাৰতীয় ফুটবল দলৰ মুখ্য প্ৰশিক্ষক খালিদ জামিলে ৷

উল্লখ্য যে, ২৬ ছেপ্টেম্বৰত বেংগালুৰুৰ কান্তেবীৰা ষ্টেডিয়ামত ভাৰতীয় দল অৱতীৰ্ণ হ'ব পানামৰ বিৰুদ্ধে ৷ ইয়াৰ পাছত ৩ অক্টোবৰত কলকাতাৰ চ'ল্ট লেক ষ্টেডিয়ামত পাঁচ বাৰ ফিফা বিশ্বকাপ বিজয়ী দল ব্ৰাজিলৰ সৈতে মুখামুখি হ'ব ভাৰতীয় দলটো ৷ ঠিক একে দৰে ৬ অক্টোবৰত দুবাৰৰ ফিফা বিশ্বকাপ বিজয়ী দল উৰুগুৱেৰ মুখামুখি হ'ব ভাৰতীয় দলে ৷

ভাৰতীয় ফুটবল দলৰ মুখ্য প্ৰশিক্ষক জামিলে কয়,"ভাৰতৰ বাবে এয়া সুবৰ্ণ সুযোগ ৷ যিহেতু ফিফা বিশ্বকাপত স্থান থকা তিনিটা দলৰ সৈতে আন্তঃৰাষ্ট্ৰীয় মেচ খেলিব ভাৰতীয় দলে ৷ ইয়াৰ ফলত আগন্তুক ফিফা বিশ্বৰ বাবে যি যাত্ৰা সেয়া তৈয়াৰ হ'ব ৷ আমি প্ৰতিখন মেচ জিকাৰ বাবে খেলিম ৷"

লগতে পঢ়ক:যেন অভিলেখৰ আন এক নাম বৈভৱ সূৰ্যবংশী; ১৫ বছৰতে আন এক মাইলৰ খুঁটি স্থাপন