কেৰালাম-পুডুচেৰীত ভোটগ্ৰহণ; সন্ধিয়া ৭ বজালৈ কেৰালামত ৭৭.৫৫ শতাংশ আৰু পুডুচেৰীত ৮৯.২৫% শতাংশ ভোটদান

সন্ধিয়া ৭ বজালৈ কেৰালামত ৭৭.৫৫ শতাংশ আৰু পুডুচেৰীত ৮৯.২৫% শতাংশ ভোটদান ৷ নিৰ্বাচন আয়োগে প্ৰকাশ কৰিলে এই তথ্য ৷

বিয়লি ৫ বজালৈ কেৰালামত ৭৫.০১ শতাংশ আৰু পুডুচেৰীত ৮৬.৯২% শতাংশ ভোটদান ৷ নিৰ্বাচন আয়োগে প্ৰকাশ কৰিলে এই তথ্য ৷

৩ বজালৈ কেৰালামত ৬২.৭১ শতাংশ আৰু পুডুচেৰীত ৭২.৪০ শতাংশ ভোটদান সম্পন্ন ৷ নিৰ্বাচন আয়োগৰ তথ্য অনুসৰি আলাপ্পুঝা সমষ্টিত বিয়লি ৩ বজা পৰ্যন্ত ৬৫.৬৫ শতাংশ ভোটদান হৈছে । ইফালে কেৰালামৰ মুখ্যমন্ত্ৰী পিনাৰায় বিজয়নে পুনৰ নিৰ্বাচনত অৱতীৰ্ণ হোৱা ধৰ্মদম সমষ্টিত ভোটাৰৰ হাৰ ৬৩.৬০ শতাংশ । বিৰোধী নেতা ভি ডি সতীছানে প্ৰতিদ্বন্দ্বিতা কৰা পাৰাভুৰ সমষ্টিত ৬৬.৪৮ শতাংশ ভোটাৰে ভোটদান কৰে । কংগ্ৰেছ নেতা ৰমেশ চেন্নীথালাই প্ৰতিদ্বন্দ্বিতা কৰা হৰিপাদ সমষ্টিত ৬০.৯৩ শতাংশ ভোটদান হয় ।

১ বজালৈ কেৰালামত ৪৯.৭০ শতাংশ আৰু পুডুচেৰীত ৫৬.৮৩ শতাংশ ভোটদান সম্পন্ন ৷ নিৰ্বাচনী আয়োগে প্ৰকাশ কৰে এই তথ্য ৷

ভাৰতীয় নিৰ্বাচন আয়োগে আয়োজন কৰা আন্তঃৰাষ্ট্ৰীয় নিৰ্বাচনী দৰ্শনাৰ্থী কাৰ্যসূচী ২০২৬ৰ অংশ হিচাপে বৰ্তমান একাধিক দেশৰ নিৰ্বাচনী বিষয়া আৰু কূটনীতিবিদক লৈ বিদেশী প্ৰতিনিধি দল কেৰালামত প্ৰত্যক্ষভাৱে নিৰ্বাচনী প্ৰক্ৰিয়াৰ সাক্ষী হৈ আছে ।

এই কাৰ্যসূচীৰ প্ৰথম পৰ্যায়ত নতুন দিল্লীত থকা পাঁচটা বিদেশী মিছনৰ প্ৰতিনিধিকে ধৰি ২৩খন দেশৰ ৪৩জন প্ৰতিনিধিক একত্ৰিত কৰা হৈছে । কেৰালামত কমেও ৯খন দেশৰ প্ৰতিনিধিয়ে তিৰুৱনন্তপুৰম আৰু এৰ্নাকুলামৰ গুৰুত্বপূৰ্ণ স্থানসমূহ পৰিদৰ্শন কৰি নিৰ্বাচন পৰিচালনা ব্যৱস্থাৰ বিষয়ে বুজ লৈছে ।

এই ভ্ৰমণকাৰী প্ৰতিনিধি দলটোত ছিয়েৰা লিয়ন, চামোয়া, ছিচেলছ, আলবেনিয়া, নামিবিয়া, ইষ্ট’নিয়া, জৰ্জিয়া, ফিজি আৰু কেনিয়াৰ দৰে দেশৰ প্ৰতিনিধি আছে ।

দিনৰ ১১ বজালৈ কেৰালামত ৩৩.২৮ শতাংশ আৰু পুডুচেৰীত ৩৭.০৬ শতাংশ ভোটদান ৷ নিৰ্বাচন আয়োগে প্ৰকাশ কৰিছে এই তথ্য ৷

নিৰ্বাচন আয়োগে পুৱা ৯ বজালৈকে আনুমানিক ভোটদানৰ হাৰ প্ৰকাশ কৰে । এই তথ্য অনুসৰি কেৰালামত ১৬.২৩ শতাংশ আৰু পুডুচেৰীত ১৭.৪১ শতাংশ ভোটদান সম্পন্ন ।