২১ দিনলৈ অভিভাৱকে সন্তানৰ ওপৰত চিঞৰ-বাখৰ নকৰিলে কেনে প্ৰভাৱ পৰিব ? ফলাফল দেখি হৈ পৰিব আচৰিত!

আমি সকলোৱে শৈশৱতে ভাবিছিলো যে যেতিয়া আমি নিজে পিতৃ-মাতৃ হ’ম তেতিয়া আমি কেতিয়াও নিজৰ সন্তানৰ সৈতে উচ্চস্বৰত বা চিঞৰি কথা নকও, কাৰণ আমি নিজেই নিবিচাৰিলো যে কোনো আমাক চিঞৰি কথা কওক ৷ কিন্তু আমি নিজেই অভিভাৱকত্ব আৰম্ভ কৰাৰ লগে লগে আমি সোনকালে এই কথা বুজি পালো যে আমি ভবাৰ দৰে কামবোৰ সহজ নহয় বাস্তৱ আমি ভবাতকৈ একেবাৰেই পৃথক ৷

এজন অভিভাৱকে যিমানেই পজিটিভ বা জেন্টেল অভিভাৱকত্ব অনুসৰণ নকৰক কিয় পৰিস্থিতি এনেকুৱা হৈ যায় যে, অভিভাৱকে নিজৰ সন্তানক মাজে মাজে কেতিয়াবা গালি-সপনি পৰা বা উচ্চ স্তৰত কথা কোৱা দেখা যায় ৷ আমি যিমানেই ভিডিঅ’ নাচাওঁ বা লেখা নপঢ়ো কিয় তৎস্বত্বেও এটা সময় আহে যেতিয়া আমাৰ ধৈৰ্যৰ সকলো সীমা হেৰাই পেলাও আৰু সন্তানক টানকৈ ক’বলৈ আৰম্ভ কৰো ৷ এতিয়া প্ৰশ্ন হয়, অভিভাৱকে কিয় সন্তানক উদ্দেশ্যি চিঞৰ কথা কয় ? কিয় অভিভাৱকে ভাবে যে চিঞৰি কথা নকলে শিশুৱে কথা নুশুনে ? ইয়াৰ আঁৰত বহু কাৰণ আছে, যিটো বুজাটো খুবেই জৰুৰী ৷

২১ দিনলৈ অভিভাৱকে সন্তানৰ ওপৰত চিঞৰ-বাখৰ নকৰিলে কেনে প্ৰভাৱ পৰিব ? (GETTY IMAGES)

আমাৰ শৈশৱে আজিও আমাক চলাই আছে

আমাৰ শৈশৱে আজিও আমাক চলাই আছে (GETTY IMAGES)

জীৱনৰ প্ৰথম সাত বছৰত আমি বাস কৰা পৰিৱেশৰ ওপৰত ভিত্তি কৰি আমাৰ মগজু "প্ৰগ্ৰেমিং" হৈ পৰে ৷ এই প্ৰগ্ৰেমিঙে আমাৰ ৯৫ শতাংশ সিদ্ধান্তক চিন্তা নকৰাকৈয়ে পৰিচালিত কৰে ৷ গতিকে, যদি আমাক সৰুতে আমাক মা-দেউতাই বহুত চিঞৰিছিল, তেন্তে আমাৰ মগজুৱে ধৰি লয় যে এইটোৱেই পৰিস্থিতি চম্ভালিব পৰাৰ সঠিক উপায় আৰু আমি মানসিক চাপৰ সময়ত সেই আৰ্হিটো পুনৰাবৃত্তি কৰাৰ প্ৰৱণতা ৰাখোঁ ৷ মানসিক চাপ বাঢ়িলে মগজুৰ যি অংশই আমাক চিন্তা আৰু বুজাত সহায় কৰে, সেই অংশ পিছুৱাই যায় ৷ শান্তভাৱে প্ৰতিক্ৰিয়া প্ৰকাশ কৰাৰ পৰিৱৰ্তে আমি ভয়, উত্তেজনা আৰু খৰখেদাকৈ আমাৰ প্ৰতিক্ৰিয়া প্ৰকাশ কৰোঁ ৷

সন্তানৰ ওপৰত চিঞৰ-বাখৰ কৰাৰ প্ৰভাৱ

সন্তানৰ ওপৰত চিঞৰ-বাখৰ কৰাৰ প্ৰভাৱ (GETTY IMAGES)

গৱেষণাৰ পৰা দেখা গৈছে যে, চিঞৰ-বাখৰ কৰিলে শিশুৰ ওপৰত বিভিন্ন ধৰণৰ প্ৰভাৱ পৰে, য’ত আছে:

• শিশুৰ আচৰণ লাহে লাহে বেয়া হ’বলৈ আৰম্ভ কৰে
• আক্ৰমণাত্মক মানসিকতা বৃদ্ধি কৰে
• শিশুৰ শিক্ষণ আৰু আত্ম-যত্ন হ্ৰাস কৰে
• পিতৃ-মাতৃ-শিশুৰ মাজৰ বান্ধোন দুৰ্বল কৰে
• মানসিক স্বাস্থ্যৰ ওপৰত প্ৰভাৱ পেলায়
• আৰু যদি চিঞৰ-বাখৰত অপমান বা কঠোৰ ভাষা জড়িত হৈ থাকে তেন্তে গভীৰভাৱে সন্তানৰ ক্ষতি হয় ৷

২১ দিন সন্তানক উদ্দেশ্যি চিঞৰ-বাখৰ নকৰিলে কি হ’ব ?

যদি প্ৰত্যেকগৰাকী অভিভাৱকে নিজৰ জীৱনত এই ২১ দিনীয়া সূত্ৰটো প্ৰয়োগ কৰে তেন্তে সন্তানৰ পঢ়া-শুনা, লিখা, আৰু বহুতো কামৰ বাবে; ইয়াক যথেষ্ট ফলপ্ৰসূ বুলি গণ্য কৰা হয় ৷ কিন্তু অভিভাৱকে নিজৰ সন্তানৰ ওপৰত যদি ইয়াক প্ৰয়োগ কৰে তেন্তে তেওঁলোকৰ জীৱনত ইয়াৰ বিশেষ প্ৰভাৱ পৰিব পাৰে ৷ এই সন্দৰ্ভত shikainnamacchhanএ ছ’চিয়েল মিডিয়াত এটা ভিডিঅ’ শ্বেয়াৰ কৰি ২১ দিন ধৰি আপোনাৰ সন্তানক উচ্চ স্বৰত কথা নকলে কেনেধৰণৰ প্ৰভাৱ পৰে সেই বিষয়ে ব্যাখ্যা কৰে ৷ তেওঁৰ মতে ইয়াৰ দ্বাৰা-

২১ দিন সন্তানক উদ্দেশ্যি চিঞৰ-বাখৰ নকৰিলে কি হ’ব ? (GETTY IMAGES)

• ৭ম দিনত চিন্তাশীল মগজু পুনৰ সক্ৰিয় হৈ উঠে ৷
• ১৪ দিনলৈকে শিশুটিৰ Trust Circuit শক্তিশালী হ’বলৈ আৰম্ভ কৰে ৷
• ২১ দিনলৈ শিশুটিৰ আচৰণ সলনি হ’বলৈ আৰম্ভ কৰে ৷
• ইয়াৰ আটাইতকৈ বিশেষ কথাটো হ’ল যে ভয়ৰ বাবে নহয়, শক্তিশালী সংযোগৰ জৰিয়তেহে এয়া সম্ভপৰ হৈ উঠে ৷

লগতে পঢ়ক