উভতি চাও ২০২৫: এইসমূহ গুৰুতৰ ৰোগে প্ৰাণ কাঢ়িলে ধৰ্মেন্দ্ৰ, সঞ্জয় কাপুৰকে ধৰি বহু উজ্জ্বল তাৰকাৰ

মাত্ৰ কেইদিনমানৰ পিচতে আমি বিদায় দিম ২০২৫ বৰ্ষক আৰু ২০২৬ বৰ্ষক আদৰণি জনাম ৷ কিন্তু ক’বলৈ গ’লে এই বৰ্ষত আমি বহুকেইগৰাকী মহান ব্যক্তিক হেৰুৱালো যিয়ে বিভিন্ন ক্ষেত্ৰত নিজৰ অৱদান আগবঢ়াই থৈ গৈছে ৷ ভাৰতীয় মনোৰঞ্জন, সংগীত, ৰাজনৈতিক, সাংস্কৃতিক জগতৰ বাবে এই বছৰটো খুবেই কঠিন আছিল ৷ ২০২৫ বৰ্ষত আমি নিজ নিজ ক্ষেত্ৰত চাপ বহুৱাই যোৱা বিশ্বৰ বহুকেইগৰাকী বিশিষ্ট ব্যক্তিৰ বিদায় দেখিবলৈ পাইছিলোঁ ৷ শিল্প, সংস্কৃতি, আৰু সমাজলৈ তেওঁলোকৰ অৱদান আগন্তুক সময়তো মনত ৰখা হ'ব...

এইবাৰ (২০২৫) প্ৰখ্যাত অভিনেতা ধৰ্মেন্দ্ৰ আৰু মুকুল দেৱকে ধৰি বহু চেলিব্ৰিটিয়ে ইহলীলা সম্বৰণ কৰে ৷ এই খবৰে এই মহান ব্যক্তিত্বৰ বিষয়ে কিছু তথ্য প্ৰদান কৰে, য'ত তেওঁলোকৰ মৃত্যুৰ কাৰণ হোৱা ৰোগসমূহো অন্তৰ্ভুক্ত...

• প্ৰখ্যাত অভিনেতা ধৰ্মেন্দ্ৰ (১৯৩৫-২০২৫)

প্ৰখ্যাত অভিনেতা তথা প্ৰযোজক ধৰ্মেন্দ্ৰই ২০২৫ চনৰ ২৪ নৱেম্বৰত, মুম্বাইৰ নিজৰ জুহু বাংলোত, ৮৯ বছৰ বয়সত, শ্বাস-প্ৰশ্বাসজনিত জটিলতাৰ ফলত শেষ নিশ্বাস ত্যাগ কৰে ৷ চিকিৎসকে জনোৱা মতে, কেইবা সপ্তাহ ধৰি তেওঁ শ্বাস-প্ৰশ্বাসজনিত তীব্ৰ সমস্যাত ভুগি আছিল ৷ বয়স বৃদ্ধিৰ লগে লগে শ্বাস-প্ৰশ্বাসজনিত সমস্যা সাধাৰণ বুলিও তেওঁলোকে উল্লেখ কৰে ৷

• মুকুল দেৱ (১৯৭০-২০২৫)

টেলিভিছন আৰু চলচ্চিত্ৰ অভিনেতা মুকুল দেৱৰ ২০২৫ চনৰ ২৩ মে’ত নতুন দিল্লীত ৫৪ বছৰ বয়সত হঠাৎ মৃত্যু হয় ৷ দিল্লীৰ এখন চিকিৎসালয়ত ভৰ্তি হৈ থকা অৱস্থাত কিছুদিন ধৰি অসুস্থ হৈ আছিল তেওঁ ৷

• জাৰিন খান (১৯৪৪-২০২৫)

অভিনেতা-পৰিচালক সঞ্জয় খানৰ পত্নী তথা প্ৰাক্তন মডেল অভিনেত্ৰী জাৰিন খানৰ ২০২৫ চনৰ ৭ নৱেম্বৰত মুম্বাইস্থিত নিজ বাসগৃহত হৃদযন্ত্ৰৰ ক্ৰিয়া বন্ধ হৈ মৃত্যু হয় ৷ জানিব পৰা মতে দীৰ্ঘদিন ধৰি তেওঁ বয়স বৃদ্ধিৰ ফলত হোৱা ৰোগৰ সৈতে যুঁজি আছিল আৰু অৱশেষত তেওঁ হাৰ্ট এটেকত শেষ নিশ্বাস ত্যাগ কৰে ৷

• সঞ্জয় কাপুৰ (১৯৭১-২০২৫)

উদ্যোগপতি তথা কৰিশ্মা কাপুৰৰ প্ৰাক্তন স্বামী সঞ্জয় কাপুৰৰ ৫৩ বছৰ বয়সত লণ্ডনত গ’ল্ফ খেলি থকা অৱস্থাত হাৰ্ট এটেকত আকস্মিকভাৱে মৃত্যু হয় ৷ ২০২৫ চনৰ ১২ জুনত লণ্ডনত তেওঁৰ মৃত্যু হয় ৷ খবৰ অনুসৰি মৌমাখি মুখত প্ৰৱেশ কৰাৰ ফলত তেওঁৰ এলাৰ্জী হয় যাক কৌনিছ চিণ্ড্ৰম বুলিও কোৱা হয় ইয়াৰ ফলত সঞ্জয় কাপুৰৰ হাৰ্ট এটেক হোৱা বুলি কোৱা হৈছে ৷

• শ্বেফালী জাৰিৱালা (১৯৮২-২০২৫)

কাঁটা লাগা গীতৰ দ্বাৰা পৰিচিত অভিনেত্ৰী তথা মডেল শ্বেফালী জাৰিৱালাৰ ৪২ বছৰ বয়সত ২০২৫ চনৰ ২৭ জুনত মুম্বাইত হৃদযন্ত্ৰৰ ক্ৰিয়া বন্ধ হৈ শেষ নিশ্বাস ত্যাগ কৰে ৷

• সতীশ শ্বাহ (১৯৫২-২০২৫)

বিখ্যাত অভিনেতা সতীশ শ্বাহ ২০২৫ চনৰ ২৫ অক্টোবৰত মুম্বাইত ৭৪ বছৰ বয়সত বৃক্ক বিকল হোৱাৰ ফলত মৃত্যুবৰণ কৰে ৷

• ধীৰাজ কুমাৰ (১৯৪৪-২০২৫)

বিখ্যাত অভিনেতা তথা টেলিভিছন প্ৰযোজক ধীৰাজ কুমাৰৰ ২০২৫ চনৰ ১৫ জুলাইত মুম্বাইৰ কোকিলাবেন ধীৰুভাই আম্বানী হাস্পতালত নিউমোনিয়াৰ সৈতে যুঁজি অৱশেষত মৃত্যু হয় ৷

• আছৰাণী (১৯৪১-২০২৫)

হাওঁফাওঁত পানী জমা হোৱাৰ ফলত ৮৪ বছৰ বয়সত মৃত্যু হয় জনপ্ৰিয় অভিনেতা আছৰাণীৰ ৷ ২০২৫ চনৰ ২০ অক্টোবৰত তেওঁ শেষ নিশ্বাস ত্যাগ কৰে ৷ চিকিৎসকে জানিবলৈ দিয়া মতে, তেওঁৰ হাওঁফাওঁত পানী জমা হোৱা এই প্ৰক্ৰিয়াক তৰল পদাৰ্থ জমা হোৱা (Pulmonary edema) বুলিও কোৱা হয় ৷ হাওঁফাওঁত তৰল পদাৰ্থ জমা হোৱাৰ ফলত উশাহ-নিশাহ লোৱাত অসুবিধা আৰু অক্সিজেনৰ অভাৱ হ’ব পাৰে ৷ ইয়াৰ প্ৰধান কাৰণ হৃদৰোগ, নিউমোনিয়া, যক্ষ্মা, আৰু বৃক্ক বা যকৃতৰ সমস্যা হ’ব পাৰে ৷

• অচ্যুত পোড্ডাৰ (১৯৩৪-২০২৫)

মাৰাঠী আৰু হিন্দী ছবিৰ সুপৰিচিত অভিনেতা অচ্যুত পোড্ডাৰৰ বয়সৰ সৈতে জড়িত সমস্যাৰ বাবে ২০২৫ চনৰ ১৮ আগষ্টত মুম্বাইত ৯০ বছৰ বয়সত মৃত্যু হয় ৷

• কামিনী কৌশল (১৯২৭ - ২০২৫)

বিখ্যাত অভিনেত্ৰী কামিনী কৌশলে ২০২৫ চনৰ ১৪ নৱেম্বৰত ৯৮ বছৰ বয়সত বয়সৰ লগত জড়িত সমস্যাৰ বাবে মুম্বাইৰ নিজ বাসগৃহত মৃত্যুবৰণ কৰে ৷

• মনোজ কুমাৰ (১৯৩৭-২০২৫)

বিখ্যাত অভিনেতা-পৰিচালক মনোজ কুমাৰ,যি ‘ভাৰত কুমাৰ’ নামেৰেও পৰিচিত মনোজ কুমাৰৰ হৃদযন্ত্ৰৰ জটিলতা (কাৰ্ডিঅ’জেনিক শ্বক)ৰ বাবে ২০২৫ চনৰ ৪ এপ্ৰিলত মুম্বাইৰ কোকিলাবেন ধীৰুবাই আম্বানী হাস্পতালত ৮৭ বছৰ বয়সত মৃত্যু হয় ৷

• দেৱ মুখাৰ্জী (১৯৪১-২০২৫)

বিখ্যাত অভিনেতা, প্ৰযোজক আৰু পৰিচালক দেৱ মুখাৰ্জীৰ বয়সৰ সৈতে জড়িত ৰোগৰ বাবে ২০২৫ চনৰ ১৪ মাৰ্চত মুম্বাইত ৮৩ বছৰ বয়সত মৃত্যু হয় ৷

• প্ৰিয়া মাৰাথে (১৯৮৭-২০২৫)

মাৰাঠী আৰু হিন্দী চলচ্চিত্ৰ আৰু টেলিভিছনৰ প্ৰখ্যাত অভিনেত্ৰী প্ৰিয়া মাৰাথেৰ ২০২৫ চনৰ ৩১ আগষ্টত মুম্বাইত ৩৮ বছৰ বয়সত কৰ্কট ৰোগত আক্ৰান্ত হৈ শেষ নিশ্বাস ত্যাগ কৰে ৷

• সুলক্ষনা পণ্ডিত (১৯৫৪-২০২৫)

২০২৫ চনৰ ৬ নৱেম্বৰত মুম্বাইৰ নানাৱতী হাস্পতালত হৃদযন্ত্ৰ বন্ধ হৈ ৭১ বছৰ বয়সত বিখ্যাত অভিনেত্ৰী তথা প্লেবেক গায়িকা সুলক্ষনা পণ্ডিতৰ মৃত্যু হয় ৷

• পংকজ ধীৰ (১৯৫৬-২০২৫)

হিন্দী চলচ্চিত্ৰ আৰু টেলিভিছন অভিনেতা পংকজ ধীৰ, বি.আৰ. চোপ্ৰাৰ টেলিভিছন ধাৰাবাহিক মহাভাৰত, ২০২৫ চনৰ ১৫ অক্টোবৰত, ৬৮ বছৰ বয়সত, কৰ্কট ৰোগৰ সৈতে দীৰ্ঘদিনীয়া যুদ্ধৰ অন্তত অৱশেষত শেষ নিশ্বাস ত্যাগ কৰে ৷

• কণ্ঠশিল্পী হুমান সাগৰ (১৯৯০-২০২৫)

ওড়িশাৰ জনপ্ৰিয় কণ্ঠশিল্পী হুমান সাগৰৰ ১৭ নৱেম্বৰৰ দিনা সোমবাৰে সন্ধিয়া মাত্ৰ ৩৪ বছৰ বয়সত মৃত্যু হয় ৷ জানিব পৰা মতে, মৃত্যুৰ কাৰণ মাল্টি অৰ্গেন ডিছফংচন চিনড্ৰম (MODS) বুলি জানিব পৰা গৈছে ৷ চিকিৎসকে জনোৱা মতে, ১৪ অক্টোবৰৰ বিয়লি তেওঁক সংকটজনক অৱস্থাত চিকিৎসালয়লৈ অনা হয় ৷ অৱস্থা বেয়া হোৱাৰ লগে লগে তেওঁক মেডিকেল আই চি ইউত ৰখা হৈছিল যদিও তেওঁৰ অৱস্থাৰ অৱনতি ঘটিছিল আৰু তেওঁৰ বহু অংগ বিকল হৈ পৰিছিল ৷

• ঋষভ টণ্ডন (১৯৯৫-২০২৫)

২০২৫ চনৰ ২২ অক্টোবৰত দিল্লীত হাৰ্ট এটেকত আক্ৰান্ত হৈ ৩২ বছৰ বয়সত মৃত্যু হোৱা এজন গায়ক, সংগীতজ্ঞ, অভিনেতা ঋষভ টণ্ডন ৷

• পীয়ুষ পাণ্ডে (১৯৫৫-২০২৫)

নিউমোনিয়া আৰু সংক্ৰমণত আক্ৰান্ত হৈ প্ৰখ্যাত বিজ্ঞাপন গুৰু পীয়ুষ পাণ্ডেৰ মৃত্যু হয় ৷ গুৰুতৰ সংক্ৰমণত আক্ৰান্ত হোৱাৰ ফলত তেওঁৰ অৱস্থা আৰু অধিক গুৰুতৰ হৈ পৰে আৰু অৱশেষত ২০২৫ চনৰ ২৪ অক্টোবৰত ৭০ বছৰ বয়সত তেওঁ ইহলীলা সম্বৰণ কৰে ৷

লগতে পঢ়ক