সাধাৰণ ঘৰৰ ল’ৰাৰ পৰা গ্ল'বেল ষ্টাৰলৈকে, দিলজিৎ দোছাঞ্জৰ এই যাত্ৰা সঁচাই অনুপ্ৰেৰণাদায়ক

হায়দৰাবাদ: গ্ল’বেল আইকন দিলজিৎ দোছাঞ্জে আজি ৪২ সংখ্যক জন্মদিন উদযাপন কৰিছে ৷ অনুৰাগীয়ে বহুত মৰমলগা শুভেচ্ছাৰে শিল্পীগৰাকীৰ দিনটো বিশেষ কৰি তুলিছে ৷ বৰ্তমান সময়ত দিলজিৎ দোছাঞ্জে নিজকে এগৰাকী শীৰ্ষস্থানীয় সংগীতশিল্পী হিচাপে প্ৰতিষ্ঠা কৰিবলৈ সক্ষম হৈছে ৷

পঞ্জাৱৰ গৌৰৱ দোছাঞ্জে পৰম্পৰাগত লোকসংগীতক পপ আৰু হিপ-হপৰ সৈতে সংযোগ কৰি বিশ্ব দৰবাৰত সংগীতক এক অনন্য মাত্ৰাৰে উপস্থাপন কৰিছে ৷ দোছাঞ্জৰ সংগীত ধুমুহাৰ দৰে বিয়পি পৰিছে । তেওঁৰ আচৰিত মঞ্চ উপস্থিতিয়ে সদায় দৰ্শকক মুহি আহিছে । এক কথাত ক’বলৈ গ’লে বৰ্তমান দিলজিৎ দোছাঞ্জে সংগীত জগতত শাসন চলাই আছে বুলিয়ে ক’ব পাৰি ।

তলৰ তালিকাত দিলজিৎ দোছাঞ্জৰ কেইটামান হিট গান উল্লেখ কৰা হ’ল-

বৰ্ণ টু শ্বাইন (২০২০)

'বৰ্ণ টু শ্বাইন'- পাঞ্জাবী গায়ক দিলজিৎ দোছাঞ্জৰ এই গীতটোৱে তেওঁক পঞ্জাৱৰ পৰা আন্তঃৰাষ্ট্ৰীয় খ্যাতি অৰ্জন কৰাত সহায় কৰিছিল । এই গীতটি G.O.A.T এলবামৰ অন্যতম এটা জনপ্ৰিয় গীত । বৰ্তমানলৈকে গীতটোৱে ৪৮৫ মিলিয়ন ভিউজ লাভ কৰিছে ।

দু ইউ ন’ (২০১৬)

এই গ্ল’বেল হিট গীতটোত দিলজিৎ দোছাঞ্জে তেওঁৰ প্ৰেমিকাক তেওঁৰ অনুভৱ বুজি পাইছে নেকি বুলি সুধিছে । লছ এঞ্জেলছত শ্বুট কৰা এই মিউজিক ভিডিঅ’টোৱে এতিয়ালৈকে ২৯.৬ কোটি ভিউজ লাভ কৰিছে ।

লেম্বৰ্গিনী (২০১৬)

দিলজিৎ দোছাঞ্জে এই গীতটোত আধুনিক জীৱনশৈলীত এক পৰম্পৰাগত স্পৰ্শ যোগ কৰিছে । এই গীতটোৰ সুৰবোৰ যথেষ্ট আকৰ্ষণীয় আৰু গাবলৈ সহজ ৷ তেওঁ গীতটোত নিজৰ ষ্টাইলিছ গাড়ী আৰু ৰোমাঞ্চৰ বিষয়ে কয় । এই গীতটিয়ে এতিয়ালৈকে ৪১৬ নিযুত ভিউজ লাভ কৰিছে ।

লাভাৰ (২০২১)

দিলজিৎ দোছাঞ্জে এই গীতটোৰে পাঞ্জাবী সংগীত জগতলৈ এক সতেজ ঢৌ কঢ়িয়াই আনিছে, এই গীতটোৰ ছন্দ এনেকুৱা যে ই আপোনাক লগে লগে নাচিবলৈ বাধ্য কৰে । এই গীতটোৱে এতিয়ালৈকে ১৯ কোটি ১০ লাখ ভিউজ লাভ কৰিছে ।

৫ তাৰা (২০১৫)

তেওঁৰ ‘৫ তাৰা’ গীতটোৱে ভগ্ন হৃদয়ৰ মানুহৰ অনুভৱ বৰ্ণনা কৰিছে । ইয়াৰ আকৰ্ষণীয় হুক আৰু গধুৰ ঢোলৰ বিটৰ সৈতে এই ট্ৰেকটো মূলতঃ পাঞ্জাবী বিয়া আৰু পাৰ্টীত বজোৱা হয় ।

লগতে পঢ়ক : দীপিকাৰ হাতৰ আখৰক উপহাস কৰিছিল বিগ বিয়ে, প্ৰিয়ংকা হৈ পৰিছিল অভিনেত্ৰীগৰাকীৰ অনুৰাগী