ইনষ্টাগ্ৰামত ১০০ মিলিয়ন ফ’ল’ৱাৰ অতিক্ৰম কৰা বিশ্বৰ প্ৰথম নেতা হিচাপে পৰিগণিত প্ৰধানমন্ত্ৰী মোদী

নতুন দিল্লী : সৰ্বত্ৰে চৰ্চিত ভাৰতৰ প্ৰধানমন্ত্ৰী নৰেন্দ্ৰ মোদী ৷ দেশৰ লগতে বিভিন্ন ৰাষ্ট্ৰৰ প্ৰতিনিধিয়েও তেওঁক বহু সন্মান কৰে ৷ বৰ্তমান সময়ত মোদীৰ সুনাম বহু দূৰলৈকে চৰ্চিত হৈ আছে ৷

শেহতীয়াকৈ দেখা গৈছে যে প্ৰধানমন্ত্ৰী নৰেন্দ্ৰ মোদীৰ ফ’ল’ৱাৰ ১০০ বিলিয়ন অৰ্থাৎ ১০ কোটিৰ ঘৰ স্পৰ্শ কৰিছে ৷ বৃহস্পতিবাৰে প্ৰধানমন্ত্ৰী নৰেন্দ্ৰ মোদীৰ ইনষ্টাগ্ৰামত ১০ কোটি ফ’ল’ৱাৰৰ ঐতিহাসিক মাইলৰ খুঁটি অতিক্ৰম কৰি ছ’চিয়েল মিডিয়া প্লেটফৰ্মত এই কৃতিত্ব অৰ্জন কৰা প্ৰথমজন বিশ্ব নেতা আৰু ৰাজনীতিবিদ হিচাপে পৰিগণিত হৈছে ।

২০১৪ চনত ইনষ্টাগ্ৰামত যোগদান কৰা প্ৰধানমন্ত্ৰী মোদীয়ে বিগত দশকত নিজৰ একাউণ্টটোক বিশ্বৰ নেতাসকলৰ মাজত আটাইতকৈ সক্ৰিয় আৰু বহুলভাৱে অনুসৰণ কৰা ডিজিটেল প্লেটফৰ্মলৈ ৰূপান্তৰিত কৰিছে । ডিজিটেল প্লেটফৰ্মত তেওঁৰ উপস্থিতি ক্ৰমাগতভাৱে সম্প্ৰসাৰিত হৈছে, যিয়ে ভাৰত আৰু বিদেশ উভয়ৰে দৰ্শকৰ সৈতে সংযোগ স্থাপন কৰা এক স্থায়ী কৌশল হিচাবে প্ৰতিফলিত কৰিছে ৷ এই কথা প্ৰধানমন্ত্ৰীৰ কাৰ্যালয়ে (PMO) জনায় ।

প্ৰধানমন্ত্ৰী নৰেন্দ্ৰ মোদীৰ followers কিমান জানেনে ? (ANI)

আন্তঃৰাষ্ট্ৰীয় প্ৰধান নেতাসকলৰ ভিতৰত প্ৰধানমন্ত্ৰী মোদীৰ ইনষ্টাগ্ৰামত বৰ্তমান সৰ্বাধিক ফ’ল’ৱাৰ আছে । তাৎপৰ্যপূৰ্ণভাৱে এই প্লেটফৰ্মত তেওঁৰ অনুগামীৰ সংখ্যা আমেৰিকাৰ ৰাষ্ট্ৰপতি ড’নাল্ড ট্ৰাম্পৰ তুলনাত দুগুণতকৈও অধিক । দৰাচলতে পৰৱৰ্তী পাঁচগৰাকী প্ৰধান বিশ্ব নেতাৰ অনুগামীৰ মুঠ সংখ্যা প্ৰধানমন্ত্ৰী মোদীৰ একক ফ’ল’ৱাৰতকৈ কম ।

৪৩.২ মিলিয়ন ফ’ল’ৱাৰেৰে দ্বিতীয় স্থানত আছে আমেৰিকাৰ ৰাষ্ট্ৰপতি ড’নাল্ড ট্ৰাম্প, ইয়াৰ পিছতে আছে ইণ্ডোনেছিয়াৰ ৰাষ্ট্ৰপতি প্ৰব’ও ছুবিয়ানটো ১.৫ কোটি অনুগামী, ব্ৰাজিলৰ ৰাষ্ট্ৰপতি লুলা লুলা ১ কোটি ৪৪ লাখ অনুগামী, তুৰ্কীৰ ৰাষ্ট্ৰপতি ৰেচেপ টায়িপ এৰদোগানৰ ১ কোটি ১৬ লাখ অনুগামী আৰু আৰ্জেণ্টিনাৰ ৰাষ্ট্ৰপতি জেভিয়াৰ মিয়েলি ৬৪ লাখ অনুগামী ।

সৰ্বত্ৰে চৰ্চিত ভাৰতৰ প্ৰধানমন্ত্ৰী নৰেন্দ্ৰ মোদী (PMO)

প্ৰধানমন্ত্ৰী মোদীৰ ছ’চিয়েল মিডিয়া প্লেটফৰ্ম এক্সত ১০.৬২ মিলিয়ন ফ’ল’ৱাৰ থকাৰ বিপৰীতে ফেচবুকত তেওঁৰ ৫৪ মিলিয়ন ফ’ল’ৱাৰ আছে । এই পৰিসংখ্যাই সমগ্ৰ বিশ্বতে বিশেষকৈ বিশ্বৰ কনিষ্ঠ দৰ্শকৰ (younger audiences) মাজত প্ৰধানমন্ত্ৰী মোদীৰ বৃহৎ প্ৰসাৰ আৰু শক্তিশালী সংযোগ প্ৰতিফলিত কৰে ।

ভাৰতৰ ক্ষেত্ৰটো প্ৰধানমন্ত্ৰীয়ে ইনষ্টাগ্ৰামত শীৰ্ষ স্থানত আছে, আন নেতাতকৈ মাইল আগুৱাই, প্ৰায় ১ কোটি ৬১ লাখ অনুগামীৰে দ্বিতীয় স্থানত আছে উত্তৰ প্ৰদেশৰ মুখ্যমন্ত্ৰী যোগী আদিত্যনাথ, তাৰ পিছতে আছে কংগ্ৰেছৰ সাংসদ তথা লোকসভাৰ বিৰোধী দলপতি ৰাহুল গান্ধী ৷ ৰাহুল গান্ধীৰ প্ৰায় ১ কোটি ২০ লাখ অনুগামীৰ আছে ।