১০ দিন নৌহওতেই তৃতীয়বাৰলৈ বৃদ্ধি পেট্ৰ’ল-ডিজেলৰ মূল্য

নতুন দিল্লী : মধ্যপ্ৰাচ্যৰ সংকট আৰু তেল আৰু গেছৰ নাটনিৰ পিছত দেশত পুনৰ বৃদ্ধি পাইছে পেট্ৰ’ল-ডিজেলৰ মূল্য ৷ বিগত ১০ দিনত পেট্ৰ’ল-ডিজেলৰ মূল্য তৃতীয়বাৰৰ বাবে বৃদ্ধি পাইছে ৷ এইবাৰ প্ৰতি লিটাৰ পেট্ৰ’লত ৮৭ পইচা আৰু প্ৰতি লিটাৰ ডিজেলত ৯১ পইচা বৃদ্ধি কৰা হৈছে ৷ ইয়াৰ লগতে দিল্লীত পেট্ৰ’লৰ মূল্য ৯৮.৬৪ টকাৰ পৰা ৯৯.৫১ টকা আৰু ডিজেলৰ মূল্য ৯১.৫৮ টকাৰ পৰা ৯২.৪৯ টকালৈ বৃদ্ধি পাইছে ৷

মে’ মাহত কিমানবাৰ বৃদ্ধি পালে পেট্ৰ’ল-ডিজেলৰ নিৰিখ ?

মধ্যপ্ৰাচ্যৰ সংকট আৰু খাৰুৱা তেলৰ মূল্য বৃদ্ধিৰ মাজতে পেট্ৰ’ল কোম্পানীসমূহে চৰকাৰক মূল্য বৃদ্ধিৰ বাবে অহৰহ হেঁচা প্ৰয়োগ কৰি আহিছিল ৷ ইয়াৰ পিছতে ১৫ মে’ত চাৰি বছৰৰ মূৰত বৃদ্ধি পালে পেট্ৰ’ল-ডিজেলৰ মূল্য ৷ সেইবাৰ পেট্ৰ’লত প্ৰতি লিটাৰত ৩ টকা আৰু ডিজেলত প্ৰতি লিটাৰত ৩ টকা বৃদ্ধি কৰা হয় ৷

ইয়াৰ পিছত ১৯ মে’ত পেট্ৰ’ল আৰু ডিজেলৰ মূল্য ক্ৰমে ৮৭ পইচা আৰু ৯১ পইচা বৃদ্ধি কৰা হয় ৷ আজি পুনৰ বৃদ্ধি পাইছে ইন্ধনৰ মূল্য ৷ সামগ্ৰিকভাৱে যোৱা কেইদিনমানত পেট্ৰ’ল আৰু ডিজেলৰ মূল্য প্ৰতি লিটাৰত প্ৰায় ৫-৫ টকাকৈ বৃদ্ধি পাইছে ৷ তেলৰ মূল্য বৃদ্ধিয়ে পুনৰবাৰ মালবাহী আৰু অন্যান্য অত্যাৱশ্যকীয় সামগ্ৰীৰ ব্যয় বৃদ্ধি কৰিব ৷

দেশৰ চাৰিখন মহানগৰত কিমান হ’ল পেট্ৰ’ল-ডিজেলৰ মূল্য ?