দেশজুৰি নিৰুদ্দেশ হৈছে হাজাৰ হাজাৰ শিশু-কিশোৰ: ব্যতিক্ৰম মাথো মিজোৰাম

হায়দৰাবাদ: ৰাষ্ট্ৰীয় অপৰাধ পঞ্জীয়ন ব্যুৰ’ চমুকৈ এনচিআৰবিৰ প্ৰতিবেদনত প্ৰকাশ পাইছে ভয়াৱহ তথ্য ৷ হত্যা, ঘৰুৱা হিংসা, যৌন নিৰ্যাতন, ধৰ্ষণ তথা নাৰীজনিত অপৰাধৰ ঘটনাই দেশজুৰি চাঞ্চল্য সৃষ্টি কৰি থকা সবিশেষ প্ৰতিবেদন এনচিআৰবিত প্ৰকাশ হৈছে ৷ আপোনালোকে জানেনে ২০২৪ ৰ প্ৰতিবেদন অনুসৰি অসম তথা উত্তৰ-পূবত কিমান সংখ্যক শিশু-কিশোৰ অপহৰণৰ চিকাৰ বা নিৰুদ্দেশ হৈছে ?

শিশু তথা কিশোৰ নিৰুদ্দেশ হোৱাৰ ঘটনা এক চিন্তনীয় বিষয় ৷ সংবাদ মাধ্যমত প্ৰকাশ পোৱা কেতবোৰ ঘটনাৰ খবৰে আমাক দুঃচিন্তাৰ মাজলৈ ঠেলি দিয়ে ৷ কেতিয়াবা পাৰ্কত, কেতিয়াবা স্কুল-বজাৰ বা ফুৰিবলৈ যাওঁতে সন্তানৰ অপহৰণ বা নিৰুদ্দেশৰ ঘটনা সংঘটিত হয় ৷ ২০২৪ বৰ্ষটোত ভাৰতবৰ্ষত কিমান এনেকুৱা ঘটনা সংঘটিত হৈছে সেই সম্পৰ্কত আমাৰ এই প্ৰতিবেদন ৷

আপুনি জানি আচৰিত হ’ব, ২০২৪ চনত ভাৰতৰ পৰা মুঠ ১৪৭১৭৫ গৰাকী শিশু-কিশোৰ নিৰুদ্দেশ হৈছে ৷ নিৰুদ্দেশ হোৱা শিশুবোৰ সকলো ১৮ বছৰৰ তলৰ ৷ এনচিআৰবিৰ প্ৰতিবেদনত এই ভয়ংকৰ তথ্য পোহৰলৈ আহিছে ৷

1) শেহতীয়া তথ্য অনুসৰি সমগ্ৰ দেশতে বৰ্তমান কিমান শিশু (১৮ বছৰৰ তলৰ) নিৰুদ্দেশ হৈছে ?

2024 চনৰ এনচিআৰবিৰ প্ৰতিবেদন অনুসৰি, ভাৰতত মুঠ ১৪৭১৭৫ গৰাকী শিশু-কৈশোৰ নিৰুদ্দেশ হৈছে ৷ নিৰুদ্দেশ হোৱা শিশুসকল ১৮ বছৰৰ তলৰ ৷ ইয়াৰে ভিতৰত ল’ৰাৰ সংখ্যা ৩৫৮৯৫জন, ছোৱালী ১১১২৭১জনী আৰু তৃতীয় লিংগৰ শিশু ৯টা ৷

2) নিৰুদ্দেশ হোৱা সকলো ল'ৰা-ছোৱালীৰ ভিতৰত কিমান ল'ৰা আৰু কিমান ছোৱালী আছে ?

2024 চনৰ এনচিআৰবিৰ প্ৰতিবেদন অনুসৰি মুঠ 147175 টা শিশু সন্ধানহীন হৈছে । ভাৰতৰ বিভিন্ন ৰাজ্যৰ পৰা মুঠ 134820 টা শিশু নিৰুদ্দেশ হোৱাৰ খবৰ পোৱা গৈছে । ইয়াৰ ভিতৰত আছে 32127 জন ল’ৰা, 1,02686 গৰাকী ছোৱালী আৰু 7 জন তৃতীয় লিংগৰ শিশু ।

ইয়াৰ লগতে কেন্দ্ৰীয় শাসিত অঞ্চলৰ পৰা মুঠ 12,355 টা শিশু নিৰুদ্দেশ হোৱাৰ বাতৰি পোৱা গৈছে । ইয়াৰ ভিতৰত আছে 3768 জন ল’ৰা, 8585 গৰাকী ছোৱালী আৰু 2 টা তৃতীয় লিংগৰ শিশু ৷

এনচিআৰবিৰ প্ৰতিবেদনত উল্লেখ কৰা মতে, ল’ৰা আৰু তৃতীয় লিংগৰ শিশুৰ তুলনাত নিৰুদ্দেশ হোৱা ছোৱালী শিশুৰ সংখ্যাই অধিক ৷ আৰক্ষী থানাতো ছোৱালী শিশু সন্ধানহীন হোৱা গোচৰৰ সংখ্যা আধিক ৷

3) শেহতীয়া তথ্য অনুসৰি ৰাজ্য অনুসৰি নিৰুদ্দেশ হোৱা শিশুৰ সংখ্যা ক’ত, কিমান, জানো আহক...

উপৰোক্ত তালিকাৰ পৰা জানিব পৰা মতে, সৰ্বাধিক শিশু নিৰুদ্দেশ হোৱা ৰাজ্যখন হৈছে পশ্চিমবংগ ৷ 2024 বৰ্ষত এনচিআৰবিৰ প্ৰতিবেদনত লাভ কৰা তথ্য মতে, 2024 ত পশ্চিমবংগত নিৰুদ্দেশ হোৱা সংখ্যা 22742 টা ।

কম শিশু নিৰুদ্দেশ হোৱা ৰাজ্যখন হৈছে ছিকিম ৷ 2024 ত ছিকিমত নিৰুদ্দেশ হোৱা শিশুৰ সংখ্যা 19 টা । এইবোৰৰ মাজতে এই প্ৰতিবেদনত এক ভাল খবৰ পোহৰলৈ আহিছে ৷ সেয়া হৈছে উত্তৰ-পূবৰ সাতভনী ৰাজ্যৰ অন্যতম মিজোৰামৰ ক্ষেত্ৰত ৷ 2024 ৰ তথ্য মতে, মিজোৰামত কোনো শিশু নিৰুদ্দেশ হোৱাৰ খবৰ পোৱা নাই ।

4) কোন ৰাজ্যত কিমান ল'ৰা আৰু কিমান ছোৱালী নিৰুদ্দেশ হৈছে ?

ওপৰৰ তালিকা অনুসৰি সৰ্বাধিক শিশু নিৰুদ্দেশ হোৱা ৰাজ্যখন হৈছে পশ্চিম বংগ ৷ বিগত সময়ছোৱাত ৰাজ্যখনৰ পৰা নিৰুদ্দেশ হোৱা মুঠ 22,742 টা শিশুৰ ভিতৰত ল’ৰা আৰু ছোৱালীৰ সংখ্যা ক্ৰমে 3692 জন আৰু 19050 গৰাকী ৷

2024 ৰ এন চি আৰ বিৰ প্ৰতিবেদন মতে, মধ্যপ্ৰদেশত সৰ্বাধিক ল’ৰা নিৰুদ্দেশ হৈছে, যাৰ সংখ্যা 3849 জন ৷ ইফালে পশ্চিমবংগত ল’ৰাতকৈ নিৰুদ্দেশ হোৱা ছোৱালীৰ সংখ্যাহে সৰ্বাধিক, যাৰ সংখ্যা 19050 গৰাকী ৷ ইয়াৰ বিপৰীতে আন ৰাজ্যৰ তুলনাত মহাৰাষ্ট্ৰত তৃতীয় লিংগৰ শিশু বেছিকৈ নিৰুদ্দেশ হৈছে, নিৰুদ্দেশ হোৱা শিশুৰ সংখ্যা 3 টা ৷

5) শিশু-কৈশোৰ নিৰুদ্দেশ হোৱাৰ মূল কাৰণ কি, প্ৰতি বছৰে কিমান শিশু নিৰুদ্দেশ হৈ আছে ?

NHRC কমিটীৰ প্ৰতিবেদন অনুসৰি, বিভিন্ন কাৰণবসত বহু শিশু নিৰুদ্দেশ হৈছে ৷ ইয়াৰে ভিতৰত মূল কিছু কাৰণ হ’ল -

• পৰিয়ালৰ সদস্যৰ দ্বাৰা অপহৰণ
• অচিনাকি ব্যক্তিৰ দ্বাৰা অপহৰণ
• কিছু শিশুৱে নিজেই ঘৰৰ পৰা পলাই যায় নাইবা কেতিয়াবা পৰিয়াল আৰু বিভিন্ন কাৰণৰ বাবে পৰিস্থিতিৰ পৰা হাত সাৰিবলৈ পলাই যাবলৈ বাধ্য হয়
• কিছু শিশুৱে অবন্ধুত্বপূৰ্ণ (unfriendly) আৰু শত্ৰুতাপূৰ্ণ পৰিৱেশৰ সন্মুখীন হয় আৰু ঘৰৰ পৰা ওলাই যাবলৈ বাধ্য হয়
• মাক-দেউতাক নোহোৱা হৈ গ’লেও পৰিয়ালৰ হেঁচাত কিছু শিশু ঘৰৰ পৰা ওলাই গৈ নিৰুদ্দেশ হৈ পৰে
• কিছু শিশুৰ সৰবৰাহকাৰীৰ কৱলত পৰে
• ঘৰুৱা পৰিৱেশৰ পৰা অতিস্ত হৈ ল’ৰা-ছোৱালী পলাই যায় আৰু নিৰুদ্দেশ হৈ পৰে... ইত্যাদি ৷

ইয়াৰ উপৰিও কিছু কিছু ক্ষেত্ৰত দেখা যায়, কোনো পৰিয়ালৰ আৰ্থিক অৱস্থা ভাল নহ’লে অসাধু চক্ৰই তাৰে সুযোগ গ্ৰহণ কৰে ৷ উক্ত পৰিয়ালৰ নিৰ্দিষ্ট শিশুটিক কোনো ভাল কৰ্মত নিয়োজিত বা ভালদৰে পঢ়া-শুনা কৰাব বুলি ঘৰৰ পৰা আঁতৰলৈ লৈ যায় ৷ শেষত যৌনকৰ্মী হিচাপে বা কেতিয়াবা আনৰ ঘৰ, হোটেল, ৰেস্তোৰাঁ বা আন স্থানত ঘৰুৱা সহায়ক বা শিশু শ্ৰমিক হিচাপে কামত লগায় ৷ যিটো অত্যন্ত ভয়ংকৰ হিচাবে পৰিগণিত হৈছে ৷

6) 2020-2024 ৰ ভিতৰত নিৰুদ্দেশ হোৱা শিশু-কৈশোৰৰ বছৰ ভিত্তিক বিশ্লেষণ -

(উৎস :

https://www.ncrb.gov.in/crime-in-india-year-wise.html?year=2024&keyword=

https://nhrc.nic.in/assets/uploads/minute_of_meeting/1751364506_a56bf3825871a20c27fc.pdf

https://www.ncrb.gov.in/uploads/2022/July/11/custom/crime-in-india/table-15.1-2020.pdf

NCRB reports from 2020 to 2024.)