উপ-নিৰ্বাচন ২০২৫ৰ ফলাফল : ৰাজস্থানত কংগ্ৰেছ প্ৰাৰ্থীৰ জয়, পঞ্জাৱৰ উপ-নিৰ্বাচনত জয়ী 'আপ'

নুৱাপাদা বিধানসভা সমষ্টিৰ উপ-নিৰ্বাচনত বিজেপিৰ প্ৰাৰ্থী জয় ঢোলাকিয়াই ৮৩,৭৪৮ টা ভোটেৰে বিজয় সাব্যস্ত কৰিছে ৷

পঞ্জাৱৰ টাৰ্ণ তৰণ সমষ্টিৰ উপ-নিৰ্বাচনত বিজয় সাব্যস্ত কৰিছে আম আদমি পাৰ্টীৰ হৰমিত সিং সন্ধুৱে ৷ প্ৰায় ১২০০০ৰো অধিক ভোটৰ ব্যৱধানত তেওঁ শিৰোমণি আকালি দলৰ সুখৱিন্দৰ কৌৰক পৰাজিত কৰে ৷ কংগ্ৰেছ প্ৰাৰ্থী কৰণবীৰ সিঙে তৃতীয় স্থান লাভ কৰে ।

ৰাজস্থানৰ অন্তাত কংগ্ৰেছ প্ৰাৰ্থী প্ৰমোদ জৈন "ভায়া"ৰ বিজয় । তেওঁ বিজেপিৰ প্ৰাৰ্থী মৰ্পাল সুমনক ১৫,৬১২টা ভোটত পৰাস্ত কৰে । ৫৩,৮০০ ভোট লাভ কৰি তৃতীয় স্থানত আছে নিৰ্দলীয় প্ৰাৰ্থী নৰেশ মীনা ।

তেলেংগানাৰ হায়দৰাবাদত অনুষ্ঠিত জুবিলী হিলছৰ উপ-নিৰ্বাচনত জয় কংগ্ৰেছৰ ৷ দলৰ প্ৰাৰ্থী নবীন যাদৱে ২৫ হাজাৰৰো অধিক ভোটৰ ব্যৱধানত জয়লাভ কৰে । ভোটগণনাৰ প্ৰতিটো ৰাউণ্ডতে কংগ্ৰেছে অগ্ৰগতি লাভ কৰিছিল ৷ এই বিজয়ৰ লগে লগে তেলেংগানাত ক্ষমতালৈ অহাৰ পিছত অনুষ্ঠিত হোৱা দুয়োটা উপ-নিৰ্বাচনতে কংগ্ৰেছ এতিয়া বিজয়ী ধ্বজ্জা উৰুৱাবলৈ সক্ষম হৈছে ৷

জুবিলী হিলছ সমষ্টিৰ কংগ্ৰেছ প্ৰাৰ্থী নবীন যাদৱে কয়, ‘‘যিসকল লোকে মোক বিশ্বাস কৰিছিল আৰু মোক ইমান বিপুল সংখ্যাগৰিষ্ঠতাৰে জয়ী কৰাছে, তেওঁলোকৰ প্ৰতি মই কৃতজ্ঞ হৈ ৰ’ম ।’’

জম্মু-কাশ্মীৰৰ নগ্ৰোটাৰ পৰা বিজেপিৰ নৱনিৰ্বাচিত বিধায়িকা দেৱানী ৰাণাই জয়ৰ পাচতে ব্যক্ত কৰিছে নিজৰ প্ৰতিক্ৰিয়া । তেওঁ কয়, "মই সৌভাগ্যৱান যে যেনেকৈ নাগ্ৰোতাই ৰাণা চাহাবক (তেওঁৰ পিতৃ প্ৰয়াত বিধায়ক দেৱেন্দ্ৰ সিং ৰাণাক) আশীৰ্বাদ দিলে, আজি তেওঁলোকে পৰিয়ালৰ কৰ্তব্য পালন কৰি মোক আশীৰ্বাদ দিলে । মই তেওঁলোকৰ প্ৰতি কৃতজ্ঞ হৈ ৰ’ম । বিজেপিয়ে যেতিয়া নিৰ্বাচনত প্ৰতিদ্বন্দ্বিতা কৰে তেতিয়া ই জয়ী হ'বলৈ যুঁজ দিয়ে ।"

জম্মু-কাশ্মীৰৰ বুডগামত ধাৰাত আগবাঢ়ি আছে পিপলছ ডেম’ক্ৰেটিক পাৰ্টীৰ প্ৰাৰ্থী আগা চৈয়দ মুন্তাজিৰ মেহদী । তেওঁৰ প্ৰতিদ্বন্দ্বী হৈছে জম্মু-কাশ্মীৰ ৰাষ্ট্ৰীয় সন্মিলনৰ প্ৰাৰ্থী আগা চৈয়দ মাহমুদ আল মোছাভি ।

মিজোৰামৰ ডাম্পা আসনত ৫৬২টা ভোটত জয়লাভ কৰিছে মিজো নেচনেল ফ্ৰণ্টৰ প্ৰাৰ্থী ড৹ আৰ লালথাংলিয়ানাই ।

জম্মু-কাশ্মীৰৰ নগ্ৰোটাৰ আসনত বিজেপিয়ে জয়লাভ কৰিছে । বিজেপিৰ প্ৰাৰ্থী দেৱানী ৰাণাই প্ৰতিদ্বন্দ্বীক ২৪ হাজাৰ বিপুল ভোটৰ ব্যৱধানত পৰাস্ত কৰে ।

জম্মু-কাশ্মীৰ বুডগাম বিধানসভাৰ উপ-নিৰ্বাচনৰ প্ৰাৰম্ভিক ধাৰা অনুসৰি মুঠ ১৭টা ৰাউণ্ডৰ ভিতৰত তৃতীয় ৰাউণ্ডৰ ভোট গণনাৰ পিছত পিডিপিৰ আগা চৈয়দ মুন্তাজিৰ মেহদীয়ে ৩২টা ভোটৰ ব্যৱধানত আগবাঢ়ি আছে ।

পঞ্জাবত টাৰ্ণ তৰণ উপ-নিৰ্বাচনৰ ৬/১৬ ৰাউণ্ডৰ ভোটগণনাৰ অন্তত আপৰ প্ৰাৰ্থী হৰমিত সিং সন্ধু ৮৯২ টা ভোটৰ ব্যৱধানত আগবাঢ়ি আছে ।

ৰাজস্থানত আন্তা বিধানসভাৰ উপ-নিৰ্বাচনৰ বাবে ভোট গণনাৰ প্ৰাৰম্ভিক ধাৰাত ১/২০ ৰাউণ্ড গণনাৰ অন্তত ২৪৬ টা ভোটৰ ব্যৱধানত আগবাঢ়ি আছে কংগ্ৰেছ প্ৰাৰ্থী প্ৰমোদ জৈন ‘ভায়া’ ।

ওড়িশাৰ নুৱাপাদা বিধানসভাৰ উপ-নিৰ্বাচনৰ প্ৰাৰম্ভিক ধাৰা অনুসৰি, বিজেপিৰ জে ঢোলাকিয়া বিজেডিৰ স্নেহাংগিনী চুৰীয়াতকৈ ৩৫৪৭টা ভোটৰ ব্যৱধানত আগবাঢ়ি আছে ।

পঞ্জাবত টাৰ্ণ তৰণ বিধানসভা সমষ্টিৰ উপ-নিৰ্বাচনৰ প্ৰথম ৰাউণ্ডৰ গণনাৰ অন্তত আকালি দলৰ অগ্ৰগতি সন্দৰ্ভত প্ৰতিক্ৰিয়া প্ৰকাশ কৰে দলৰ নেতা হৰৱন্ত সিঙে ৷ তেওঁ কয়, ‘‘ফলাফল অতি উত্তম ।’’ ২০২৭ চনৰ ৰাজ্যিক নিৰ্বাচন সন্দৰ্ভত তেওঁ কয়, "আকালি দলে চৰকাৰ গঠন কৰিব । মিত্ৰজোঁট গঠন হ'লে ভাল, কিন্তু প্ৰথমবাৰৰ বাবে আকালি দলে নিজাববীয়াকৈ নিৰ্বাচনত জয়ী হ'ব । দিল্লীৰ পৰা ডকাইত আহিছিল, কিন্তু সফল নহ'ল ।"

হায়দৰাবাদত জুবিলী হিলছ বিধানসভা সমষ্টিৰ উপ-নিৰ্বাচনৰ ভোটগণনা চলি আছে । নিৰ্বাচন আয়োগৰ তথ্য অনুসৰি, প্ৰাৰম্ভিক ধাৰাত আগবাঢ়ি আছে কংগ্ৰেছ প্ৰাৰ্থী নবীন যাদৱ ।

ঝাৰখণ্ডত ঘটছিলা বিধানসভাৰ উপ-নিৰ্বাচনৰ বাবে গণনা চলি আছে । প্ৰাৰম্ভিক ধাৰা অনুসৰি জেএমএমৰ প্ৰাৰ্থী সোমেশ চন্দ্ৰ ছোৰেনে ২১৬৪টা ভোটত আগবাঢ়ি আছে ।

জম্মু-কাশ্মীৰ বুডগাম বিধানসভাৰ উপ-নিৰ্বাচনৰ ভোটগণনা চলি আছে । নিৰ্বাচন আয়োগৰ প্ৰাৰম্ভিক ধাৰা অনুসৰি ১৭ ৰ ৰাউণ্ডৰ গণনাৰ পিছত NC ৰ আগা চৈয়দ মাহমুদ আল মোছাভিয়ে পিডিপিৰ আগা চৈয়দ মুন্তাজিৰ মেহদীতকৈ ৬২৪ টা ভোটত আগবাঢ়ি আছে ।

জুবিলী হিলছ বিধানসভাৰ উপ-নিৰ্বাচনত ভোটগণনাৰ নিৰাপত্তাৰ ব্যৱস্থা সন্দৰ্ভত হায়দৰাবাদৰ যুটীয়া আৰক্ষী আয়ুক্ত তাফছিৰ ইকবালে কয়, "পৰিস্থিতি সম্পূৰ্ণৰূপে নিয়ন্ত্ৰণত ৷ ১৪৪ ধাৰা জাৰি কৰা হৈছে । ১৬ নৱেম্বৰলৈকে প্ৰযোজ্য থাকিব আচৰণ বিধি । ইতিমধ্যে স্পৰ্শকাতৰ স্থান চিনাক্ত কৰা হৈছে আৰু ১৫টা প্লাটুন আৰু ৩০০ৰো অধিক আৰক্ষী কৰ্মী নিয়োগ কৰা হৈছে ।"

জামছেদপুৰত ঘটছিলা বিধানসভাৰ উপ-নিৰ্বাচনৰ ভোটগণনা চলি আছে । কটকটীয়া নিৰাপত্তাৰ মাজত চলি আছে ভোটগণনা প্ৰক্ৰিয়া । ইভিএমত আবদ্ধ হৈ আছে ১৩ গৰাকী প্ৰাৰ্থীৰ ভাগ্য ।

ৰাজস্থানত আন্তা উপ-নিৰ্বাচনৰ ভোটগণনা আৰম্ভ হৈছে । ১৪খন টেবুলত ২০ ৰাউণ্ডৰ বাবে ভোটগণনা কৰি থকা হৈছে ৷

পঞ্জাবৰ টাৰ্ণ তৰণ সমষ্টিত চলি আছে ভোটগণনা ৷ এই সময়ত উপস্থিত উক্ত কেন্দ্ৰটোত উপস্থিত থাকে উপাযুক্ত ৰাহুল ৷ তেওঁ কয়, "২২২টা বুথত ভোটাৰৰ ভোটদানৰ হাৰ ৬০.৯৫ শতাংশ । আজি ১৪টা কাউণ্টাৰত ১৬টা ৰাউণ্ড গণনা কৰা হৈছে । ইয়াৰ উপৰিও আমি ইটিপিবিএমএছ সেৱাৰ ভোটাৰৰ পৰা ডাক বেলট আৰু বিভিন্ন ক্ষমতাসম্পন্ন ভোটাৰৰ পৰা ২৫০ৰো অধিক বেলট লাভ কৰিছো । বিয়লি ২:৩০ বজাৰ ভিতৰত ফলাফল অহাৰ সম্ভাৱনা আছে ৷ গণনা কেন্দ্ৰসমূহত বি এছ এফ আৰু পঞ্জাব আৰক্ষীকে ধৰি তিনিটা স্তৰৰ নিৰাপত্তা ব্যৱস্থা স্থাপন কৰা হৈছে ।”

নিৰ্বাচন আয়োগৰ তথ্য অনুসৰি পঞ্জাবত টাৰ্ণ তৰণৰ উপ-নিৰ্বাচনৰ প্ৰাৰম্ভিক ধাৰাত ১/১৬ ৰাউণ্ড গণনাৰ অন্তত আপৰ হৰমীত সিং সন্ধুতকৈ ৬২৫ টা ভোটৰ ব্যৱধানত আগবাঢ়ি আছে শিৰোমণি আকালি দলৰ সুখৱিন্দৰ কৌৰ ।

তেলেংগানাৰ হায়দৰাবাদত অনুষ্ঠিত হোৱা জুবিলী হিলছ বিধানসভাৰ উপ-নিৰ্বাচনৰ ভোটগণনা পুৱা ৮ বজাৰ পৰা আৰম্ভ হয় । ইউছুফগুডাৰ কোটলা বিজয় ভাস্কৰ ৰেড্ডী ইনড’ৰ ষ্টেডিয়ামত ভোটগণনা প্ৰক্ৰিয়া দ্ৰুতগতিত আগবাঢ়িছে । BRS ৰ বিধায়ক মগন্তী গোপীনাথৰ মৃত্যুৰ পিছতে সেই এখন আসনখন খালী হৈ পৰে । সেয়ে তাৰ পাচতে ১১ নৱেম্বৰৰ দিনা অনুষ্ঠিত হৈছিল এখন আসনৰ বাবে উপ-নিৰ্বাচন ।

আম আদমী পাৰ্টীৰ বিধায়ক কাশ্মীৰ সিং সোহালৰ মৃত্যুৰ পিছত খালী হৈ পৰা পঞ্জাবৰ টাৰ্ণ তৰণ বিধানসভা সমষ্টিৰ এটা কেন্দ্ৰত আৰম্ভ হৈছে ভোটগণনা প্ৰক্ৰিয়া । সম্প্ৰতি ভোটগ্ৰহণ কেন্দ্ৰটোত গঢ়ি তোলা হৈছে কটকটীয়া নিৰাপত্তা ব্যৱস্থা ।

সাতখন ৰাজ্য আৰু কেন্দ্ৰীয় শাসিত অঞ্চলৰ ৮খন বিধানসভাৰ আসনৰ বাবে ভোটগণনা আৰম্ভ হৈছে । তেলেংগানাৰ জুবিলী হিলছ বিধানসভাৰ উপ-নিৰ্বাচনৰ বাবেও ভোটগণনা আৰম্ভ হৈছে ।

উপ-নিৰ্বাচনৰ বাবে ৰাজ্যভেদে ভোটদানৰ হাৰ ভিন্ন আছিল ৷ মিজোৰামৰ ডাম্পাত সৰ্বাধিক ৮২.৩% ভোটদান কৰিছে । ভোটদানৰ হাৰত দ্বিতীয় স্থানত আছে ৰাজস্থানৰ অন্তা ৮০.৩% । ইফালে ওড়িশাৰ নুয়াপাদাত ৭৯.৪%, ভোটদানৰ হাৰত জম্মু-কাশ্মীৰৰ নাগ্ৰোটাত ৭৫.১%, ঝাৰখণ্ডৰ ঘাটশিলা ৭৪.৬%, পঞ্জাবৰ টাৰ্ণ তৰণত ৬১%, জম্মু-কাশ্মীৰৰ বুডগামত ৫০% আৰু তেলেংগানাৰ জুবিলী হিলছত ৪৮.৫% ।