হোজাই,২৪ ফেব্ৰুৱাৰী : ৰাজ্যত হস্তী মানুহৰ সংঘাতৰ ঘটনা অব্যাহত আছে । প্ৰায় প্ৰতিদিনে ৰাজ্যৰ বিভিন্ন প্ৰান্তৰ পৰা হস্তী-মানুহৰ সংঘাতৰ খবৰ অহা দেখা যায় । তাৰ মাজতে হোজাই জিলাৰ লংকাৰ অকান্তু গাঁৱত এটা বনৰীয়া হাতীৰ কৰুণ মৃত্যুত শোকাকুল পৰিৱেশে বিৰাজ । বাৰ্ধক্যজনিত কাৰণতেই শনিবাৰে বনৰীয়া হাতীটোৰ মৃত্যু হোৱা বুলি আশংকা কৰা হৈছে ।

জানিব পৰা মতে বনাঞ্চলৰ পৰা বনৰীয়া হাতীটো ওলাই আহি লংকা আঞ্চলিক বন কাৰ্যালয়ৰ অন্তৰ্গত অকান্তু গাঁৱত প্ৰৱেশ কৰে আৰু শুকুৰবাৰৰ পৰা গাঁওখনতে বিচৰণ কৰি আছিল । পিচত বনৰীয়া হাতীটো অকান্তু গাঁৱৰেই এখন কুঁহিয়াৰ পথাৰৰ মাজত অসুস্থ হৈ বাগৰি পৰে । এই সন্দৰ্ভত লগে লগে লংকা বন বিভাগে কাজিৰঙাৰ চিডব্লিউআৰচিৰ লগত যোগাযোগ কৰে । অৱশ্যে পিচত হাতীটোৰ মৃত্যু হয় । পৰৱৰ্তী সময়ত লংকা বন বিভাগে পশু চিকিৎসকক মাতি প্ৰাথমিক তদন্ত কৰে । বন বিভাগৰ বিষয়াই জনোৱা মতে হাতীটো ৭০ উৰ্ধৰ আছিল । যাৰ বাবে বাৰ্ধক্যজনিত কাৰণতেই হাতীটোৰ মৃত্যুৰ সন্দেহ কৰা হৈছে ।

লগতে পঢ়ক :মানাহ ৰাষ্ট্ৰীয় উদ্যানত আৰম্ভ হস্তী গণনা প্ৰক্ৰিয়া